26 Sep 05:58

Manba: zarnews

O'tror – Sohibqiron Amir Temurning so'nggi manzili

Samarqand shahridagi O'zbekiston madaniyati tarixi davlat muzeyida "O'tror-Samarqand: madaniyatlarning umumiy jihatlari" nomli ko'rgazma tashkil etildi. Qozog'istonning O'tror davlat arxeologiya muzey-qo'riqxonasi hamda Samarqand davlat muzey-qo'riqxonasi tomonidan tashkil etilgan ko'rgazmaning ochilish tadbirida har ikki mamlakatdan muzeyshunoslar, olimlar hamda tarix ixlosmandlari jam bo'ldi.

O'tror Buyuk Ipak yo'lining asosiy tarmoqlaridan birida joylashgan, yaqinida Sirdaryo va Aris daryolari oqib o'tadigan, jahon tamaddunida o'z o'rniga ega qutlug' maskanlardan biri bo'lgan. Butun turkiy xalqlarning faxri, islom falsafasining yorqin yulduzi Abu Nosir Forobiy yashagan O'tror qadimdan Hindiston, Xitoy, Vizantiya va boshqa davlatlar bilan doimiy ravishda ilmiy, madaniy, iqtisodiy, diplomatik aloqalarda ishtirok etgan. Bu yerda ilm-fan va madaniyat bilan bir qatorda savdo-sotiq, ishlab chiqarish, dehqonchilik, chorvachilik rivojlangan.

- O'tror qadimdan O'rta Osiyoning Xiva, Buxoro, Samarqand, Shahrisabz, Termiz, Toshkent kabi qadim shaharlari bilan uzviy madaniy aloqalarga ega bo'lgan, - deydi O'tror davlat arxeologiya muzey-qo'riqxonasi rahbari Jangeldi Maxashov. – Bu qadimiy shahar Qoraxoniy turk xoqonligi, so'ngra Xorazmshohlar davlati tarkibida bo'lib, qazishmalarda qadimiy shahar atrofidan mazkur davrlarga oid ko'plab artefaktlar topib o'rganilgan. Amir Temur Xitoyga yurishni maqsad qilib yo'lga chiqqanida mazkur shaharda to'xtagan. Buyuk sarkarda hayotligidagi so'nggi manzili O'tror shahri bo'lgan. Ushbu ko'rgazmadan ko'zlangan maqsad O'rta asrlarda Buyuk ipak yo'lidagi Samarqand va O'tror shaharlarining tarixiy-madaniy aloqalari va madaniyatlar umumiyligini targ'ib qilishdan iborat.

Tarixiy-maʻrifiy ko'rgazmada O'trorda Buyuk ipak yo'li orqali savdo aloqalari rivojlanganligi va Qoraxoniy turk xoqonligi davridan Qozoq xonligigacha bo'lgan shahar madaniyati, shuningdek, yozma madaniyat rivojidan dalolat beruvchi arxeologik ashyolar namoyish etilmoqda.

Ko'rgazmaning ochilish marosimida viloyat hokimi o'rinbosari Rustam Qobilov va Qozog'iston Respublikasining Samarqand viloyatidagi konsulligi rahbari Bourjon Do'stmambetov ishtirok etdi.

Ko'rgazma 22 oktyabrgacha davom etadi.

S.Mardiyev, J.Shukurov (surat).

Doʻstlaringiz bilan ulashing

Madaniyat-sanat

20 Mar 12:50

postda.uz

NAHOTKI, TO‘G‘RI O‘G‘RIGA SHERIK BO‘LSA...

Ona tilim – jon-u dilimYaqinda Germaniyada yashayotgan qizinikida bir muddat mehmon bo‘lib kelgan akamizdan safar taassurotlarini so‘raganimizda shunday dedi:– Nemis o‘qituvchilari hayot tarzi haqida gapirar ekan, ular chetdan borib ishlayotganlarga: «Sizlar farzandlaringiz bilan uyda bemalol o‘z tilingizda gaplashavering, ammo nemis tilini bolangizga biz, o‘zimiz o‘rgatamiz», – der ekan. Avvaliga hayron bo‘ldik, deydi qizim. Keyin buning sababi nimada, deb so‘rabdi.«Siz

Madaniyat-sanat

20 Mar 12:50

postda.uz

YEGANDEK BO‘LDIM

«Yegandek bo‘ldim» nomli masjid haqida eshitganmisiz?!Istanbulning Fotih mintaqasida shu nomdagi masjid bor. Bu turkchada «Sanki yedim» bo‘ladi. Bu g‘aroyib nom ortida ajib bir hikoya bor. Hikoya zamirida esa ajoyib bir ibrat mujassam.Naql qilishlaricha, Fotih mintaqasida Xayriddin ismli bir kishi istiqomat qilar edi. U qachon bozorning oldidan o‘tayotib nafsi mevanimi, go‘shtnimi, halvonimi xohlab qolsa, «egandek bo‘ldim» deb shunga yetadigan pulni bir sandiqqa tashlab qo‘ya

Madaniyat-sanat

20 Mar 12:50

postda.uz

"Bobur – umumarmiya yoshlari nigohida"

O‘zbekiston kasaba uyushmalari harakatining 120 yillik yubileyi arafasida Zahiriddin Muhammad Bobur tavalludining 542 yilligi munosabati bilan O‘zbekiston kasaba uyushmalari Federatsiyasining Namangan viloyati kengashi tashabbusi bilan, Yoshlar ittifoqi viloyat kengashi hamda Viloyat Ichki ishlar boshqarmasi hamkorligida yosh ichki ishlar xodimlari va IIV Namangan akademik litseyi o‘quvchilarining ma'naviy-ma'rifiy bilim va salohiyatini oshirish maqsadida "Bobur – umumarmiya yoshlari nig

Madaniyat-sanat

12 Apr 21:16

327

xs.uz

Oʻzbekistonda xizmat koʻrsatgan sanʼat arbobi Mansur Ravshanov vafot etdi

Oʻzbekistonda xizmat koʻrsatgan sanʼat arbobi Mansur Ravshanov 88 yoshida vafot etdi. Bu haqda Madaniyat vazirligi matbuot xizmati'xabar berdi.Mansur Temirovich Ravshanov 1937-yilning 4-iyul kuni Qashqadaryo viloyati Qarshi shahrida tugʻilgan. 1961-yilda Toshkent Teatr va rassomlik sanʼati institutini tugatgan.Mansur Ravshanov Surxondaryo viloyati musiqali drama teatrida avval aktyor, keyinchalik rejissyor, bosh rejissyor boʻlib ishlagan. Surxondaryo viloyat qoʻgʻirchoq teatrining vujudg