calendar 13 Jan 09:40
eye 67
comments 0
comments Manba: qalampir.uz

Toshkent havosining ifloslanishi sabablari ochiqlandi

image

O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi Toshkent shahrida atmosfera havosi ifloslanib borayotganining sabablarini aytdi. 

Unga ko‘ra, poytaxt atmosfera havosining ifloslanishiga quyidagi omillar ta’sir etmoqda:

1. Toshkentda yashil hudud kamaygani. Jumladan, daraxtlar va butalarning kesilishiga e’lon qilingan moratoriy davrida 49 mingga yaqin daraxtlar noqonuniy kesilgan.

2. Qurilish ishlarining betartib amalga oshirilayotgani. Xususan, Toshkent shahrida bir necha marotaba qurilish ishlarini amalga oshirmaslik bo‘yicha moratoriy e’lon qilinganiga qaramay, jarayonlar davom etmoqda.

3. Avtotransport vositalari sonining ortib ketishi. Jumladan, Respublika bo‘ylab avtomobillar soni 2021 yilda 3,14 million donani tashkil etgan. 2023 yilga kelib esa ularning soni 4,6 millionga yetdi. Bugungi kunda Toshkent shahrida bir kunda o‘rtacha 730 mingta avtotransport vositasi harakatlanadi. Shuningdek, hududlardan 160 mingdan 300 minggacha avtotransport vositasi kirib kelmoqda. Xalqaro standartlarga to‘g‘ri kelmaydigan AI-80 markali benzindan foydalanayotgan texnika vositalari esa atmosferaga me’yoridan ortiq zararli moddalar chiqarmoqda.

4. Tirbandliklarning ko‘payishi. Shaharlarda transport va piyodalar oqimining kesishmalari soni kamaytirilmagan, magistrallardagi yuklama darajasi pasaytirilmagan, transport oqimi tarkibini, tezlik rejimini tartibga solish sikli optimallashtirilmagan, yo‘l harakat to‘g‘ri tashkil etilmagan. Oqibatda Toshkentda tirbandlik holatlari ko‘p kuzatilmoqda. "Probka"dagi avtomobil esa harakatlanayotgan avtomobilga nisbatan atmosferaga ko‘proq chiqindi chiqaradi.

5. Uglevodorodlardan, jumladan, ko‘mir yoqilg‘isidan foydalanish hajmining ortgani. Xususan, 2019 yilda 3,9 milllion tonna ko‘mir yoqilg‘isidan foydalanilgan bo‘lsa, 2022 yilda bu raqam 5,3 milllion tonnaga, 2023 yil yakuniga ko‘ra esa 6,7 million tonnaga yetgan. Ko‘mir yoqilg‘isini qazib olish, tashishdan to foydalanishgacha bo‘lgan jarayonda ajralib chiquvchi ifloslantiruvchi moddalar esa atrof-muhit, jumladan, atmosfera havosi, tuproq va suv resurslarining ifloslanishiga olib keladi.

6.Issiqlik markazlari tomonidan qo‘shimcha yoqilg‘i sifatida mazut yoqilg‘isidan foydalanish. Ma’lumotlarga ko‘ra, birgina Toshkent shahridagi mavjud 6 ta issiqlik markazlarining 9 ta qozonxonalarida dekabr oyida 3 ming tonna mazut yoqilg‘isidan foydalanilgan. Bu atmosfera uchun zararlidir. 

7. Tabiiy omillar. Toshkent havosi ifloslanishiga shamol yo‘nalishi va tezligi, havo harorati, quyosh radiatsiyasi, atmosfera yog‘inlarining miqdori va davomiyligi, harorat inversiyalari (vertikal bo‘yicha aralash zarralarning tarqalib ketishiga to‘sqinlik qiluvchi iliq havo qatlami) va boshqa tabiiy omillar ham sabab bo‘lmoqda. Toshkent shahri tog‘lar bilan o‘ralgan va chuqurlikda joylashgan. Shu sababli shamol aylanmasligi hisobiga chang havo oqimi shaharda turib, dimlanib qoladi va tabiiy yo‘l bilan chiqib ketmaydi.

Eslatib o‘tamiz, kecha, 11 yanvar kuni tonggi soat 8:00 dagi ma’lumotlarga ko‘ra, poytaxtda o‘rnatilgan dispetcherlar havoning zararlilik darajasi me’yoridan 17 barobar ortib ketganini ko‘rsatgandi.


Doʻstlaringiz bilan ulashing

11 Apr 20:33
 
59
0
qalampir.uz

Baxtiyor Saidov Lukashenkoga Mirziyoyevning salomini yetkazdi

O‘zbekiston Tashqi ishlar vaziri Baxtiyor Saidov bugun, 11 aprel kuni Minskda Belarus fuqarosi Aleksandr Lukashenko bilan uchrashdi. Bu haqda “Belta” xabar berdi.  Lukashenko Toshkentga yaqinda amalga oshirgan rasmiy tashrifi chog‘ida O‘zbekiston tomoni ko‘rsatgan mehmondo‘stlik uchun Baxtiyor Saidovga minnatdorlik bildirdi, shuningdek, O‘zbekiston rahbari Shavkat Mirziyoyevga o‘zining ezgu tilaklari va minnatdorliklarini yetkazdi. “O‘shanda biz

11 Apr 20:33
 
62
0
qalampir.uz

3 oy ichida tez yordam xizmatiga eng ko‘p chaqiriq vodiy viloyatlaridan kelgan – SSV 

O‘zbekistonda 2024 yilning yanvar-mart oylarida tez yordam xizmatiga jami 3 million 111 ming 148 ta murojaat kelib tushgan. Bu haqda Sog‘liqni saqlash vazirligi ma’lum qildi. Qayd etilishicha, chaqiruvlarning aksariyatini, ya’ni 2 million 205 ming 296 tasini shoshilinch ko‘rsatma tashkil qilgan. Shuningdek, 812 ming 247 ta surunkali kasalliklar va 19 ming 114 ta tug‘uruq chaqiriqlari bo‘lgan. Eng ko‘p murojaatlar: Toshkent shahri – 330 919 ta; Farg‘ona viloy

07 Mar 20:12
 
66
0
xs.uz

Buxoroning “Eng namunali mahalla raisi” aniqlandi

Istam Ibrohimov, 'Xalq soʻzi'. Xabaringiz bor, joriy yildan boshlab ilk bor mamlakatimizda 'Eng namunali mahalla raisi' koʻrik-tanlovi oʻtkazilyapti. Buxoroda ushbu tadbirning viloyat bosqichi gʻoliblari nomi aniqlandi.Koʻrik-tanlovda ishtirok etgan 13 ta mahalla fuqarolar yigʻini raisining oʻz hududida amalga oshirayotgan xayrli ishlari atroflicha tahlil etildi. Ularning nazariy bilimlari sinovdan oʻtkazildi. Aholi bandligi, jinoyatchilikdan xoli hududligi, tadbirkorlikni rivojlantirish

11 Apr 13:59
 
52
0
qalampir.uz

Dollarning rasmiy kursi yana biroz tushdi

O‘zbekiston Respublikasi Markaziy banki xorijiy valyutalarning o‘zbek so‘miga nisbatan 13 aprel kuni amalda bo‘ladigan qiymatini belgiladi. Unga ko‘ra, dollarning rasmiy kursi 11,65 so‘mga tushdi va 12 664,23 so‘mni tashkil qildi. Yevro kursi esa 34,25 so‘mga oshib, 13 759,69 so‘m etib belgilandi. Rossiya rubli ham 0,51 so‘mga tushdi va 136,46 so‘mni tashkil etdi.