Bugun yurtimizda kollej va texnikumlar uchun kirish sinovlariga start berildi. Imtihonlar 26-29-sentyabr kunlari ikki smenada:
1-smena 08:00 dan 11:00 gacha,
2-smena 15:00 dan 18:00 gacha tashkil etiladi.

Eslatib oʻtamiz, Sogʻliqni saqlash vazirligi tasarrufidagi 72 ta Abu Ali ibn Sino nomidagi jamoat salomatligi texnikumida:

— Tibbiy profilaktika ishi;
— Tibbiy-ijtimoiy ish;
— Patronaj hamshiraligi yoʻnalishlari —
2 yillik oʻquv dasturi asosida;

— Hamshiralik ishi;
— Feldsherlik ishi;
— Funksional diagnostika va laboratoriya ishi;
— Stomatologiya;
— Farmatsevtika yoʻnalishlari —
3 yillik oʻquv dasturi asosida taʼlim beriladi.

Nomzodlar ruxsatnomani my.uzbmb.uz saytidan yuklab olishlari mumkin.

Talabgorlar test sinovi oʻtkaziladigan hududga belgilangan vaqtdan kamida 1 soat oldin shaxsini tasdiqlovchi hujjat va ruxsatnoma bilan kelishi kerak.

Test sinovi natijalari imtihon oʻtkazilgan kunning ertasiga, yakuniy tanlov natijalari esa 3-oktyabr kuni eʼlon qilinishi rejalashtirilmoqda.