calendar 13 Jan 15:25
eye 53
comments 0
comments Manba: xs.uz

Olis hududlarda bayram shukuhi

image
Vatan himoyachilari kuni bayrami shukuhi Navoiy viloyatining olis hududlarida ham yurtdoshlarimiz qalbida faxr va iftixor tuygʻularini uygʻotmoqda. Chunonchi, olis Tomdi tumanining Hayot mahallasiga Mudofaa vazirligiga qarashli Zarafshon shahrida joylashgan harbiy qismga 'Vatanparvarlik' karvoni tashrif buyurib, ular tomonidan 'Yangi Oʻzbekiston armiyasi mamlakat qudrati, yuksak gʻurur va sadoqat timsolidir' shiori ostida maʼnaviy-maʼrifiy tadbir oʻtkazildi.

Tadbirda mustaqillik yillarida mamlakatimizda harbiy-siyosiy sohada amalga oshirilgan keng koʻlamli islohotlar natijasida respublikamiz xavfsizligi va tinchligi, sarhadlarimiz daxlsizligini ishonchli himoya qilishga qodir, mutlaqo yangi Milliy armiya vujudga kelgani, qoʻshinlarning shayligi, jangovar qobiliyati haqida soʻz yuritildi.

' Ushbu tadbirdan koʻzlangan asosiy maqsad eng chekka hududlarda istiqomat qilayotgan yurtdoshlarimiz qalbida Vatan himoyasi ishonchli qoʻllarda ekanligini namoyish etishga qaratildi, ' deydi harbiy xizmatchi Nodirbek Boboyev. ' Shuningdek, yoshlarda vatanparvarlik tuygʻularini kamol toptirish, shu maqsadda ular oldida turgan vazifalar tushuntirib oʻtildi.

Tadbirda faxriy qorovul qoʻshinlarining jangovar saf yurishlari hamda qoʻl jangidan mohirlik va epchillik namoyishi yoshlar qalbida harbiy burchlarini oʻtash hissini uygʻotgan boʻlsa, harbiy orkestr jamoasi ijrosidagi musiqa va qoʻshiqlar yigʻilganlarga xush kayfiyat baxsh etdi.

Bayram munosabati bilan Karmana tumanining 'Yangi Oʻzbekiston' massivida' esa 28 nafar harbiy oilasiga yangi uy-joylarning kaliti topshirildi. Shu munosabat bilan uyushtirilgan tantanada soʻz olganlar, Qurolli kuchlarimizni zamonaviy qurol-aslahalar bilan taʼminlash, harbiy xizmatchilarning jangovar shayligini oshirish barobarida ijtimoiy jihatdan qoʻllab-quvvatlash, ularni uy-joy va maishiy sharoitlarini yaxshilashga alohida eʼtibor qaratilayotganini taʼkidlashdi.

' Turmush oʻrtogʻim yigirma yildan buyon harbiy xizmatda, ' deydi Dilrabo Joʻrayeva. ' Olti nafar farzandimiz bor. Shu paytga qadar Qashqadaryoda, Buxoroda xizmat paytida ijarada yashab kelgan edik. Bugun mana uch xonali kvartiraning kalitini olishimiz kutilmagan sovgʻa boʻldi.

Bayram tadbirlari viloyatning turli korxona va tashkilotlari, mahallalarida davom etmoqda.

Temur ESHBOYEV, 'Xalq soʻzi'.


Doʻstlaringiz bilan ulashing

07 Mar 20:12
 
37
0
xs.uz

Shavkat Mirziyoyev: Inson qadrini ulug‘lash avvalo azizu mukarrama ayollarni ulug‘lashdan boshlanadi

Marosimda O'zbekiston Respublikasi Prezidenti Shavkat Mirziyoyev ishtirok etib, ayollarga samimiy mehri va hurmatini izhor etdi.' Biz har yili bu kunni intiqlik, qalbimizda ajib iliqlik bilan kutamiz. Ushbu shukuhli ayyomda hammamiz bizni dunyoga keltirgan, oq sut berib, mehr va tarbiya berib voyaga yetkazgan buyuk ona siymosiga, moʻtabar ayol zotiga ta'zim qilamiz. Zero, inson qadrini ulug'lash avvalo azizu mukarrama ayollarimizni ulug'lashdan boshlanadi, ' dedi Prezident.Mamlakatimizda bu maq

11 Apr 14:01
 
22
0
xs.uz

“Oʻzbekiston madaniy merosi jahon toʻplamlarida” turkumidagi 50 jildlik kitob-albomlar Britaniya muzeyiga topshirildi

Oʻzbekiston madaniy merosini oʻrganish, saqlash va ommalashtirish boʻyicha Butunjahon jamiyati tomonidan taqdim etilgan kitoblarni topshirish tadbiri Britaniya muzeyi direktori Mark Jons va xodimlar ishtirokida tantanali tarzda oʻtkazildi. Unda yigʻilganlarga mazkur kitob-albomning har bir jildi toʻgʻrisida maʼlumot berildi.Qayd etilganidek, ushbu kitoblarning har biri xorijiy davlatlar kutubxonalari va muzeylarida yoki shaxsiy kolleksiyalarda saqlanayotgan Oʻzbekiston artefaktlariga ba

11 Apr 20:33
 
70
0
qalampir.uz

3 oy ichida tez yordam xizmatiga eng ko‘p chaqiriq vodiy viloyatlaridan kelgan – SSV 

O‘zbekistonda 2024 yilning yanvar-mart oylarida tez yordam xizmatiga jami 3 million 111 ming 148 ta murojaat kelib tushgan. Bu haqda Sog‘liqni saqlash vazirligi ma’lum qildi. Qayd etilishicha, chaqiruvlarning aksariyatini, ya’ni 2 million 205 ming 296 tasini shoshilinch ko‘rsatma tashkil qilgan. Shuningdek, 812 ming 247 ta surunkali kasalliklar va 19 ming 114 ta tug‘uruq chaqiriqlari bo‘lgan. Eng ko‘p murojaatlar: Toshkent shahri – 330 919 ta; Farg‘ona viloy

07 Mar 20:11
 
43
0
qalampir.uz

Bugundan barcha gaz “zapravka”lar ochiladi

Bugun, 7 mart kunidan boshlab O‘zbekistondagi barcha gaz “zapravka”lar ochiladi. Bu haqda Energetika vazirligi matbuot kotibi Hasan Toshxo‘jayev ma’lum qildi. “Tabiiy gaz bosimining me’yoriy sxemaga qaytgani munosabati bilan bugundan e’tiboran mamlakatimizdagi barcha avtomobillarga gaz to‘ldirish kompressor shoxobchalari ochiladi”, deydi u. Eslatib o‘tamiz, 18 fevral kuni respublika hududlarida havo haroratining pasayishi oqibatida magistral gaz qu