08 Feb 18:15

Manba: qalampir.uz

AQSH “Kataib Hizbulloh” yetakchisini yo‘q qildi

Eron tomonidan qo‘llab-quvvatlangani aytiladigan “Kataib Hizbulloh” guruhi rahbari Abu Bakir as-Sa’diy kecha, 7 fevral kuni Bag‘dodda o‘ldirildi. U va ikki qo‘riqchi Amerika uchuvchisiz samolyoti hujumiga uchragan mashina ichida bo‘lgan. Zarba oqibatida avtomobil ichidagi 3 kishi ham halok bo‘lgan. Bu haqda AQSH Markaziy qo‘mondonligi (CENTCOM) xabar berdi.

Pentagon Abu Bakir as-Sa’diy mintaqadagi amerikalik askarlarga hujum uyushtirish uchun javobgar ekanini bildirgan. Qayd etish joizki, AQSH yanvar oyida Iordaniyadagi AQSH bazasiga hujum uyushtirgan va uch nafar amerikalik harbiy xizmatchining o‘limiga sabab bo‘lgan hujumda Iroqdagi “Kataib Hizbulloh” guruhini ayblagandi.

AQSHning Iroqqa bostirib kirishi ortidan tashkil topgan yarim harbiylashtirilgan “Kataib Hizbulloh” so‘nggi oylarda mintaqadagi AQSH bazalarini o‘qqa tutgan Eronga yaqin asosiy guruhlardan biridir.

Vashingtonga ko‘ra, "Kataib Hizbulloh" Eron inqilobi qo‘riqchilari korpusi bilan chambarchas bog‘liq va xalqaro koalitsiya kuchlariga hujum qilish uchun bir necha bor undan yordam olgan.

Yanvar oyida Iordaniyadagi AQSH bazasiga uyushtirilgan hujumdan so‘ng guruh Iroq rasmiylarini noqulay ahvolga solib qo‘ymaslik uchun Amerika qo‘shinlariga qarshi hujumlarni to‘xtatayotganini aytgandi.

Shunga qaramay, kecha, 7 fevral kuni kechqurun amerikaliklar bu suiqasdni Bag‘dodning Mashtal tumanida amalga oshirdi. Operatsiya gavjum ko‘chada harakatlanayotgan mashinaga aniq zarba berish orqali amalga oshirilgan.

CENTCOM hujum mahalliy vaqt bilan soat 21:30da sodir bo‘lgani va "mintaqadagi AQSH kuchlariga hujumlarni bevosita rejalashtirish va ishtirok etish uchun javobgar bo‘lgan qo‘mondon" o‘ldirilganini bildirgan.

Eslatib o‘tamiz, 28 yanvar kuni Suriya-Iordaniya chegarasi yaqinidagi AQSH harbiy bazasiga qilingan dron hujumi oqibatida uch nafar amerikalik harbiy halok bo‘lgan va bir necha o‘nlab kishi jarohatlangan edi. Bunga javoban 2 fevral kuni AQSH Markaziy qo‘mondonligi Suriya va Iroqdagi 85 dan ortiq nishonga zarba bergani, bu havo hujumlari Eron inqilobi qo‘riqchilari korpusiga tegishli “Al-Quds” maxsus kuchlari va unga aloqador guruhlarga qarshi qaratilganini bildirdi. Prezident Jo Baydenning milliy xavfsizlik bo‘yicha maslahatchisi Jeyk Sallivan AQSH Yaqin Sharqdagi Eronga aloqador kuchlarga yangi zarbalar berish niyatida ekanini aytdi.

Doʻstlaringiz bilan ulashing

Jahon yangiliklari

15 Jul 12:02

qalampir.uz

Tramp Putinning laychasi – Bayden

AQSH Prezidenti Jo Bayden yana Rossiya davlat rahbari Vladimir Putinga nisbatan haqoratli bayonot berdi, shuningdek, uning asosiy siyosiy raqibi Donald Trampni Rossiya Prezidentining “laychasi” deb atadi. Bu haqda u kecha, 12 iyul kuni Michigandagi mitingda so‘z ochdi. Amerika yetakchisi respublikachi Trampning Rossiyaning Ukrainadagi urushga munosabatini muhokama qildi. “Qarang, bu juda jiddiy. Men uzoq vaqtdan beri biladigan o‘sha qassob Putin Ukrainaga bostirib k

Jahon yangiliklari

02 Jul 15:47

qalampir.uz

Eron “Hizbulloh”ni qo‘llab-quvvatlashga tayyorligini ma’lum qildi

Isroil Livanga qarshi keng ko‘lamli urush boshlasa, Eron “Hizbulloh” harakatini qo‘ldan kelgancha qo‘llab-quvvatlaydi. Bu haqda Eronning oliy rahbari Oyatulloh Ali Xomanaiyning maslahatchisi va Eronning xalqaro aloqalar bo‘yicha strategik kengashi rahbari Kamol Xaroziy “Financial Times” gazetasiga bergan intervyusida ma’lum qildi. “Bunday vaziyatda “Hizbulloh”ni har qanday yo‘l bilan qo‘llab-quvvatlashdan boshqa ilojimiz yo‘q. Barcha

Jahon yangiliklari

23 Jun 16:36

qalampir.uz

Dengiz to‘lqini olib ketgan ayol uch kundan keyin o‘lik holda topildi (video)

Rossiyada kuchli bo‘ron sababli dengizda cho‘kib ketgan 20 yoshli ayolning jasadi uch kundan so‘ng topildi. Bu haqda Rossiya Favqulodda vaziyatlar vazirligi rasmiy Telegram-kanali xabar berdi. Qayd etilishicha, 16 iyun kuni ayol Qora dengiz bo‘yida yigit hamrohi bilan cho‘milayotganda kuchli dengiz to‘lqini sabab suvga g‘arq bo‘lgan. Voqea sodir bo‘lgandan uch kun o‘tib, qutqaruvchilar qizning jasadini Sochidagi suv omboridan topgan. Nashrga ko‘ra, jasad &ldqu

Jahon yangiliklari

26 Jul 10:19

qalampir.uz

G‘azo va Ukrainadagi urushlarni tugatishga harakat qilaman – Bayden

AQSH Prezidenti Jo Bayden G‘azodagi urushni tugatish va Ukrainani qo‘llab-quvvatlash uchun harakat qilishga va’da berdi. Bu haqda u prezidentlik poygasini tark etganidan so‘ng birinchi marta jamoatchilikka murojaatida ma’lum qildi. Bayden prezidentlik muddatining qolgan qismini ichki va tashqi siyosatdagi muhim mavzularga qaratish bilan o‘tkazishini va kam ta’minlangan oilalar uchun xarajatlarni qisqartirish, iqtisodiyotni rivojlantirish va demokratiya va inson huquqlari kabi so