calendar 01 Dec 16:23
eye 53
comments 0
comments Manba: xs

Qamashilik fermer xorijga brokkoli eksport qilmoqda

image

Foto: “Xalq soʻzi”

Soʻnggi yillarda Qashqadaryo viloyatida gʻalladan yoki boshqa qishloq xoʻjaligi ekinlaridan boʻshagan maydonlarda takroriy ekin sifatida brokkoli yetishtirish tobora ommalashib bormoqda.

Qamashi tumanida faoliyat yuritayotgan “Nurmanova Xurshida” sabzavotchilik fermer xoʻjaligi rahbari Sherzod Mahmatmurodov ham bir necha yildan buyon brokkoli yetishtirib, undan yaxshi daromad olyapti.

Brokkoli gulkaramning bir turi boʻlib, eng servitamin va parhezbop sabzavotlardan hisoblanadi, — deydi Sherzod Mahmatmurodov. – Shu sabzavotni yetishtira boshlagach uning tarixi, foydali xususiyatlari haqidagi maʼlumotlarni qiziqib oʻrgandim. Manbalarga koʻra, brokkolini ilk bor italiyaliklar isteʼmol qila boshlashgan va u dastlab “Italiya sarsabili” deb atalgan ekan. Keyinchalik “brokkoli” degan nom bilan yuritilgan. Toʻgʻri, ayni vaqtda brokkoli isteʼmoli yurtimizda unchalik ommalashmagan, lekin jahon bozorida juda xaridorgir. Biz ham yetishtirgan mahsulotimizning asosiy qismini eksportga yoʻnaltiryapmiz.

Fermerning qoʻshimcha qilishicha, bizdagi iqlim va tuproq sharoiti brokkoli yetishtirish uchun juda qulay. Ayniqsa, gʻalladan boʻshagan maydonlarga takroriy ekin sifatida ekilganida ham yaxshi samara beradi. Baʼzida kuzning oʻrtalariga borib yogʻin-sochinli, sovuq kunlar boshlanib qolishi mumkin. Bunday paytda hali toʻliq pishib yetilmagan ayrim takroriy ekinlar oʻz-oʻzidan nobud boʻladi. Biroq brokkoli sovuqqa juda chidamli. Hatto minus 2 darajagacha sovuqda ham nobud boʻlmaydi. To qishga qadar uning hosilini yigʻib, bemalol saranjomlab olishingiz mumkin.

— Fermer xoʻjaligimizning umumiy yer maydoni 18 gektarni tashkil etadi, — deydi Sherzod Mahmatmurodov. — Bu joyda poliz va sabzavot mahsulotlarining deyarli barcha turlaridan yetishtiramiz. Imkon qadar yerni bir kun ham boʻsh qoldirmaymiz. Bir ekin hosili olindimi, darhol yerni tayyorlab, oʻrniga mavsumga mos boʻlgan keyingi ekin ekiladi. Oʻtgan yili 2 gektar maydonda takroriy ekin sifatida brokkoli yetishtirgandik. Umumiy hisobda 33 tonna hosil olib, mahsulotni eksportchi korxonalar orqali toʻliq tashqi bozorga chiqarishni uddaladik. Shu bois bu yil 10 gektar yerga brokkoli ekdik. Bu yil har gektaridan 20 tonnadan hosilni chamalab turibmiz. Bundan tashqari, toʻqsonbosti usulida 20 sotix joyga toshkaram, yana shuncha maydonga piyoz, sarimsoqpiyoz ekdik.

Sherzod Maxmatmurodov xoʻjalikning yana bir yutugʻi haqida aytib qoldi. Oʻtgan yillar xoʻjalikda yetishtirilgan mahsulotni eksportchi korxonalar orqali xorijga sotgan boʻlsa, joriy yildan boshlab bu ishni oʻzi amalga oshirayotgan ekan.

Bu yil 100 ming dollarlik mahsulotni xorijlik hamkorlarimizga yetkazib berishni uddaladik, — deydi u. — Kelgusi yildan boshlab bu miqdorni bir necha barobar oshirmoqchimiz. Shu bois hozir yerga shunchaki ekin ekish emas, xorij bozorlarini puxta oʻrganib, eng talabgir mahsulotlarni yetishtirishni maqsad qilganmiz.

Jahongir BOYMURODOV, “Xalq soʻzi”.


Doʻstlaringiz bilan ulashing

10 Jan 10:25
 
29
0
qalampir.uz

Samarqandda ikki soliqchi besh yilga qamaldi

Samarqandda ikki nafar soliq inspeksiyasi xodimi pora olgani uchun qamaldi. Bu haqda Oliy sud matbuot kotibi xabar berdi. Ma’lum bo‘lishicha, Samarqand tumani soliq inspeksiyasi xodimi Bulung‘ur tumanida tadbirkorlik bilan shug‘ullanuvchi fuqaroga soliqlardan asossiz hisoblangan qarzdorlikni kamaytirishda yordam berishini aytgan. Soliq inspektori ushbu “xizmati” evaziga 1000 AQSH dollari talab qiladi. U tadbirkorning qariyb 300 mln so‘mlik soliq va penya qarzdorligini

12 Jan 11:10
 
59
0
xs.uz

Turizm qo‘mitasi raisiga o‘rinbosar tayinlandi

Bu haqda O'zbekiston Respublikasi Vazirlar Mahkamasining 2024 yil 11 yanvardagi 21-son qarori bilan imzolandi.

28 Jan 09:33
 
31
0
qalampir.uz

Tomdi tumaniga yangi hokim tayinlandi

Bugun, 27 yanvar kuni Orzumurod Umarov Fayzullayevich Navoiy viloyatidagi Tomdi tumani hokimi vazifasini bajaruvchi lavozimiga tayinlandi. Bu haqda viloyat hokimligi axborot xizmati xabar berdi. Qayd etilishicha, bugun Navoiy viloyati hokimi Normat Tursunov ishtirokida Tomdi tumani hokimligi  majlislar zalida tumanni ijtimoiy-iqtisodiy rivojlantirish hamda bir qator tashkiliy masalalar yuzasidan faollar yig‘ilishi bo‘lib o‘tgan. Normat Tursunov yig‘ilishda Orzumurod Umarov tum

05 Jan 18:31
 
29
0
xs.uz

Dori vositalari sifatli va xavfsiz boʻlishi zarur, aks holda...

Oliy Majlis Qonunchilik palatasi Fuqarolarning sogʻligʻini saqlash masalalari qoʻmitasi tomonidan 'Aholini sifatli va xavfsiz dori vositalari bilan taʼminlash ' davr talabi' mavzuida tashkil etilgan seminarda shu xususda soʻz yuritildi.Quyi palata deputatlari, Sogʻliqni saqlash vazirligi, Farmatsevtika mahsulotlari xavfsizligi markazi, Farmatsevtika tarmogʻini rivojlantirish agentligi masʼul xodimlari hamda OAV vakillari qatnashgan tadbirda 'Farmatsevtika sohasidagi qonunchilik takomilla