Foto: “Xalq soʻzi”

Bu haqda AOKAda oʻtkazilgan brifingda Kambagʻallikni qisqartirish va bandlik vazirligi axborot xizmati rahbari Faxriddin Hayitov maʼlum qildi.

Ushbu murojaatlarning 11 tasi munosib mehnat sharoitlari yaratilmaganligi, 13 tasi terim pullari oʻz vaqtida berilmayotganligi, 167 tasi 1 kg teriladigan paxtaning narxi toʻgʻrisida boʻldi.

Hududlarda tashkil etilgan Ishchi guruhlar tomonidan kelib tushgan murojaatlar yuzasidan oʻrganishlar oʻtkazilib, shulardan, 4 ta murojaat qanoatlantirildi, 177 ta murojaat boʻyicha terimchilar va fermer xoʻjaliklariga tushuntirish berildi, 10 ta murojaat esa oʻz tasdigʻini topmadi.

Shuningdek, ishchi guruhlar tomonidan hududlarda paxta yigʻim-terimida ishtirok etgan terimchilarga yaratilgan mehnat sharoitlarining holati, fuqarolarga nisbatan majburiy mehnat va bolalar mehnatining oldini olish maqsadida, 592 ta obyektda (64 ta klaster va 428 ta fermer xoʻjaliklarida) monitoring ishlari, targʻibot va tushuntirishlar amalga oshirildi.

Agar paxta yigʻim-terimi mavsumida mehnat huquqlaringiz buzilishi sodir boʻlsa yoki shu kabi holatlarga guvoh boʻlsangiz, vazirlikning 1176 qisqa raqamli “Ishonch telefoni” hamda “Munosibmehnat.uz” telegramm botiga murojaat qilishingizni soʻraymiz. Shaxsingiz sir saqlanishi kafolatlanadi.