calendar 29 Jan 14:11
eye 55
comments 0
comments Manba: qalampir.uz

O‘zbekistonda yangi haftada qanday ob-havo bo‘lishi e’lon qilindi

image

O‘zgidromet  29- yanvardan  2-fevralgacha kuzatilishi mumkin bo‘lgan ob-havo ma’lumotini e’lon qildi.

Unga  ko‘ra, bugun 29-yanvar O‘zbekiston hududida nam va sovuq havo kuzatiladi. Respublika bo‘yicha yomg‘ir  yog‘adi, tog‘ oldi va tog‘li hududlarda yog‘ingarchilik kuchli bo‘lishi mumkin. Ba’zi joylarda shamol tezligi 17-22 m/s esadi , ayrim hududlarda  25-28 m/s gacha kuchayishi mumkin. Kunduzgi havo harorati pasayadi va 2-7 daraja iliq bo‘ladi, respublika shimolida 3-5 daraja  sovuq bo‘ladi.

30-yanvar respublika hududining katta qismida yog‘ingarchilik ehtimoli kamayadi.Toshkent, Andijon, Namangan, Farg‘ona viloyatlarida asosan yomg‘ir  yog‘ishi mumkin. Faqat respublikaning janubida shamol tezligi 15-20 m/s gacha kuchayishi kutilmoqda. Havo harorati kechasi 0-5 daraja  sovuq, kunduzi 2-7 daraja iliq bo‘ladi. Shimolda  esa kechasi 8-13 daraja, kunduzi 0-5 daraja sovuq bo‘ladi.

31 yanvar-1 fevralda respublika hududining katta qismida yog‘ingarchilik kutilmaydi, faqat Toshkent viloyatining ayrim joylarida va Farg‘ona vodiysida biroz yog‘ingarchilik (yomg‘ir, qor) bo‘lishi mumkin. Havo harorati kechalari 0-5 daraja sovuq, kunduz kunlari 0-5 daraja  iliq, shimolda kechalari 10-15 daraja  sovuq, kunduz kunlari 3 daraja  sovuq -2 daraja  iliq  bo‘ladi.

Ushbu ish haftasi davomida respublika bo‘yicha ba’zi joylarda tuman tushishi  kuzatiladi. 

29 yanvardan 31 yanvargacha Toshkent va Namangan viloyatlarining tog‘li hududlarida qor ko‘chishi xavfi bor.

Poytaxtimizda: bugun vaqti-vaqti bilan yomg‘ir yog‘adi. Shamol g‘arbdan 5-10 m/s tezlikda esadi. Havo harorati kunduzi 5-7 daraja iliqni tashkil etadi.

Seshanba va chorshanba kunlari biroz yog‘ingarchilik (yomg‘ir yog‘adi, qorga aylanadi) bo‘lishi mumkin. Kechasi va ertalab tuman tushishi mumkin. G‘arbiy shamol yo‘nalishini o‘zgartirib, sharqdan 5-10 m/s tezlikda esadi. 

Havo harorati 30 yanvarda kechasi 1-3 daraja iliq, kunduzi 4-6 daraja iliq, 31 yanvarda kechasi 0-2 daraja sovuq, kunduzi 3-5 daraja iliq bo‘ladi.

1 fevralda asosan yog‘ingarchiliksiz ob-havo bo‘lishi kutilmoqda. Kechasi va ertalab tuman tushishi mumkin. Shamol sharqdan 3-8 m/s tezlikda esadi. Havo harorati kechasi 1-3 daraja sovuqni, kunduzi 3-5 daraja iliqni tashkil etadi.


Doʻstlaringiz bilan ulashing

11 Apr 14:01
 
30
0
xs.uz

Yer olgan yoshlarga 100 mln soʻmgacha kredit ajratiladi

Prezident qarorida nazarda tutilgan shartlarda va mablagʻlar doirasida talabgorlarga tijorat banklari tomonidan 7-yilgacha muddatga 100 mln soʻmgacha kredit ajratish;Bunda, qaror doirasida barcha turdagi kreditlarni 'mahalla yettiligi'ning kafilligi asosida ajratishga ruxsat beriladi hamda ular kreditlarning natijadorligi uchun teng javobgar boʻladi.' talabgorlarga mini-texnika, urugʻ va koʻchat xaridiga 'Yoshlar daftari' jamgʻarmasidan 5 million soʻmdan subsidiya, Fermer, dehqon xoʻjali

11 Apr 13:59
 
47
0
qalampir.uz

Hayit kuni jamoat transporti bepul xizmat ko‘rsatadi

Ramazon hayiti bayramining birinchi kuni (10 aprel) respublikadagi barcha jamoat transporti vositalari soat 4:00 dan 10:00 ga qadar aholiga bepul xizmat ko‘rsatadi.  Bu qaror Vazirlar Mahkamasining Ramazon hayiti bayramini osoyishta va yuqori kayfiyatda o‘tkazishga bag‘ishlagan videoselektor yig‘ilishida qabul qilingan.  Eslatib o‘tamiz, avvalroq Ramazon hayiti kuni Toshkent avtobuslari va metro soat 4:00 dan yo‘lovchilarga xizmat ko‘rsatishni boshlashi aytilgan edi

11 Apr 14:00
 
27
0
xs.uz

Oʻzbekistonda ilk bor mudofaa sanoatiga oid “Texnofest-2024” koʻrgazmasi oʻtkaziladi

Koʻrgazmada zamonaviy texnologiyalar, metallurgiya va kimyo sanoati hamda tekstil sohasida ikki maqsadga moʻljallangan ishlab chiqaruvchi zavod, korxona va tashkilotlar oʻzlarining mahsulotlari bilan ishtirok etishi koʻzda tutilgan.Taqdimotda tanlab olingan eng yaxshi mahsulot korxonasi istiqbolda Mudofaa sanoati agentligi bilan hamkorlik qilish imkoniyatiga ega boʻladi.Shuningdek, 'Texnofest -2024' doirasida ishtirokchilar oʻrtasida robototexnika, modellashtirish texnologiyalari kabi muso

08 Mar 12:58
 
43
0
qalampir.uz

O‘zbekistonning Vengriyadagi birinchi elchisi tayinlandi

O‘zbekiston Respublikasining yangi tayinlangan Favqulodda va muxtor echisi Oybek Shaxavdinov kecha, 7 mart kuni Vengriya poytaxtiga bordi. Bu haqda "Dunyo" axborot agentligi xabar berdi. Oybek Shaxavdinov Budapeshtga tayinlanishidan oldin TIVning Yevropa mamlakatlari va Yevropa Ittifoqi institutlari bilan hamkorlik boshqarmasi boshlig‘i lavozimida ishlagan. 46 yoshli diplomat Birmingem universiteti (Buyuk Britaniya), Toshkent davlat yuridik universiteti (magistratura), Moskva