calendar 29 Nov 12:52
eye 38
comments 0
comments Manba: zarnews

1 dekabrdan O'zbekiston qonunchiligida nimalar o'zgaradi?

image

Norma.uz portali 2023 yil 1 dekabrdan kuchga kiradigan milliy qonunchilikdagi asosiy o'zgarishlar sharhini taqdim etdi.

Unga ko'ra:
- Ish haqi, pensiyalar va nafaqalar miqdori oshirilmoqda
Byudjyet tashkilotlari xodimlarining ish haqi, pensiyalar va nafaqalar miqdori 7 foizga, BHM – 3 foizga oshmoqda. Mehnatga haq to'lashning eng kam miqdori – oyiga 1 050 000 so'm; pensiyani hisoblashning bazaviy miqdori – oyiga 372 000 so'mni tashkil etadi.

- Aholi va biznesdan bir qator maʻlumotlarni talab qilish to'xtatiladi
Aholi va tadbirkorlik subʻyektlaridan 47 turdagi maʻlumotlarni talab qilish bekor qilinmoqda. Tegishli maʻlumotlarni «Raqamli hukumat» tizimi idoralararo integratsiyalashuv platformasida raqamli shaklda olish mumkin.

- Olib chiqib ketiladigan naqd xorijiy valyutasi miqdori oshirilmoqda
Jismoniy shaxslar tomonidan olib kirilayotgan va olib chiqib ketilayotgan 100 mln so'm ekvivalentidan ortiq miqdordagi milliy naqd valyuta va (yoki) naqd chet el valyutasi yo'lovchi bojxona deklaratsiyasini to'ldirish va bojxona organi xodimiga taqdim etish yo'li bilan bojxona nazoratidan o'tkaziladi (ilgari bu miqdor 70 mln so'mni tashkil etgan).

- Ayrim davlat xizmatlari MIZ direktsiyalari tomonidan ko'rsatiladi
Quyidagi davlat xizmatlari, YaIDXP va davlat xizmatlari markazlaridan tashqari, bevosita maxsus iqtisodiy zonalar (MIZ) direktsiyasi tomonidan ham amalga oshiriladi:
• investitsiya loyihalarini joylashtirish;
• ishtirokchilarni ro'yxatga olish;
• investitsiya loyihalarni amalga oshirish va ijara shartnomalarini imzolash.

- Nasldor chorva mollariga QQS to'lash tizimi o'zgarmoqda
Chorvachilik xo'jaliklari o'z ehtiyoji uchun import qilgan nasldor qoramollarga hisoblangan QQSni Veterinariya va chorvachilikni rivojlantirish qo'mitasining kafolati asosida 180 kun ichida to'lab berish tizimi joriy etiladi.

- «Tashqi reklama» raqamli monitoringi ishga tushiriladi
Reklama joyi pasportini shakllantiruvchi «Tashqi reklama» raqamli monitoring elektron tizimi ishga tushirilmoqda.
Auktsion natijalari bo'yicha to'lov hamda reklamani joylashtirish uchun yig'im o'rniga miqdori ochiq elektron auktsion orqali aniqlanadigan yagona har oylik yig'im kiritilmoqda.

- Zilzilalar haqida erta ogohlantirish milliy tizimi ishga tushiriladi
Magnitudasi 5 va undan yuqori balli zilzilalar ro'yxatga olinganda «Kuchli zilziladan ogohlantirish» mobil ilovasi orqali aholiga qisqa soniyalarda respublikaning aniqlangan hududlarida kuchli zilzila kuzatilishi to'g'risida tezkor xabarnoma yuboriladi.

- Sport maktablariga qabul davlat xizmatlari markazi va YaIDXP orqali amalga oshiriladi
• Davlat sport-taʻlim muassasalariga;
• O'zbekiston futbol assotsiatsiyasi futbol akademiyalariga o'quvchilarning hujjatlarini qabul qilish hamda ularning o'qishini ko'chirishni endilikda davlat xizmatlari markazi va YaIDXP orqali ko'rsatiladi.


Doʻstlaringiz bilan ulashing

19 Jan 19:05
 
48
0
xs.uz

Soliq toʻlovchilarga qonunchilikdagi yangiliklar tushuntirildi

Oʻzbekiston Respublikasining 2023-yil 28-dekabrdagi 'Soliq va byudjet siyosatining 2024-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida'gi Qonuni qabul qilinib, ushbu qonun bilan Soliq kodeksining 46 moddasiga oʻzgartirish va qoʻshimchalar kiritildi.Ushbu yangiliklarni aholi va tadbirkorlik subyektlariga yetkazish maqsadida Toshkent viloyati soliq boshqa