Jamiyat

02 Dec 05:23

150

Manba: xs

FarDU “Yil universiteti — 2023” xalqaro nominatsiyasi gʻolibi boʻldi

Kanadaning Xalqaro yutuqlar tadqiqot markazi (International Achiyevements Research Center – “IARC” ) xalqaro tashkiloti tomonidan dunyo miqyosida oʻtkazilgan “Yil rektori — 2023”, “Yil universiteti — 2023” xalqaro tanlovi reytingi natijalari eʼlon qilindi. Bu haqda FarDU Axborot xizmati maʼlum qildi.

Dunyoning eng nufuzli xalqaro ekspertlari va “IARC” Hakamlar qoʻmitasi xulosasiga koʻra, Fargʻona davlat universiteti rektori, pedagogika fanlari doktori, professor Bahodirjon Shermuhammadov — boshqaruvga innovatsion yondashuv, sifatli taʼlim va zamonaviy taʼlim texnologiyalarining joriy etilishi, ilmiy-tadqiqot faoliyatini takomillashtirilishi, universitetning oʻquv-texnologik jihozlari sifat darajasi, talabalarning ijodiy va sport sohasidagi yuqori salohiyati, jamoada korporativ madaniyatni shakllantirilishi natijalari boʻyicha — Xalqaro yutuqlar tadqiqot markazining (IARC “Yil rektori — 2023” tanlovi reytingda yuqori koʻrsatkichlar bilan gʻolib, deb topildi.

Shuningdek, Fargʻona davlat universiteti — strategik, korporativ va individual rivojlanish darajasi boʻyicha Xalqaro yutuqlar tadqiqot markazi (IARC) reytingida “Yil universiteti — 2023” nominatsiyasi gʻolibi, deya eʼtirof etildi.

Ushbu xalqaro tadqiqot markazi direktori, doktor Maykl Finnen tomonidan yoʻllangan tabrik xatiga koʻra, FarDU rektoriga Xalqaro yutuqlar tadqiqot markazi — IARC rasmiy veb-saytining “Xalqaro tribuna” boʻlimida oʻz ilmiy maqolalarini (https://achievementscenter.com/iarc-events/academic-honor-society/international-tribune/about-international-tribune) erkin joylashtirish hamda “Yil rektori — 2023” brendidan abadiy foydalanish xalqaro huquqi berilganligi maʼlum qilingan.

Qayd etish kerakki, joriy yilgi reytingdan 3 nafar gʻolib rektorlar — Fargʻona davlat universiteti rektori Bahodirjon Shermuhammadov hamda Birlashgan Arab Amirliklari universiteti rektori, professor Galeb Ali Alhadrami Albreiki, Namibiya fan va texnologiya universiteti rektori (PhD) Erold Rold Naomab oʻrin olgan.

Ushbu xalqaro tanlovning maqsadi — oliy taʼlim muassasalarini yillar davomida erishgan xalqaro yutuqlarini jahon hamjamiyatiga keng namoyish etishga qaratilgan. Bunda mahalliy, mintaqaviy yoki xalqaro miqyosda jahon andozalari darajasidagi muassasa boʻlish uchun katta salohiyat va ijodkorlikni namoyon etgan hamda ilm-fanga salmoqli hissa qoʻshgan innovatsion oliy taʼlim muassasalari jamoatchilik tomonidan eʼtirof etiladi va taqdirlanadi.

FarDU Axborot xizmati.

Doʻstlaringiz bilan ulashing

Jamiyat

20 Mar 12:54

xs.uz

Prezident Kichik biznes uyushmasini tashkil qilish tashabbusini qoʻllab-quvvatladi

Prezidentning kichik va oʻrta biznes vakillari bilan uchrashuvida kichik biznesdagi kelgusi qadamlarni belgilab beradigan besh yillik strategiya ishlab chiqilgani taʼkidlandi.Buni xalqaro moliya tashkilotlari ham qoʻllab-quvvatlab, yangi biznes yoʻnalishlari boʻyicha ilgʻor tajriba, innovatsiya, texnologiya va xalqaro standartlarni joriy qilishda koʻmaklashishga, buning uchun hozirni oʻzida 470 million dollar resurs ajratishga tayyor.Jumladan, Osiyo taraqqiyot banki 'Moliyaviy ommaboplik

Jamiyat

20 Mar 12:54

xs.uz

Tadbirkor ayollarga garovsiz kredit ajratiladi

Oʻzbekistonda ayollar tadbirkorligini rivojlantirish va ularni qoʻllab-quvvatlash boʻyicha yangi dasturlar joriy etilmoqda. Prezidentning 2025-yil 14-martdagi 'Oila va xotin-qizlarni qoʻllab-quvvatlash tizimini yana-da takomillashtirish chora-tadbirlari toʻgʻrisida'gi qaroriga koʻra, ayollar bandligini oshirish, taʼlim olish imkoniyatlarini kengaytirish va ularning tadbirkorlik faoliyatini qoʻllab-quvvatlash boʻyicha qator maqsadli chora-tadbirlar amalga oshiriladi.Qarorga muvofiq, 202

Jamiyat

12 Apr 21:14

xs.uz

Toʻrtta viloyatda “valyutchik”lar qoʻlga olindi

Departamentning Xonobod shahri boʻlimi va IIB xodimlari hamkorligida oʻtkazilgan tezkor tadbirda valyuta qimmatliklari savdosi bilan shugʻullanib kelgan E.R. fuqaro A.T.ga 3 000 AQSH dollarini 38,7 million soʻmga sotgan vaqtida ushlanib, 3 000 AQSH dollari, 35 950 Rossiya rubli va 3 000 qirgʻiz somi ashyoviy dalil sifatida olingan.Shu kabi, Departamentning Quyichirchiq tumani boʻlimi tomonidan oʻtkazilgan tezkor tadbirda fuqaro M.A. fuqaro U.B.ga 1 900 AQSH dollarini 24,7 million soʻmga,

Jamiyat

04 Apr 16:19

xs.uz

Chiqindi poligonlarida ekosanoat zonalari tashkil etiladi

Chiqindilarni qayta ishlash sohasini yanada takomillashtirish va kompleks tizimlashtirish maqsadida Prezident Farmoni qabul qilindi. Bu haqda 'Huquqiy axborot' kanali xabar berdi.Unga koʻra, chiqindilarni qayta ishlash sohasida bir qator asosiy yoʻnalishlar belgilandi. Jumladan, mavjud qattiq maishiy chiqindi poligonlarini 2030-yilgacha 50 foizga qisqartirish va yangi hosil boʻlayotgan chiqindilarni poligonlarga yoʻnaltirmasdan, ularni maksimal darajada qayta ishlash yoki kuydirish belgiland