calendar 07 Feb 14:50
eye 60
comments 0
comments Manba: qalampir.uz

Aliment to‘lamagani uchun qamalgan erkakning ishi qayta ko‘rildi

image

Alimentni o‘z vaqtida to‘lamagani uchun qamalgan erkak ombudsmanga o‘ziga berilgan jazoni yengillashtirishda yordam so‘rab murojaat qildi. Bu haqda Oliy Majlisning Inson huquqlari bo‘yicha vakili (ombudsman) ma’lum qildi. 

Bildirlishicha, ushbu fuqaro 2023 yil noyabrda Jinoyat ishlari bo‘yicha Bekobod tuman sudining hukmiga ko‘ra, O‘zbekiston Respublikasi Jinoyat kodeksining 122-moddasi 1-qismi bilan aybdor deb topilib, 1 yilga ozodlikdan mahrum etilgan hamda sud zalida qamoqqa olingan.

Shundan so‘ng, ayblanuvchi aliment bo‘yicha qarzdorligini to‘liq qopladi va ombudsmanga o‘ziga tayinlangan jazoni yengillashtirish yuzasidan ariza kiritdi. Ombudsman esa ushbu ariza asosida sudga xulosa kiritdi. Natijada Toshkent viloyat sudi jinoyat ishlari bo‘yicha sudlov hay’ati kassatsiya instansiyasining 2024 yil 5 fevraldagi ajrimi bilan sudlanuvchiga 2 oy 15 kun ozodlikdan mahrum etish jazosi tayinlandi.
 
Ma’lumot uchun, 2023 yilda Ombudsmanga aliment undirish bo‘yicha 300 ga yaqin murojaat kelib tushgan. Bu 2022 yilning mos davriga nisbatan 17,8 foizga ko‘p. Ushbu murojaatlarning o‘rganilishi jarayonida xotin-qizlarning voyaga yetmagan farzandlari ta’minoti uchun 80 million 700 ming so‘mlik aliment to‘lovlarining undirilishi ta’minlangan.

Shuningdek, shunday holatlarda 5 nafar shaxsga 15 sutka ma’muriy qamoq jazosi qo‘llanilgan, yana 3 ta holatda qarzdorlar jinoiy javobgarlikka tortilgan.

Eslatib o‘tamiz, avvalroq Toshkent shahar Yashnobod tumanida uch nafar xotiniga farzandlari ta’minoti uchun aliment to‘lamay yurgani uchun  qo‘lga olingan erkakning qarzini to‘rtinchi xotini to‘lagandi.


Doʻstlaringiz bilan ulashing

23 Jun 17:28
 
76
0
qalampir.uz

Poraxo‘rlikka qarshi kurashish virtual akademiyasi ishga tushadi

2025 yil 1 yanvardan  aholi va davlat xizmatchilarining korrupsiyaga qarshi kurashish sohasidagi bilimlarini uzluksiz oshirishga qaratilgan “Korrupsiyaga qarshi kurashish virtual akademiyasi” elektron platformasi joriy etiladi. Bu haqda Korrupsiyaga qarshi kurashish agentligi xabar berdi. Unga ko‘ra, virtual akademiyada o‘quv faoliyatini tashkil etish va yuritish agentlik hamda Huquqni muhofaza qilish akademiyasi tomonidan amalga oshiriladi. Bu borada "Aholi va davla

01 Jul 12:29
 
44
0
qalampir.uz

Andijonda to‘rtta mashina YTH sodir etdi 

Andijon viloyatining Marhamat tumanida to‘rtta avtomobil ishtirokida yo‘l-trasport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi xabar berdi. Ma’lum qilinishicha, holat kecha, 29 iyun kuni tumandagi “Gar-Gar” MFY hududidan o‘tgan 4R-138 avtomobil yo‘lining 33- kilometrida sodir bo‘lgan. 2000 yilda tug‘ilgan haydovchi T.M. o‘zining Nexia-2 mashinasida ikkinchi darajali yo‘ldan asosiy yo‘lga keskin chiqib yuborishi oqibatida, a

11 Jul 22:02
 
84
0
qalampir.uz

3 yoshli go‘dak vahshiylarcha o‘ldirildi.

Toshkent shahrida 31 yoshli erkak o‘zi bilan birga qonuniy nikohdan o‘tmasdan yashab kelgan ayolning birinchi turmushidan tug‘ilgan 3 yashar o‘g‘lini pichoqlab, o‘ldirdi. Qotillik sodir etilgani haqidagi ma’lumot 10 iyul kuni tunda tarmoqlarda tarqaldi. Ma’lum bo‘lishicha, voqea 9 iyul kuni tungi soat 3 lar atrofida Toshkent shahrining Yashnobod tumanida sodir bo‘lgan. Jinoyat sodir etilgan ko‘p qavatli binoga mas’ul bo‘lgan shaxsning so‘zlariga ko‘ra, ayblanuvch

24 May 14:41
 
46
0
qalampir.uz

Sobiq madaniyat vazirining o‘g‘li O‘zbekiston davlat san’at va madaniyat institutiga rektor bo‘ldi

Vazirlar Mahkamasining qaroriga asosan Nodirbek Sayfullayev O‘zbekiston davlat san’at va madaniyat instituti rektori lavozimiga tayinlandi. Bu haqda Madaniyat vazirligi matbuot xizmati xabar berdi. Nodirbek Sayfullayev tayinlovga qadar Prezident Administratsiyasi madaniyat va san’atni rivojlantirish shu’basi mudiri lavozimida faoliyat yuritayotgan edi. Yangi rahbarni Prezident Administratsiyasi Ijtimoiy rivojlanish departamenti rahbari Odil Abdurahmonov jamoaga tanishtirdi. Ma