calendar 31 Jan 13:42
eye 69
comments 0
comments Manba: qalampir.uz

Mask "taxtdan tushdi". Ayni paytda dunyoning eng boy odami kim?

image

Amerikaning Forbes jurnali dunyodagi eng boy odamlarning yangi reytingini taqdim etdi.

Ro‘yxatga ko‘ra,  LVMH guruhi rahbari (Christian Dior, Louis Vuitton, Moët & Chandon va boshqa brendlarga ega) rahbari Bernard Arno Maskni ortda qoldirib, dunyoning eng boy odamiga aylandi. Ayni paytda fransuz biznesmenining boyligi 207,6 milliard dollarga baholanyapti. “Tesla” bosh direktorining mablag‘i esa 204,7 milliard dollarni tashkil qiladi.

Bir yil avval LVMH rahbari Ilon Mask va Jeff Bezosdan keyin uchinchi o‘rinni egallagandi. O‘tgan hafta bor-yo‘g‘i bir kun ichida Arnoning boyligi 22,7 milliard dollarga o‘sgan va bu 12,3 foiz degani. Mask esa o‘sha kuni 18 milliard dollar yoki kapitalining 8,1 foizini yo‘qotgan.

Arno boshchiligidagi eng yirik hashamatli mahsulotlar ishlab chiqaruvchi LVMH 2023 yil uchun rekord ko‘rsatkichlarini e’lon qildi.
 
O‘tgan yili nufuzli brendlarning butun qatoriga egalik qiluvchi kompaniyalar – “Louis Vuitton”, “Christian Dior”, “Fendi” va “Tiffany & Co.”ning daromadi keskin oshdi va 86,2 milliard yevroga yetdi. Bu 2022 yilga nisbatan 13 foizga ko‘p va tahlilchilar tomonidan bashorat qilingan 85,74 milliard yevrolik ko‘rsatkichdan ham o‘tib ketdi. LVMH Group'ning foydasi chakana savdo bilan bog‘liq bo‘lib, uning 25 foizga ortishi kuzatildi.

Fransiyalik milliarder, shuningdek, 2024 yil uning biznesi uchun alohida yil bo‘lishidan umidvor va LVMH joriy yilda Parijda bo‘lib o‘tadigan Olimpiada va Paralimpiya o‘yinlariga homiylik qilishini aytib o‘tdi.
 
O‘z navbatida, Maskga tegishli “Tesla” kompaniyasining ham sof foydasi 7,93 milliard dollarga oshgan bo‘lsa-da, biroq bu asosan 5,75 milliard dollar miqdoridagi bir martalik soliq imtiyozlari orqali qo‘lga kiritildi.
 
Mutaxassislar 2024 yilgi global avtomobil sanoati uchun qiyin pallani boshdan kechirishini bashorat qilyapti. Hatto Tesla rentabelligi sezilarli darajada pasayishi mumkin. Bu Uoll-stritdagi bir qancha tahlilchilarni avtomobil ishlab chiqarish bo‘yicha taxminlarini qayta ko‘rib chiqishga undadi va bu kompaniya aksiyalari narxiga ta’sir qilmasdan qolmadi.
 
Daromad e’lon qilinganidan keyin Tesla aksiyalarining qiymati 12 foizga tushib ketdi. Shunday qilib, Ilon Mask “Forbes” ro‘yxatida ikkinchi o‘rinni egalladi.

Ulkanbayeva Rayxona


Doʻstlaringiz bilan ulashing

11 Jul 17:52
 
23
0
xs.uz

Qozogʻiston AQSH sanksiyalari tufayli Rossiya qimmatli qogʻozlaridan qutula boshladi. Moskva bunga qanday munosabatda?

Qozogʻiston depozitariysi Rossiya qimmatli qogʻozlari egalarini 10-avgustgacha ularni mamlakatdan olib chiqishga chaqirdi. Bu haqda 11-iyul, payshanba kuni mamlakat depozitariysining tavsiyasi bilan xat orqali maʼlum qilingan.Qimmatli qogʻozlarni olib qoʻyish boʻyicha hujjatda koʻrsatilgan muddatlar toʻgʻridan-toʻgʻri Vashington tomonidan 12-iyunda Milliy hisob-kitob depozitariysi va Moskva birjasiga qarshi joriy qilingan sanksiyalarga tegishli.'Qimmatli qogʻozlar markaziy depozitari

07 Jul 16:40
 
6
0
qalampir.uz

Pezeshkiyon Eronning G‘arb va Isroilga nisbatan siyosatini o‘zgatirmaydi – CNN

Eronning yangi Prezidenti, islohotchi Mas’ud Pezeshkiyon islomiy respublikaning G‘arb va Isroilga nisbatan siyosatini o‘zgartirmaydi. Bu haqda CNN tahlilida so‘z boradi. “G‘arb davlatlari bu saylov Eron bilan munosabatlarni o‘zgartirishini yoki Eronning Isroil bilan munosabatlar trayektoriyasini yangi yo‘nalishga o‘tishini kutmayapti”, deyiladi telekanal xabarida. CNN, shuningdek, saylovlar arafasida Eron oliy hukmdori Xomanaiy G‘arb bilan munosabatlarni y

27 Jun 12:39
 
18
0
qalampir.uz

Yevropa Ittifoqi “Paksh-2” AESni har qanday sanksiyalardan ozod qildi

Yevropa Ittifoqi birinchi marta Vengriyadagi Rosatom loyihasi doirasida amalga oshirilgan “Paksh-2” atom elektr stansiyasi har qanday taqiq va cheklovlardan ozod qilinganini yozma ravishda tasdiqladi. Rossiyaga qarshi sanksiyalarning 14-paketiga izohlarda bu choralar hech qanday tarzda yangi atom elektr stansiyasi qurilishiga xalaqit bermasligi kerakligi qayd etilgan. “Yevropa Ittifoqi yadroviy xavfsizlikka tahdidlardan qochish tarafdori. Binobarin, ushbu Nizomda nazarda t

28 May 18:00
 
16
0
qalampir.uz

Qozog‘iston Rossiyadan O‘zbekistonga gaz tranzitini oshirish uchun tizimni modernizatsiya qilishi kerak

Qozog‘iston Rossiyaning o‘z hududi orqali O‘zbekistonga gaz yetkazib berishni ko‘paytirish taklifidan foyda ko‘radi, biroq buning uchun respublika gaz transporti tizimini modernizatsiya qilish talab etiladi. Bu haqda jurnalistlarga Qozog‘iston Energetika vaziri Almasadam Satkaliyev ma’lum qildi.  “Ayni paytda O‘zbekistonga 3,8 milliard kub metr hajmdagi Rossiya gazining tranziti rejalashtirilgan. Ta’minotni 11 milliard kub metrga oshirish uchun gaz tashish tizim