calendar 05 Dec 15:24
eye 47
comments 0
comments Manba: xs

Navoiylik mashinasozlar 60 yillik yubileyini nishonladi

image

Foto: Viktor YAKOVLEV

Xabaringiz bor, joriy yilning 17-noyabr kuni “Navoiy kon metallurgiya kombinati” AJ tashkil topganligining 65 yilligi keng miqyosda nishonlanib, shu munosabat bilan mamlakatimiz Prezidenti yoʻllagan tabrikda kombinat tarkibidagi Navoiy mashinasozlik zavodi jamoasining faoliyatiga ham yuksak baho berilgan edi.

Oradan mana ikki haftacha vaqt oʻtib, Navoiy mashinasozlik zavodi ham oʻzining 60 yillik bayramini nishonladi. Shu munosabat bilan korxona bosib oʻtgan shonli yoʻlni oʻzida aks ettiruvchi koʻrgazmalar, davra suhbatlari, sport musobaqalari va ilmiy anjumanlar tashkil etilib, asosiy bayram tadbiri korxonaning oʻzida boʻlib oʻtdi.

Korxona jamoasini “NKMK” AJ boshqaruv raisi — Bosh direktori Q. Sanaqulov qutlugʻ sana bilan tabriklar ekan, keyingi yillar korxona uchun haqiqiy yuksalish davri boʻlib, muhim dastur va loyihalar asosida yangi sexlar, uchastkalar, hududlarda korxona boʻlinmalari tashkil etilib, yaratuvchanlik, izlanish, intilish evaziga Markaziy Osiyoda tengi yoʻq zavodga aylangani, har qanday murakkab vazifalarni uddalashga qodir mutaxassis kadrlar jamlanganini taʼkidladi.

— Korxonada har yili oʻrtacha 1,2 trillion soʻmlik mahalliylashtirilgan va import oʻrnini bosuvchi raqobatbardosh mahsulotlar ishlab chiqarilmoqda, — deydi Q. Sanaqulov. — Ilgarilari ishlab chiqarish uchun zarur boʻlgan aksariyat ehtiyot qismlar faqat chetdan olib kelingan. Bugungi kunda esa kombinat ehtiyoji uchun zarur boʻlgan ushbu jihozlarning 97 foizi zavodda, chetdan hech qanday yordamsiz zavod sexlarida tayyorlanmoqda.

Darhaqiqat, Navoiy mashinasozlik zavodi oltmish yildirki NKMK barqarorligining mustahkam tayanchi sifatida faoliyat koʻrsatib, oddiy taʼmirlash sexidan yirik sanoat birlashmasigacha boʻlgan murakkab yoʻlni bosib oʻtdi. Korxonada mehnat qilayotgan 3,5 ming nafar muhandis-texnolog, metallurg, mexanik va konstruktorlar zahmati tufayli 15 ming turdan ortiq yuqori sifatli mahsulotlar, shu jumladan, ogʻirligi 4 gramm boʻlgan oddiy murvatdan tortib, 980 tonnagacha boʻlgan tegirmonlar, shuningdek, yanchish uskunalari, nasoslar, quyultirgichlar ishlab chiqarish va ularni taʼmirlash, 400 tonnagacha boʻlgan yirik oʻlchamdagi jihozlarga ishlov berish oʻzlashtirildi. Metall va yogʻochga ishlov beruvchi dastgohlar, yirik kon texnikalari uchun detallar ishlab chiqarilmoqda.

— Zavodimizning Quymachilik sexida ishlab chiqarilgan mahsulotlar hajmini oshirish maqsadida 25 tonnalik zamonaviy metall eritish pechi ishga tushirilishi metall eritish quvvatini yiliga 30 foizgacha oshirish imkonini bermoqda, — deydi sex boshligʻi Zafar Bobodoʻstov. —Bu, albatta korxonamizda yangi-yangi loyihalarni amalga oshirish, ishlab chiqarilayotgan mahsulotlar turini oshirish imkonini beradi.

Anjumanda navoiylik mashinasozlar zahmati sharaflanib, u katta konsert dasturi bilan yakunlandi.

Temur ESHBOYEV, “Xalq soʻzi”.


Doʻstlaringiz bilan ulashing

25 Jan 16:38
 
51
0
xs.uz

Xorazmdagi Xitoy bilan hamkorlikdagi qoʻshma korxonada ekskavatorlar ishlab chiqarilmoqda

Ilgari mamlakatimizda qurilish va suv xoʻjaligi tizimlari uchun oʻta zarur boʻlgan bunday texnika vositalari Xitoydan valyuta evaziga keltirilar, ehtiyot qismlar taʼminoti va servis xizmati koʻrsatishda muayyan qiyinchiliklar mavjud edi. Qoʻshma korxonaning ishga tushirilishi bunday muammolarga yechim topish barobarida, hududning iqtisodiy salohiyatini yuksaltirish, irrigatsiya va melioratsiya tadbirlarini oʻz vaqtida samarali amalga oshirish imkonini berdi. Qoʻshma korxonada shu kungach

02 Feb 10:43
 
28
0
qalampir.uz

Xususiy maktablar ochishni rag‘batlantiruvchi choralar belgilandi

O‘zbekistonda nodavlat umumiy o‘rta ta’lim tashkilotlari tarmog‘i kengaytiriladi. Bu haqda 31 yanvar kuni “Nodavlat umumiy o‘rta ta’lim tashkilotlari tarmog‘ini kengaytirish va ushbu jarayonga tadbirkorlik sub’ektlarini jalb qilish imkoniyatlarini oshirish chora-tadbirlari to‘g‘risida”gi Prezident qarori qabul qilindi. Qarorga ko‘ra, 2025 yil 1 yanvardan: nodavlat umumiy o‘rta ta’lim tashkilotlari faoliyatini yo‘lga qo‘yish uchun tijorat banklar