calendar 22 Jan 22:02
eye 54
comments 0
comments Manba: qalampir.uz

Mirziyoyev 2024 yilda sog‘liqni saqlash sohasida bajariladigan ishlar taqdimoti bilan tanishdi

image

Bugun, 22 yanvar kuni Prezident Shavkat Mirziyoyev sog‘liqni saqlash sohasidagi islohotlarni jadallashtirish bo‘yicha takliflar taqdimoti bilan tanishdi. Bu haqda Prezident matbuot xizmati xabar berdi.

Qayd etilishicha, “O‘zbekiston – 2030” strategiyasida aholi salomatligini ta’minlash, tibbiyot sifatini oshirish bo‘yicha ko‘plab vazifalar belgilangan. Bu islohotlarni jadallashtirish va hayotga samarali tatbiq etish maqsadida xalqaro ekspertlar ishtirokida takliflar ishlab chiqilgan.

Shunday takliflardan biri – Sog‘liqni saqlash vazirligi tuzilmasida davlat muassasasi shaklida “Sog‘liqni saqlash loyihalari markazi” loyiha ofisini tashkil qilishdir.  U davlat tibbiy sug‘urtasi tizimini hamda davlat tomonidan kafolatlangan bepul tibbiy xizmatlar va dori vositalari paketini to‘liq joriy etish, tibbiy xizmatlar sifati va xavfsizligi ustidan nazorat tizimini kuchaytirish, kadrlar salohiyatini oshirish, tibbiy ta’lim tizimi va ilm-fan sohasini xalqaro standartlar asosida rivojlantirish kabi yo‘nalishlarga mas’ul etib belgilanadi. Shuningdek, bu markaz raqamli texnologiyalarni keng joriy qilish, davlat-xususiy sheriklik loyihalarini jadallashtirish, xususiy sektorni kengaytirish, davlat xaridlari shaffofligini oshirish, farmatsevtika sohasini isloh qilishga ko‘maklashadi.

“Loyiha ofisi faoliyatiga ixtisoslashtirilgan tibbiyot markazlari, oliy ta’lim va ilmiy-tadqiqot muassasalarining tajribali mutaxassislari, shuningdek, xorijiy ekspert va maslahatchilar shartnoma asosida jalb qilinadi”, deyiladi xabarda.

Ta’kidlanishicha, sog‘liqni saqlash sohasida belgilangan islohotlar yetuk kadrlar salohiyatini ham talab etadi. Shu bois bu borada ham bir qancha chora-tadbirlar ko‘zda tutilmoqda. Shulardan biri Toshkent tibbiyot akademiyasining ta’lim dasturlarining xalqaro akkreditatsiyadan o‘tkazilishidir.  Unda jamoat salomatligi, profilaktik tibbiyot, jismoniy faollik ixtisosliklari bo‘yicha magistrlik yo‘nalishlari ochiladi. Tibbiyot yo‘nalishidagi talabalar bilimini xalqaro tan olingan tizim asosida, ikki bosqichda davlat imtihonlari orqali baholash yo‘lga qo‘yiladi.

Shuningdek, kelgusi o‘quv yilidan boshlab, hududlardagi ehtiyojdan kelib chiqib, tibbiyot oliygohlarining 200 nafar bitiruvchisi magistratura va klinik ordinatura dasturlari asosida yetakchi xorijiy ta’lim muassasalarida o‘qitiladi.

Bundan tashqari, ixtisoslashtirilgan xirurgiya, kardiologiya, endokrinologiya, dermatovenerologiya va kosmetologiya markazlari, Bolalar milliy tibbiyot markazi hamda Milliy tibbiyot markazi xalqaro akkreditatsiyadan o‘tkaziladi.

Shu bilan birga, joriy yilda amaldagi 40 ta sanitariya qoida va normalari qayta ko‘rib chiqilib, xalqaro standartlarga muvofiqlashtirilishi ham kutilmoqda.

Shavkat Mirziyoyev bu takliflarni ma’qullab, mazkur ustuvor yo‘nalishlarni amalga oshirish bo‘yicha “yo‘l xaritasi”ni tasdiqlash bo‘yicha topshiriq berdi.


Doʻstlaringiz bilan ulashing

07 Mar 20:12
 
48
0
xs.uz

Boks boʻyicha Bahodir Jalolov maktabi ochildi

Olimpiada va Osiyo oʻyinlari gʻolibi, ikki karra jahon va uch karra Osiyo chempioni Bahodir Jalolov Oʻzbekiston sportining bayroqdori hisoblanadi. U keyingi yillarda professional boksda ham muvaffaqiyatli qatnashib kelmoqda.Yurtimizda bunday chempionlar faoliyatini targʻib qilish, ularning namunasida yosh sportchilarni tarbiyalashga alohida ahamiyat qaratilmoqda. Davlatimiz rahbarining 2022-yil 14-martdagi qaroriga muvofiq, shunday yana bir maskan ' Boks boʻyicha Bahodir Jalolov sport mahor

07 Mar 20:12
 
53
0
xs.uz

Saida Mirziyoyeva turli jabhalarda faoliyat olib borayotgan ayollar bilan koʻrishdi

Xalqaro xotin-qizlar kuni arafasida turli jabhalarda faoliyat olib borayotgan, oʻzi yuksak marralarni egallabgina qolmay, boshqalarni ham maqsad va orzular sari ilhomlantirayotgan ajoyib ayollar bilan koʻrishdik.Uchrashuv davomida tajribamiz, yutuqlarimiz, motivatsiya va muvaffaqiyat sirlari bilan oʻrtoqlashdik. Shuningdek, madaniy, ijtimoiy va boshqa sohalarda tez-tez uchrayotgan, hali ham yechimini topmagan muammolarni koʻrib chiqdik.Yurtimizda ana shunday samimiy, mehribon, matonatli, qat

07 Mar 20:11
 
35
0
qalampir.uz

Surxondaryoda “zamhokim”ning ukasi xotinini o‘ldirib, murdasini ikki “Kamaz” tuproqqa bostirgani aytilmoqda

Surxondaryo viloyatida 34 yoshli ayol eri tomonidan o‘ldirildi. Bu haqda O‘zbekiston inson huquqlari “Ezgulik” jamiyati raisi Abdurahmon Tashanov o‘zining ijtimoiy tarmoqdagi sahifasida ma’lum qildi. Surxondaryo viloyati Bandixon tumani Obikor mahallasida yashovchi fuqaro 1990 yilda tug‘ilgan qizi, 3 nafar farzandning onasi T.F.ning fojiali o‘limi haqida yozib, “Ezgulik” jamiyatiga murojaat qilgan. Uning yozishicha, joriy yilning 6 fevral kuni qizi

11 Apr 13:59
 
46
0
qalampir.uz

Qarshi tumani prokuraturasi tergovchisi pora olayotganda ushlandi

Qashqadaryo viloyati Qarshi tumani prokuraturasi tergovchisi 5 ming AQSH dollari pora olayotganda ushlandi. Bu haqda Bosh prokuratura matbuot kotibi Hayot Shamsutdinov QALAMPIR.UZ'ga ma’lum qildi. Qayd etilishicha, Qarshi tumani prokuraturasi tergovchisi ish yurituvidagi jinoyat ishi bo‘yicha aybdor shaxsga nisbatan yengillik qilib berishni va’da qilgan. Evaziga u fuqarodan 5 ming AQSH dollarini so‘ragan ammo 8 aprel kuni soat 16:10 larda huquq-tartibot idoralari xodimla