calendar 20 Jan 12:16
eye 44
comments 0
comments Manba: qalampir.uz

Senat Eron bilan mahkumlarni topshirish to‘g‘risidagi shartnomani ratifikatsiya qildi

image

Oliy Majlis Senati O‘zbekiston bilan Eron o‘rtasida mahkumlarni topshirish to‘g‘risidagi 2023 yil 18 iyunda Tehronda imzolangan shartnomani ratifikatsiya qildi. Tegishli qonun bugun, 20 yanvar kuni Senatning qirq to‘qqizinchi yalpi majlisida ko‘rib chiqilib, bir ovozdan ma’qullandi.

Ta’kidlanishicha, shartnomaning ratifikatsiya qilinishi jinoyat sodir etish natijasida ozodlikdan mahrum etilgan O‘zbekiston va Eron fuqarolariga sud tomonidan tayinlangan jazoni o‘z mamlakatida o‘tashlari uchun huquqiy asos va mahkumlarni topshirish sohasida ikki tomonlama hamkorlikni amalga oshirish imkoniyatini yaratadi.

Hujjatga ko‘ra, mazkur shartnomani ratifikatsiya qilish orqali uning kuchga kirishi mahkumlarni topshirish sohasidagi normativ-huquqiy bazani shakllantirib, ikki davlat vakolatli organlarining ushbu sohadagi o‘zaro hamkorlik samaradorligini oshiradi.

Muhokama chog‘ida senatorlar mahkumlarga jazoni o‘z yurtida o‘tashi ularga yaqin qarindoshlari bilan muntazam ko‘rishib turish imkonini berishini, bu esa o‘z navbatida oilaviy munosabatlarga ijobiy ta’sir ko‘rsatishini, shuningdek, mahkumlarning ijtimoiy hayotga moslashishiga yordam berishini alohida qayd etdi.

“Mazkur Qonunning qabul qilinishi O‘zbekiston Respublikasining mahkumlarning huquqlari va qonuniy manfaatlarini ishonchli himoya qilish sohasidagi normativ-huquqiy hujjatlariga o‘zgartirish va qo‘shimchalar kiritishni yoki ularni o‘z kuchini yo‘qotgan deb topishni talab qilmaydi. Shu bilan birga, mazkur Qonunning qabul qilinishi kelgusida Davlat byudjetidan qo‘shimcha moliyaviy mablag‘lar ajratishni talab qilmaydi”, deydi Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi o‘rinbosari, senator Anvar To‘ychiyev.

Ma’lumot uchun, mazkur shartnoma 2023 yil 18 iyun kuni O‘zbekiston Respublikasi Prezidenti Shavkat Mirziyoyevning Eronga rasmiy tashrifi davomida imzolangan.


Doʻstlaringiz bilan ulashing

08 Mar 11:52
 
31
0
qalampir.uz

Buyuk Britaniya Ukrainaga 10 ming dron yetkazib beradi

Buyuk Britaniya Ukraina Qurolli kuchlariga 10 mingdan ortiq dron yetkazib beradi. Bu haqda kecha, 7 mart kuni mamlakat Mudofaa vaziri Grant Shapps Kiyevga tashrifi chog‘ida ma’lum qildi. “Dronlarning aksariyati razvedka uchun ishlatiladi, biroq yetkazib berish dengiz va hujumchi uchuvchisiz transport vositalarini ham o‘z ichiga oladi”, deydi u. Vazirga ko‘ra, Birlashgan Qirollik Ukrainaga 325 million funt sterling miqdoridagi harbiy yordam paketi doirasida dronl

07 Mar 20:08
 
42
0
qalampir.uz

Tramp Baydenni debatga chaqirdi

Kecha, 6 mart kuni AQSHning sobiq prezidenti Donald Tramp Qo‘shma Shtatlarning amaldagi yetakchisi Jo Baydenni debatga taklif qildi. U bu haqda Trurh Social ijtimoiy tarmog‘idagi sahifasida xabar berdi. "Jo Bayden va men Amerika va uning xalqi uchun juda muhim bo‘lgan masalalarni muhokama qilishimiz mamlakatimiz farovonligi uchun g‘oyat ahamiyatlidir. Shuning uchun men munozara o‘tkazishni talab qilaman. Istalgan vaqtda, istalgan joyda", deb yozgan Tramp. Jo Bayden

07 Mar 20:08
 
59
0
qalampir.uz

Afg‘onistonda kuchli sovuqdan 20 ga yaqin odam halok bo‘lgani aytildi 

Afg‘onistonning yetti viloyatida kuchli qor va sovuq oqibatida 30 mingdan ortiq chorva nobud bo‘ldi. Bu haqda mahalliy nashrlar xabar berdi. Ma’lum qilinishicha, Panjshir, Sarpol, Balx, Faryob, Qandahor, Tohar va Samanganda 30 ming 858 bosh qoramol o‘lgan. Balx viloyatining o‘zida bir necha kun ichida 11 418 bosh qoramol sovuqqa chiday olmay nobud bo‘lgan.  Rasmiylar transport yo‘llarini qordan tozalash, viloyatning chekka hududlarida qolgan aholiga chorva yemi va oziq

11 Apr 14:01
 
31
0
xs.uz

Ural daryosida suv sathi 872 santimetrga koʻtarildi

Ural daryosida'suv sathi kuniga 16 sm ga oshib, 872 sm ga yetdi. Bu haqda shahar meriyasi maʼlum qildi.'Ural daryosidagi suv sathi kuniga 16 santimetrga oshdi. Orenburg gidrometeorologiya markazining maʼlumotlariga koʻra, 8-aprel kuni ertalab soat sakkizda Orenburg yaqinidagi Ural daryosida suv sathi 872 santimetrga yetgan', ' deyiladi xabarda.Orenburg viloyatining Orsk shahrida 5-aprel kuni Ural daryosidagi toʻgʻon buzilib, shaharning bir qismi suv ostida qolgan edi.Meriya Orenburg viloyat