calendar 24 Jan 15:03
eye 53
comments 0
comments Manba: xs.uz

Xitoy kompaniyalari Navoiyda istiqbolli loyihalarni amalga oshiradi

image
Safarning dastlabki kunida delegatsiya aʼzolari Shenjon-Teyjun ishbilarmonlar uyushmasi raisi Ln Ching bilan uchrashib, Navoiy viloyatida sanoat zonasini tashkil etish, qurilish, turizm, transport infratuzilmasini rivojlantirish yoʻnalishlarida muzokaralar olib borishdi. Muzokaralar natijasi oʻlaroq 'YUTONG' kompaniyasi bilan avtobus xaridi yuzasidan shartnoma imzolandi.



Urumchi shahridagi 'MIDONG' sanoat parkida esa delegatsiya aʼzolari metall konstruksiya ishlab chiqarishga ixtisoslashgan 'DUOWEI' kompaniyasi faoliyati bilan tanishdilar. Shuningdek, ular yuqori va past kuchlanishli kabel ishlab chiqarishga ixtisoslashgan 'Euphratica cable' kompaniyasi va elektr asbob-uskunalar ishlab chiqaruvchi 'GUOYUAN ELECTRIC' hamda 'Chjuntay group' kompaniyalarida ham boʻlib, istiqbolli loyihalar boʻyicha oʻzaro kelishuvga erishdilar.

' Delegatsiya safari doirasidagi muzokara va uchrashuvlar samarali boʻlmoqda, ' deydi viloyat hokimligi axborot xizmati rahbari Sh. Ruapboyeva. ' Xususan, qurilish materiallari ishlab chiqaruvchi va energiya tejamkor isitish tizimlari tayyorlashga ixtisoslashgan kompaniyalar vakillari bilan uchrashuvda Navoiy shahrida zamonaviy turar-joy majmuasi va ijtimoiy soha obyektlarini qurish, shuningdek, yana boshqa kompaniyalar bilan logistika markazi tashkil etish boʻyicha muzokaralar olib borilib, dastlabki kelishuvlarga erishildi.

Xitoylik sarmoyadorlarning u yoki bu mamlakatga qiziqishida iqtisodiyot barqarorligi va uning rivojlanish istiqbollari muhim omil hisoblanadi. Aynan Navoiy viloyati misolida toʻxtaladigan boʻlsak, butun hududning erkin iqtisodiy zona deb eʼlon qilingani, buning samarasida bu yerda innovatsion, eksportbop va import oʻrnini bosuvchi mahsulotlar ishlab chiqarish boʻyicha yangi quvvatlar tashkil etish koʻzda tutilganligi investorlar qiziqishini orttirganligi sezilib turibdi.



Muzokaralarda Navoiy viloyati hokimi Normat Tursunov investorlar uchun qulay shart-sharoit yaratish, tadbirkorlikni qoʻllab-quvvatlash hamda hududda xomashyoni qayta ishlashga, qurilish, logistika yoʻnalishlarida imkoniyat va ehtiyoj yuqori ekanligini taʼkidladi. Uchrashuvlarda hamkorlikning istiqbolli yoʻnalishlari va belgilangan tarmoqlarda aniq loyihalarni ishlab chiqish boʻyicha dastlabki qadamlar belgilandi.

Maʼlumot oʻrnida taʼkidlash joiz, ayni kunlarda Navoiy viloyatida xitoylik sarmoyadorlar bilan hamkorlikda bir qator qoʻshma hamda xususiy korxonalar faoliyat yuritib, Nurota tumanida granit plitalar ishlab chiqarishga ixtisoslashgan 'SI FANG KUANG YE' MCHJ shulardan biri. Taʼlim sohasida esa Navoiy davlat konchilik va texnologiyalar universiteti Xitoy konchilik va texnologiyalar universiteti bilan hamkorlik kelishuvi imzolanib, qoʻshma taʼlim loyihalarini yoʻlga qoʻyish, hamkorlikda professor-oʻqituvchilar tajribasini oshirish, stajirovkalarni tashkil etish kabi kelishuvlarga erishildi.

Temur ESHBOYEV, 'Xalq soʻzi'.


Doʻstlaringiz bilan ulashing

11 Apr 13:59
 
28
0
qalampir.uz

Toshkentda Hayit kuni avtobuslar ham bir soat oldin ish boshlaydi

Ramazon hayiti kuni Toshkent avtobuslari soat 4:00 dan yo‘lovchilarga xizmat ko‘rsatishni boshlaydi. Bu haqda Transport vazirligi xabar berdi. Unga ko‘ra, bayram kunlari avtobus yo‘nalishlarining faoliyati quyidagi tartibda tashkil etiladi: 2024 yil 10 aprel, chorshanba – Ramazon hayiti kuni yakshanba kunlari uchun tasdiqlangan jadvallar asosida. Yo‘nalishlarda ish boshlash vaqti soat 4:00 dan; 11 aprel, payshanba va 12 aprel, juma – qo‘shimcha dam olish kunlar

11 Apr 14:01
 
20
0
xs.uz

Yangiyoʻl tumanida xotin-qizlar bandligini taʼminlash boʻyicha boshlangan ishlar doimiy tahlil qilinmoqda

Jarayonning borishi bilan yaqindan tanishish maqsadida Senat Raisi, ishchi guruh rahbari Tanzila Norboyeva tumanga tashrif buyurdi.Bugun hududlarda tomorqadan unumli foydalangan holda ikki-uch martadan hosil olib, yaxshigina daromad koʻrayotgan oilalar soni ortib bormoqda. Yangiyoʻl tumanida ham tomorqa yer maydoniga ega, lekin uning imkoniyatlaridan foydalanmayotgan xonadonlar ham bor.Ularga tomorqachilikning sir-asrorlarini oʻrgatish, har tomonlama koʻmak koʻrsatish maqsadida Yangiyoʻl t

11 Apr 13:59
 
36
0
qalampir.uz

Suriyadagi terrorchilar safiga qo‘shilgan yana bir o‘zbekistonlik qidiruvga berildi

34 yoshli Mirolim Mirsamig‘ovich O‘lmasov qidiruvga berildi. Bu haqda Toshkent shahar Ichki ishlar bosh boshqarmasi ma’lum qildi. Qayd etilishicha, 1990 yilda Toshkent shahrida tug‘ilgan "Abdul Zufar" laqabli Mirolim O‘lmasov 2018 yilda ishlash bahonasida Turkiyaga ketgan, u yerdan "Tahrir Ush-Shom" terrorchilik tashkilotiga birlashish maqsadida Suriya davlatiga o‘tib terrorchilar safiga qo‘shilgan. O‘lmasov Turkiyada bo‘lgan vaqtida turi internet sayt

14 Mar 07:22
 
33
0
xs.uz

Tanzila Norboyeva BMT Ayollar holati boʻyicha komissiyasining 68-sessiyasida qator tashabbuslarni ilgari surdi

Maʼlumot oʻrnida taʼkidlash lozim, Komissiya BMT Iqtisodiy va ijtimoiy kengashining ishchi organi boʻlib, xotin-qizlarning huquqlarini himoya qilish va ilgari surish boʻyicha xalqaro standartlarni hamda ularning bajarilishi yuzasidan takliflarni ishlab chiqish bilan shugʻullanadi.Bu yilgi sessiyada kambagʻallikni bartaraf etish, institutlar salohiyati va moliyalashtirishni kuchaytirish orqali gender tengligiga erishish va barcha xotin-qizlar imkoniyatlarini kengaytirish, bu borada Pekin d