O‘zbekiston tomoni Qirg‘izistonga Bishkek issiqlik elektr stansiyasidagi avariya munosabati bilan zarur yordam ko‘rsatishga tayyorligini bildirdi. Bu haqda O‘zbekiston Tashqi ishlar vaziri Baxtiyor Saidov qirg‘izistonlik mavqedoshi Jeyenbek Kulubayev bilan telefon orqali muloqotida ma’lum qildi.
Saidov O‘zbekiston Prezidenti Shavkat Mirziyoyev topshirig‘iga ko‘ra, O‘zbekiston tomoni Bishkek issiqlik elektr stansiyasida yuz bergan avariya munosabati bilan Qirg‘izistonga zarur yordam ko‘rsatishga tayyorligini bildirgan.
Xususan, O‘zbekiston tomoni yordam sifatida Andijondan O‘sh shahriga suyultirilgan gaz ballonlari jo‘natilishini e’lon qilgan.
O‘z navbatida, Kulubayev yordam uchun samimiy minnatdorlik bildirgan.
Eslatib o‘tamiz, kecha, 2 fevral kuni Bishkek issiqlik elektr stansiyasida avariya yuz bergandi.