calendar 29 Sep 08:31
eye 17
comments 0
comments Manba: xs

Yer bilan bogʻliq munosabatlar va xususiylashtirilgan yer uchastkalariga oid qoidalar takomillashtirilmoqda

image

Foto: Yunus Boʻriyev/“Xalq soʻzi”

Senatining qirq beshinchi yalpi majlisida “Yer toʻgʻrisidagi qonunchilik takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonun senatorlar tomonidan koʻrib chiqildi.

Muhokama etilgan ushbu Qonun oʻzganing yer uchastkasidan cheklangan tarzda foydalanish (servitut) huquqini amalga oshirish tartibini, yer ijarasi bilan bogʻliq munosabatlarni va xususiylashtirilgan yer uchastkalariga oid qoidalarni takomillashtirishga qaratilgan qator normalarni oʻz ichiga olgan.

Qonunda ijaraga olingan qishloq xoʻjaligiga moʻljallanmagan yer uchastkalari huquq va majburiyatlar bilan birga ijaraga beruvchining roziligi asosida boshqa shaxsga oʻtkazilishi (qayta ijaraga berilishi) mumkinligi belgilanmoqda.

Shuningdek, jismoniy va yuridik shaxslar tomonidan elektron onlayn-auksion orqali olingan qishloq xoʻjaligiga moʻljallanmagan yer uchastkalariga nisbatan huquq va majburiyatlar boshqa shaxsga ijara muddatidan oshmagan muddatga oʻtkazilishi (qayta ijaraga berilishi) mumkinligi koʻzda tutilmoqda.

Bundan tashqari, Qonunda oʻzganing yer uchastkasidan cheklangan tarzda foydalanish huquqi, yaʼni servitut belgilangan yer uchastkasiga boʻlgan huquqlar boshqa shaxsga oʻtgan taqdirda ham servitut saqlanib qolinishi, servitut oldi-sotdi, hadya, garov yoki ijaraning mustaqil predmeti boʻlishi mumkin emasligi belgilanmoqda.

Servitutning yer egasini, yerdan foydalanuvchini, yer uchastkasining ijarachisi va mulkdorini ushbu yer uchastkasiga egalik qilish, undan foydalanish hamda uni tasarruf etish huquqidan mahrum etilmasligi koʻzda tutilmoqda.

Senatorlar mazkur Qonunning qabul qilinishi ijara munosabatlari yanada kengayishiga, servitut belgilash bilan bogʻliq munosabatlarni huquqiy jihatdan tartibga solishga, yer egalari, yerdan foydalanuvchilar, yer uchastkalari ijarachilari va mulkdorlarining huquqlari ishonchli himoya qilinishiga xizmat qilishini eʼtirof etishdi.

Muhokama davomida senatorlar ushbu Qonunning dolzarbligi va zarurligini eʼtiborga olib, uni maʼqulladilar.

Foto: Yunus Boʻriyev/“Xalq soʻzi”


Doʻstlaringiz bilan ulashing

30 Jan 20:26
 
27
0
qalampir.uz

Turkiyada qayiq cho‘kib ketdi. Qurbonlar bor

Izmir viloyatining Dikili tumanida baliqchilar qayig‘i cho‘kib ketdi oqibatda 3 kishi halok bo‘ldi. Bu haqda bugun, 30 yanvar kuni “Milligazete” xabar berdi. Manbaga ko‘ra, bortida 10 kishi bo‘lgan qayiq Salihleralti sohilida cho‘kib ketgan. Sohil xavfsizlik qo‘mondonligi guruhlari voqea joyiga yetib borgan. Falokat oqibatida 3 kishi vafot etgan, 5 nafari qutqarib qolingan, yana ikki nafar shaxs qidirilmoqda. Izmir gubernatori Sulaymon Elban ham voqea joyiga yetib bo

01 Feb 13:46
 
27
0
qalampir.uz

Uzoq masofali qurollar tez orada Ukraina frontida bo‘ladi – Nuland 

Amerikaning GLSDB (Ground Launched Small Diameter Bomb) yuqori aniqlikdagi boshqariladigan bombalari tez orada Ukrainadagi frontda bo‘ladi. Bu haqda kecha, 31 yanvar kuni AQSH Davlat kotibi o‘rinbosari Viktoriya Nuland Kiyevdagi brifingda ma’lum qildi. “Qo‘shma Shtatlar Ukrainaga yordam berishda davom etmoqda, xususan, yangi investitsiyalar, yangi qurol tizimlari, masalan, Small Diameter Bomb allaqachon urush o‘choqlariga jo‘natilmoqda”, deydi Nuland. Uning ayti

08 Feb 05:00
 
18
0
xs.uz

Alsgeymer kasalligining insondan insonga yuqishi bilan bogʻliq ilk holat aniqlandi

Aslida, bu voqelikning ildizi ancha uzoq. Gap shundaki, oʻtgan asrning 60-80-yillarida Buyuk Britaniyada oʻlgan donorlar gipofiz bezidan olingan oʻsish gormoni bilan davolash usuli amaliyotda qoʻllanilgan.Ammo vaqt oʻtib, ensefalopatiya, yaʼni, bosh miyada paydo boʻlgan nuqsonlar tufayli bemorlar orasida koʻp oʻlim holatlari kuzatildi. Oqibatda yangi terapiya usuliga taqiq qoʻyilib, ularning oʻrnini sintetik garmonlar egalladi.Biroq oʻsha yanglish muolajalar tufayli 8 nafar bemorda 3

18 Jan 21:15
 
27
0
qalampir.uz

“Tolibon” endi O‘zbekistonning yog‘ini ham qaytarib yubordi

Afg‘onistondagi “Tolibon” muvaqqat hukumati O‘zbekistondan import qilingan 1680 ta qutidagi yog‘ni sifatsiz deb topib, ortga qaytarib yubordi. Bu haqda "Tolibon"ning milliy oziq-ovqat va farmatsevtika idorasi ma’lum qildi.  Qayd etilishicha, tegishli chora Balx viloyati Milliy oziq-ovqat va ziravorlar boshqarmasi tomonidan amalga oshirilgan. Ular Hayraton portidan talab qilinadigan standartlarga javob bermagan 1680 ta qutidagi 5 litrli yog‘ni qabul qilmaga