calendar 11 Jan 17:07
eye 43
comments 0
comments Manba: xs.uz

“Subsidiya olish boʻyicha arizam tizimdagi xatolik sababli asossiz rad etildi” — fuqaro murojaati Ombudsman nazoratiga olindi

image
Murojaatda yozilishicha, fuqaro M.N. 2023-yil boshida yoʻllagan murojaati u Samarqandda yashayotgan boʻlsa-da Toshkent shahrida roʻyxatda turgani sababli rad etilgan.

Shundan soʻng, murojaatchi ayol eri bilan Samarqand shahriga doimiy yashash uchun roʻyxatga oʻtadi. 2023-yilning oktyabr oyida My.gov.uz platformasi orqali yana murojaat yuboradi, lekin, yana rad etiladi. Buning sababini aniqlash maqsadida fuqaro M.N. Samarqand shahar iqtisodiyot va moliya boʻlimiga borganida, ularning arizasi kelib tushmaganligini aytishgan.

Maʼlum boʻlishicha, fuqaro M.N.ning arizasi Toshkent shahar, Olmazor tumaniga yuborilgan. Ariza Toshkent shahar, Olmazor tumanidagi talabgorlarni tanlash komissiyasi va masʼul tashkilotlarga notoʻgʻri yuborilishi oqibatida fuqaro M.N. uy-joy olish imkoniyatidan mahrum boʻlgan.

Mazkur murojaat Ombudsman nazoratiga olinib, elektron tizimdagi kamchiliklarni bartaraf etish boʻyicha Oʻzbekiston Respublikasi Iqtisodiyot va moliya vazirligiga Ombudsman xulosasi kiritildi.

Natijada fuqaro M.N.ning My.gov.uz platformasi orqali yuborgan arizasi Samarqand shahrida subsidiya ajratiladigan talabgorlarni tanlab olish komissiyasiga yoʻnaltirilgan va murojaatchiga subsidiya ajratildi.

Murojaatchi M.N.ning maʼlum qilishicha, ularga subsidiya ajratilib, tegishli hujjatlar rasmiylashtirilgan va hozirda yangi uyga koʻchib oʻtishgan.

Ahamiyatlisi, 'subsidiya.idm.uz' dasturidagi integratsiyalashtirish bilan bogʻliq kamchiliklar tizimli bartaraf etilib, yuqoridagi kabi holatlarni keltirib chiqaruvchi sabab bartaraf etildi.

Shuningdek, Ombudsmanga Buxoro viloyatida yashovchi fuqaro R.g. ijtimoiy sharoiti ogʻirligi va boshpanasi yoʻqligi sababli uy-joy berilishida yordam soʻrab murojaat qilgan edi.

Murojaatchi, boquvchisiz ekani va 1 nafar farzandi tugʻma yurak nuxsoni bilan tugʻilgani sababli yaqinda jarrohlik amaliyoti oʻtkazilganligini, uy berish va ijtimoiy yordam olish masalasida bir necha marotaba mahalla va hokimliklarga ham murojaat qilgan.

Mazkur holat Ombudsman nazoratiga olinib, Buxoro viloyati hokimligiga ijtimoiy koʻmakka muhtoj boʻlgan fuqaro sharoitini oʻrganishni soʻrab murojaat yoʻlladi.

Natijada Oʻzbekiston Respublikasi Vazirlar Mahkamasining tegishli qaroriga muvofiq, Xotin-qizlarni uy-joy bilan taʼminlashga koʻmaklashish boʻyicha tuman komissiyasining xulosasi bilan murojaatchi R.G.ga ijtimoiy uy ajratildi.

Shuningdek, fuqaro R.G. 'Ayollar daftari'ning 3-toifasi roʻyxatiga kiritilib, unga 1 320 000 soʻm miqdorida bir martalik moddiy yordam berildi.


Doʻstlaringiz bilan ulashing

07 Mar 20:11
 
39
0
qalampir.uz

Kimlar mol-mulk solig‘ini to‘lashdan to‘liq ozod qilinadi?

Davlat soliq qo‘mitasi qaysi jismoniy shaxslar mol-mulk solig‘ini to‘lashdan to‘liq va qisman ozod qilinishini ma’lum qildi. Unga ko‘ra: “O‘zbekiston Qahramoni”, Sovet Ittifoqi Qahramoni, Mehnat Qahramoni unvonlariga sazovor bo‘lgan, uchala darajadagi “Shuhrat” ordeni bilan taqdirlangan fuqarolar; urush nogironlari va qatnashchilari; harbiy xizmat yoki ichki ishlar organlaridagi va O‘zbekiston Respublikasi Milliy gvardiyasidagi xizmatning bo

11 Apr 13:59
 
32
0
qalampir.uz

Toshkentda Hayit kuni avtobuslar ham bir soat oldin ish boshlaydi

Ramazon hayiti kuni Toshkent avtobuslari soat 4:00 dan yo‘lovchilarga xizmat ko‘rsatishni boshlaydi. Bu haqda Transport vazirligi xabar berdi. Unga ko‘ra, bayram kunlari avtobus yo‘nalishlarining faoliyati quyidagi tartibda tashkil etiladi: 2024 yil 10 aprel, chorshanba – Ramazon hayiti kuni yakshanba kunlari uchun tasdiqlangan jadvallar asosida. Yo‘nalishlarda ish boshlash vaqti soat 4:00 dan; 11 aprel, payshanba va 12 aprel, juma – qo‘shimcha dam olish kunlar

11 Apr 20:33
 
67
0
qalampir.uz

Toshkentdagi bozorda yong‘in bo‘ldi

Kecha, 10 aprel kuni Toshkent shahar Yashnobod tumanida joylashgan bozorda yong‘in bo‘ldi. Bu haqda shahar Favqulodda vaziyatlar boshqarmasi xabar berdi. Bildirilishicha, tumanning “Yangiqo‘rg‘on” MFY Tolariq ko‘chasida joylashgan ochiq pavilon tarzda jihozlangan savdo rastasida 30 kvadrat metr maydonda eski buyumlar  yongan.   Yong‘in bo‘layotgani haqidagi xabar Toshkent shahar FVBga 22:55da kelib tushgan. Shu asnoda yong‘in qutqaruv bo‘linmalari so

08 Mar 10:03
 
54
0
qalampir.uz

O‘zbekistonning BMTdagi yangi doimiy vakili tayinlandi

Eldiyor Toshmatov O‘zbekistonning Jenevadagi BMT bo‘limi va boshqa xalqaro tashkilotlardagi doimiy vakili bo‘ldi.  Bu haqda "Dunyo" axborot agentligi xabar berdi. Jenevaga tayinlanganiga qadar Eldiyor Toshmatov O‘zbekiston Oliy Majlisi Senati raisi Kotibiyati mudiri lavozimida ishlab kelgan. 41 yoshli doimiy vakil Jahon iqtisodiyoti va diplomatiya universiteti, O‘zbekiston Prezidenti huzuridagi Davlat boshqaruvi akademiyasi va Toshkentdagi Vebster universitetini tamom