calendar 15 Jan 20:00
eye 63
comments 0
comments Manba: xs.uz

Tadbirkorlarning barqarorlik reytingi joriy qilinadi

image
Tadbirkorlikni rivojlantirish davlatimiz iqtisodiy siyosatining ustuvor yoʻnalishi. Biznes uchun sharoitlar izchil yaxshilanib bormoqda. Yoshlar va biznesni qoʻllab-quvvatlash yilida tadbirkorlarga yanada qulayliklar yaratiladi. Bu 5 million aholi bandligini taʼminlashda juda muhim oʻrin tutadi. Bu maqsadlar uchun 83 trillion soʻm va 275 million dollar kredit hamda subsidiyalar yoʻnaltirilishi koʻzda tutilgan.

Reyting joriy qilinishi tadbirkorlar faoliyati uchun oʻziga xos ragʻbat boʻladi. Buning ahamiyati haqida davlat rahbarining tadbirkorlar bilan ochiq muloqotida aytilgan edi. Shundan soʻng mazkur reytingning mezonlari va tartib-tamoyillari ishlab chiqildi.

Unga koʻra, tadbirkorlar faoliyat davri, rentabellik darajasi, toʻlov intizomi, aholi bandligidagi oʻrni va ish haqi kabi 23 ta mezon asosida 4 ta toifaga ajratiladi. Bu soliq, adliya va sud organlari maʼlumotlari asosida shakllanadi. Har bir tadbirkor oʻz oʻrni va bahosini real vaqtda bilib borishi mumkin boʻladi.

Reytingi yuqori tadbirkorlar uchun barcha soliq tekshiruvlari bekor boʻladi, qoʻshilgan qiymat soligʻi summasi bir kunda va boshqa soliq turlari boʻyicha ortiqcha toʻlov uch kunda qaytarib beriladi. Tovarlarni import qilishda va sotishda qoʻshilgan qiymat soligʻini bojxona va soliq organlarida oʻzaro hisobga olish imkoniyati yaratiladi. Auksionda olingan davlat aktivlari va yer uchastkalari qiymatini boʻlib toʻlash muddati 3-yildan 5-yilgacha uzaytiriladi. Bunda kamida 15 foiz miqdorida dastlabki toʻlovni biryoʻla amalga oshirganda, qolgan summaga yillik foizlar hisoblanmaydi.

Bunday reyting shuning uchun ham muhimki, endi tadbirkorlar faoliyatiga soliqchilar emas, elektron tizim baho beradi. Kelgusida subsidiya, imtiyoz va preferensiyalar reytingdan kelib chiqib beriladi. Koʻrsatkichi past boʻlganlar intizomli tadbirkorlar safiga kirish va koʻproq imkoniyatga ega boʻlish uchun harakat qiladi.

Yana bir tomoni, bu reyting tadbirkorlarga oʻz hamkorlari toʻgʻrisida ishonchli maʼlumot beruvchi himoya tizimiga aylanadi. Yaʼni, shubhali shartnomalar va insofsiz raqobatga chek qoʻyilib, 'yashirin' iqtisodiyot qisqaradi.

Davlatimiz rahbari bu tizimni puxta ishlab chiqib, adolatli va samarali yoʻlga qoʻyish zarurligini taʼkidladi.

' Tadbirkorlarning takliflari asosida biznes uchun sharoitlarni tobora yaxshilab boryapmiz. Yaqinda qabul qilingan qarorlar bilan 16 ta litsenziya va 34 turdagi hisobotni bekor qildik. Tadbirkorlar sinfi jamiyatda yetakchi kuchga aylanmoqda, yoshlar ularga qarab intilmoqda. Endi ushbu reyting orqali tadbirkorlar oʻrtasida qonunlarga itoat qilish, intizomli va harakatchan boʻlishni ragʻbatlantirish zarur. Buni joriy qilish va samaradorligini taʼminlashda Tadbirkorlikni qoʻllab-quvvatlash boʻyicha jamoat kengashining oʻrni katta boʻlishi kerak, ' dedi Shavkat Mirziyoyev.

Taqdimotda 'Tadbirkorlarning barqarorlik reytingi' platformasi 1-martga qadar ishga tushirilishi belgilab olindi. Savdo-sanoat palatasi tomonidan joylarda uchrashuvlar oʻtkazilib, reyting imkoniyatlarini tushuntirish ishlari olib boriladi. Subsidiya, imtiyoz va preferensiyalar ajratishning shaffof tizimi yoʻlga qoʻyiladi.

Reytingi past tadbirkorlar bilan manzilli ishlab, faoliyatini jonlantirish va tiklashga yordam berish muhimligi qayd etildi.


Doʻstlaringiz bilan ulashing

23 Apr 03:35
 
11
0
xs.uz

Oʻzbekiston Prezidenti parlamentlararo hamkorlikni yanada rivojlantirish muhimligini qayd etdi

Uchrashuvda Oʻzbekiston bilan Tojikiston oʻrtasidagi koʻp qirrali strategik sheriklik va ittifoqchilik munosabatlarida bugun yuksak darajaga erishilgani mamnuniyat bilan qayd etildi.Parlamentlararo almashinuvni yanada faollashtirish, kooperatsiya loyihalari va madaniy-gumanitar dasturlarni qoʻllab-quvvatlash va ilgari surish uchun sohaviy qoʻmitalar va hududiy kengashlar darajasida samarali aloqalarni kengaytirish masalalari muhokama qilindi.Qabul qilingan hujjatlarni xatlovdan oʻtkazish h

23 Apr 03:35
 
13
0
xs.uz

Oʻzbekistondagi diplomatik missiya vakillari Jizzaxda boʻlishdi

Said DONISHEV/'Xalq soʻzi'. Oʻzbekiston Respublikasi Tashqi ishlar Vazirligi huzuridagi diplomatik korpusga xizmat koʻrsatish byurosi hamda Jizzax viloyati Turizm boshqarmasi hamkorligida diplomatik korpus vakillari uchun Jizzax viloyatida ikki kunlik sayohat tashkil etildi.Ushbu sayohatni tashkil etishdan maqsad ' Oʻzbekistondagi xorijiy davlatlarning diplomatik korpus vakillarini viloyat tarixi va bugungi zamonaviy koʻrinishi bilan yaqindan tanishtirish, ichki turizmni rivojlantirish va h

07 Mar 20:12
 
41
0
xs.uz

Mahallalarda aholi daromadini oshirish masalalari koʻrib chiqildi

Mamlakatimizda ishsizlikni kamaytirish maqsadida koʻplab iqtisodiy dasturlar amalga oshirilmoqda. Kichik biznes va tadbirkorlik qoʻllab-quvvatlanib, hududlarda korxonalar ochilmoqda. Professional taʼlim muassasalari va 'Ishga marhamat' monomarkazlarida aholiga zamonaviy kasb-hunarlar hamda xorijiy tillar oʻrgatilmoqda.Bu yil 5 million aholining bandligini taʼminlash, 2 million kishini tadbirkorlikka jalb etish maqsad qilingan. Buning uchun davlat tomonidan barcha tashkiliy va moliyaviy imko

14 Mar 07:22
 
39
0
xs.uz

Toshkentda AQSHga ishga yuborishni vaʼda qilgan firibgar ushlandi

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.