24 Jan 16:17

Manba: qalampir.uz

O‘zbekistonning Quvayt va Qatardagi elchixonalariga rahbarlar tayinlandi

O‘zbekiston Respublikasi Oliy Majlisi Senati kengashi qarori bilan mamlakatning Quvayt va Qatardagi elchilari tayinlandi. Bu haqda O‘zA xabar berdi.

Senat kengashi qarori bilan O‘zbekiston Respublikasining Quvayt Davlatidagi Favqulodda va Muxtor Elchisi lavozimiga Yunusov Ayubxon Lutfulla o‘g‘li, Qatar Davlatidagi Favqulodda va Muxtor Elchisi lavozimiga esa Xo‘jayev Ashraf Bahodirovich tayinlandi.

Ma’lumotlarga ko‘ra, bungacha Ayubxon Yunusov O‘zbekiston Respublikasining Jidda shahridagi Bosh konsulligida ishlagan. Ashraf Xo‘jayev esa O‘zbekistonning Buyuk Britaniyadagi elchixonasida ikkinchi kotib, TIV Tashqi iqtisodiy hamkorlik bosh boshqarmasining Xorijiy investitsiyalar va moliyaviy-texnik ko‘maklashishga qaratilgan mablag‘larni jalb etish boshqarmasi boshlig‘i lavozimlarida ishlagan.

Eslatib o‘tamiz, O‘zbekistonning Qatar poytaxti Dohadagi elchixonasi o‘tgan yilning 11 dekabr kuni ochilgandi.

Doʻstlaringiz bilan ulashing

Jamiyat

02 Jul 19:00

qalampir.uz

Toshkentdagi maktablarda kechasi daraxtlar kesib ketildimi?

Ijtimoiy tarmoqlarda Toshkent shahrining Shayxontohur tumanidagi 42- hamda Yakkasaroy tumanidagi 48-sonli umumta’lim maktablari hududida kechasi maxsus texnika bilan ishchilar daraxtlarni kesayotgani haqida xabarlar tarqalgandi. Mazkur holat yuzasidan Toshkent shahar Maktabgacha va maktab ta’limi boshqarmasi munosabat bildirdi. Qayd etilishicha, ayni paytda ta’lim muassasalari hududida qo‘shimcha o‘quv binolari barpo etilmoqda. Shu munosabat bilan, Toshkent shahar Ekologiya, atrof-m

Jamiyat

23 Jun 16:37

qalampir.uz

O‘zbekiston kompaniyasi Yaponiya sanksiyalariga duchor bo‘ldi

Yaponiya hukumati Ukrainadagi vaziyat tufayli Rossiyaga qarshi sanksiyalarning navbatdagi paketi doirasida Hindiston, Qozog‘iston, Xitoy, BAA va O‘zbekistonning 11 xorijiy kompaniyasiga nisbatan cheklovlar joriy etayotganini ma’lum qildi. E’lon qilingan ro‘yxatlarga ko‘ra, sanksiyalar Xitoyning yettita kompaniyasiga, jumladan Alpha Trading Investments, Guangzhou Ausay Technology va Shenzhen Biguang Trading kompaniyalariga ta’sir ko‘rsatdi. BAA, Hindiston, Qozog‘iston v

Jamiyat

26 Jul 10:20

qalampir.uz

Markaziy bank asosiy stavkani pasaytirdi

Inflyatsiyaning kutilayotgan dinamikasi va inflyatsiyani oshiruvchi xatarlarning kamayganligini inobatga olib, Markaziy bank boshqaruvi asosiy stavkani 0,5 foiz bandga pasaytirib, yillik 13,5 foiz darajasida belgilash to‘g‘risida qaror qabul qildi. Bu haqda Markaziy bank matbuot xizmati xabar berdi. Bildirilishicha, iyun oyida umumiy inflyatsiya yillik 10,6 foiz darajasida shakllanib, inflyatsiyaning barqaror komponentlari va meva-sabzavotlar narxlarida sezilarli pasayish kuzatilgan. Tash

Jamiyat

26 Jul 10:20

qalampir.uz

Dollar kursi yana ko‘tarildi

O‘zbekiston Respublikasi Markaziy banki xorijiy valyutalarning o‘zbek so‘miga nisbatan 26 iyul kuni amalda bo‘ladigan qiymatini belgiladi. Unga ko‘ra, dollarning rasmiy kursi 8,96 so‘mga oshdi va 12 634,00 so‘mni tashkil qildi. Yevro kursi esa 23,61 so‘mga ko‘tarilib, 13 710,42 so‘m etib belgilandi. Rossiya rubli esa 2,51 so‘mga oshib, 148,62 so‘mni tashkil etdi.