Janubiy Koreya terma jamoasi a’zosi Kim-Min-Chje va Yaponiya termasi a’zosi Takefusa Kubo Qatar mezbonlik qilayotgan Osiyo kubogida ishtirok etayotgan eng qimmat futbolchilar ekanligi ma’lum bo‘ldi. Bu haqda “Transfermarkt” xabar berdi.

E’tiborlisi, musobaqada qatnashayotgan eng qimmat 10 futbolchining barchasi Yaponiya va Janubiy Koreya terma jamoalari hissasiga to‘g‘ri keldi. Kuchli o‘ntalikdan Yaponiya terma jamoasining 6 nafar va Janubiy Koreya terma jamoasining to‘rt nafar futbolchisi o‘rin oldi.

Osiyo kubogining eng qimmat futbolchilari:

1-2. Kim Min-Chje (Janubiy Koreya) – 60 million yevro;
1-2. Takefusa Kubo (Yaponiya) – 60 million yevro;
3-4. Kaoru Mitoma (Yaponiya) – 50 million yevro;
3-4. Xyon Min Son (Janubiy Koreya) – 50 million yevro;
5. Takexiro Tomiyasu (Yaponiya) – 30 million yevro;
6-8. Li Kang In (Janubiy Koreya) – 22 million yevro;
6-8. Xiroki Ito (Yaponiya) – 22 million yevro;
6-8. Xi-Chan Xvang (Janubiy Koreya) – 22 million yevro;
9. Ritsu Doan (Yaponiya) – 18 million yevro;
10. Ko Itakura (Yaponiya) – 15 million yevro.

Eslatib o‘tamiz, avvalroq “Opta” analitik markazi tomonidan Osiyo kubogida ishtirok etuvchi terma jamoalarning g‘oliblik imkoniyatlari baholangandi. Bu borada O‘zbekiston milliy terma jamoasi 8-pog‘onani band etdi.