calendar 23 Jan 12:52
eye 65
comments 0
comments Manba: xs.uz

Chinning chinni buyumlari azaldan hamkorlik aloqalari ramziga aylangan

image
' Saroy rasmiy qabullarga moʻljallangan bosh qarorgohining soʻnggi xonasi 'choyxona' deb nomlanadi, ' deydi Sitorai Mohi Xossa xalq amaliy bezak sanʼati muzeyi katta ilmiy xodimi Nargiza Jumayeva. ' Choyxona saroydagi eng yorugʻ, shinam va salqin xona sanalgan. Chunki uning uch tomon devorlari oʻrniga ikki tabaqali oynalar bilan, bir tomon devori esa tokchabandi qilib ishlangan. Chet davlatlardan kelgan hurmatli mehmonlarga choy uzatilib, oʻzbekona mehmonnnavozlik koʻrsatilgan. 'Xitoy uyi' deb ham atalishi sababini esa bu yerdagi chinni buyumlar kolleksiyasining asosiy qismi Chin yurtidan keltirilgani bilan izohlash mumkin. Muzeyda xitoylik hunarmandlar mehnati mahsuli sanalgan guldon, gultuvak, qanddon, oftoba, chilim, kosa, shokosa, lagan, qirgʻogʻi baland likob kabi 160 taga yaqin qadimiy chinni buyumlar saqlanmoqda.



Ular Gʻulja, Qashqar va Xitoyning markaziy provinsiyalaridagi hunarmandlar tomonidan tayyorlangan. Buyumlarda Oʻrta Osiyo xalqlari didiga mos anʼanaviy islimiy, oʻsimliksimon naqshlar birga ramziy maʼnoli naqshlardan ' tabiat manzaralari, shahar qoʻrgʻonlari, odamlar, parrandalar, sherlar, xitoycha ashyolar tasvirlangan buyumlar ham bor. Bu yodgorliklarda naylar, mevalar, iyerogliflik qogʻoz oʻramlari, kitoblar tasvirlangan.

Har bir tasvir, gul, naqsh, predmet, manzara oʻziga xos maʼno va mazmunga ega. Chunonchi, toʻplamdagi buyumlarda tez-tez uchraydigan koʻrshapalak ' boylikni, uzoq umrni, ot-olov ramzi, it ' sadoqatni, shaftoli ' salomatlikni, nilufar ' baxtni anglatadi. Koʻk, sariq va yashil ranglardagi idishlar har doim eʼzozda boʻlgan.

' Ikki xalq oʻrtasidagi azaliy doʻstlik bugungi kunda hamkorlik rishtalarini mustahkamlashda oʻziga xos koʻprik vositasini oʻtamoqda, ' deydi Buxoro davlat universiteti oʻqituvchisi, iqtisod fanlari nomzodi, dotsent Mahmud Oripov. ' Birgina viloyatimizda ayni paytda xitoylik sarmoyadorlar ishtirokidagi 34 ta korxona faoliyat yuritmoqda. Viloyat bilan Chin yurti oʻrtasidagi savdo aylanmasi esa salkam 27 foizni tashkil etmoqda. Yaqin istiqbolda bu hamkorlik yangi bosqichga koʻtarilishiga shak-shubha yoʻq.

Yurtimiz muzeylarida koʻz qorachigʻidek asrab kelinayotgan Xitoyning 400-yillik tarixga ega noyob chinni buyumlariga kelsak, nazarimizda, ular allaqachon xalqlarimiz oʻrtasidagi doʻstlik ramziga aylangan. Buyuk ipak yoʻlining timsoli boʻlib turgan bu kabi osori atiqalar yetti iqlimdan kelayotgan sayyohlarni ham oʻziga maftun etmoqda. Bular zamirida sharqona mehru muhabbat, hurmat-ehtirom yotgan boʻlsa ne ajab.

Istam IBROHIMOV, 'Xalq soʻzi'.


Doʻstlaringiz bilan ulashing

14 Mar 07:22
 
33
0
xs.uz

Tanzila Norboyeva Nyu-York shahrida BMT Ayollar holati boʻyicha komissiyasining 68-sessiyasida ishtirok etmoqda

Maʼlumot oʻrnida taʼkidlash lozim, Komissiya BMT Iqtisodiy va ijtimoiy kengashining ishchi organi boʻlib, xotin-qizlarning huquqlarini himoya qilish va ilgari surish boʻyicha xalqaro standartlarni hamda ularning bajarilishi yuzasidan takliflarni ishlab chiqish bilan shugʻullanadi.Ikki hafta davom etadigan tadbirda BMT va fuqarolik jamiyati vakillari Pekin deklaratsiyasining amalga oshirilishini muhokama qiladilar.Sessiya qashshoqlikni bartaraf etish, institutlar salohiyati va moliyalashtir

07 Mar 20:11
 
80
0
qalampir.uz

O‘zbekistonda taroveh namozi o‘qiladigan vaqtlar e’lon qilindi

O‘zbekiston Respublikasining hududlarida taroveh namozi o‘qiladigan vaqtlar e’lon qilindi. Bu haqda O‘zbekiston musulmonlari idorasi matbuot xizmati xabar berdi. Bildirilishicha, 10 mart kuni xufton namozidan so‘ng mamlakatdagi majidlarda taroveh namozi boshlanadi.  Respublikaning 14 ta hududidagi masjidlarda taroveh namozi quyidagi vaqtlarda boshlanadi:  Farg‘ona     20:15 Namangan     20:15 Andijon     20:15 Toshkent viloyat

11 Apr 14:00
 
30
0
xs.uz

Qoʻshtepa tumanida 500 dan ziyod oilaga hayitlik tarqatildi

Botir Madiyorov/'Xalq soʻzi'. Qoʻshtepa tumanida 500 dan ziyod oilaga hayitlik ehsoni tarqatilib, ijtimoiy daftarlar roʻyxatida turuvchi kam taʼminlangan, bemor va boquvchisini yoʻqotgan oilalarga quvonch ulashildi.Shu tariqa muborak kunlarda tuman hokimligi, davlat va jamoat tashkilotlari masʼullari ishtirokida 51 ta MFY boʻyicha shakllantirilgan roʻyxat asosida ehtiyojmand oilalarga 12 turdagi kundalik zaruriy oziq-ovqat mahsulotlari tarqatildi.' Shu kunlarda yordamga muhtoj insonlarga

23 Apr 03:35
 
3
0
xs.uz

Serra-Leonening Oʻzbekistondagi birinchi elchisi akkreditatsiyadan oʻtdi

'Serra-Leone Respublikasining Oʻzbekistondagi Favqulodda va Muxtor Elchisi etib tayinlangan Muhammad Yongavo janoblarini qutlashdan va uning ishonch yorliqlarini qabul qilishdan mamnunmiz, ' deb yozdi Oʻzbekiston TIV rahbari oʻzining telegram kanalida. ' Ikki tomonlama aloqalarimizni boyitish uchun hali foydalanilmagan ulkan salohiyat mavjud. Janob Elchiga mamlakatimizdagi faoliyati davomida barcha sohalardagi keng imkoniyatlarni oʻrganishda muvaffaqiyatlar tilaymiz'.Eslatib oʻtamiz, Oʻzbe