calendar 26 Aug 05:21
eye 11
comments 0
comments Manba: xs

“Koʻkda poda boqib yuribdi hilol”

image

Qoraqalpogʻiston xalq shoiri, goʻzal sheʼrlari bilan koʻplab dillardan joy olgan shoir, tarjimon Rustam Musurmon bugun muborak 60 yoshga toʻldi. Ijodkorga uzoq umr, ijodiy barkamollik, toʻkis hayot tilaymiz. Tavallud sana munosabati bilan sheʼriyat muxiblari eʼtiboriga quyidagi sheʼrlarini taqdim etamiz.

OSHI HALOL

Poda qaytdi,

Qirda yonadi gulxan.

Podachi gulxanga yotib biryonbosh

Xurjundan chiqardi bitta koʻpgannon —

Ufqqa yonboshlab mudraydi quyosh…

Oshi halol,

Podachi,

Oshi halol!

Sovliqlar sogʻildi,

Qoʻzilar yotdi.

Eshiklarni yopdi qoʻrayu qoʻrgʻon.

Ovloq daralarning koʻzlari yondi —

Toshoʻchoqda qaynar bir qora qumgʻon.

Oshi halol,

Podachi,

Oshi halol!

Rizqu roʻz beradi buloq, togʻu tosh,

Odamning mol boqib topgan noni bol!

Osmonda porlaydi yulduzlar bosh-bosh,

Koʻkda poda boqib yuribdi hilol!

Oshi halol,

Podachi,

Oshi halol!

ONAMNI ESLAB

Daraxt kabi gullab-yashnaydi odam,

Ota bilan ona baxsh etur umr.

Unib-oʻsib farzand koʻrgay daraxt ham,

Odam ham tuproqqa otgaydir tomir.

Daraxtni yiqolmas shamol, sel, boʻron,

Shoxlari boʻy choʻzib yuksalar koʻkka.

Yer ostiga kirar tomiri teran,

Daraxtni ildizi ushlaydi tikka.

Bahorda daraxtim gullar, koʻnglim toʻq,

Shirin mevalarim oʻgʻlim va qizim.

Faqat bir armonim – endi onam yoʻq,

Tuproqqa koʻmildi mening ildizim.

SEVGI

Hayotda ochlikka chidashim mumkin,

Chidashim mumkindir suvsizlikka ham.

Sensizlikka chiday olmayman lekin,

Aslo sensiz yashay olmayman, erkam.

Chidayman tunlari uyqusizlikka,

Tinimsiz mehnatga chidayman kunduz.

Biroq chidolmayman tuygʻusizlikka,

Jonim, sensiz yashay olmayman yolgʻiz.

Soyabonsiz chiday olaman yozda,

Oʻtga ham, muzga ham chidayman, ishon.

Kiyimsiz yashashim mumkin ayozda,

Faqat yasholmayman sensiz hech qachon.

NILUFAR

Bir koʻrib ayrildim aqlu hushimdan,

Gul chiroy, gul ruxsor, gul ifor –

Tunlari ketmaysan aslo tushimdan,

Nilufar!

Boladek xayolim oydek yuzingdan

Gul uzar, gul hidlar, gul oʻpar –

Qarayman koʻzimni uzmay koʻzingdan,

Nilufar!

Soʻz – sifat izlayman goʻzal husningga –

Guljamol, gulchehra, gulbahor…

Munosib yaralgan isming jismingga,

Nilufar!

Bahor, yoz, kuzda ham, qishda ham koʻngil

Gul tilar, gul istar, gul sevar.

Koʻnglimni umrbod rom aylagan gul –

Nilufar!

Mehru muhabbatning izhori goho –

Guldasta, gulbargak, gulchambar.

Ilohiy muhabbat timsoli tanho –

Nilufar!

IQROR

Sen uchun qilichman, sen uchun qalqon,

Bir umr askarman, bir umr posbon,

Senga jonim fido, senga jon qurbon,

Vatan va ozodlik, ayol, muhabbat!


Doʻstlaringiz bilan ulashing

01 Feb 10:47
 
27
0
qalampir.uz

YPX xodimining bosib ketilishi bo‘yicha tafsilotlar ochiqlandi

Avvalroq, Qashqadaryo viloyatining Kitob tumanida Damas avtomashinasi haydovchisi YPX xodimini bosib ketgani haqida xabar berilgandi. Viloyat YHXB voqeaga aniqlik kiritdi.  Bildirilishicha, hodisa bugun, 31 yanvar kuni soat 16:35 larda Qashqadaryo viloyati, Kitob tumani hududidan o‘tuvchi "Kitob-Shahrisabz" avtomobil yo‘lining 3-kilometrida sodir bo‘lgan.  Viloyat IIB JXX YHXB YPX xodimi davlat raqam belgisi bo‘lmagan Damas rusumli avtomobil haydovchisining me

22 Jan 18:55
 
26
0
qalampir.uz

Endi O‘zbekistonda 621 ming so‘m topgan odam kambag‘al emas

O‘zbekistonda 2024 yil uchun minimal iste’mol xarajatlari miqdori kishi boshiga 1 oyga 621 ming so‘m deb belgilandi. Bu haqda Statistika agentligining ma’lumotnomasida aytib o‘tilgan.  Gap shundaki, hukumatning 2021 yil 27 avgustdagi 544-son qarori bilan O‘zbekistonda minimal iste’mol xarajatlari qiymati hisoblab kelinadi. Joriy 2024 yil uchun esa hisoblangan minimal iste’mol xarajatlarining qiymati bir oyda kishi boshiga 621 ming so‘m deb belgilandi.  Bu o‘tg

02 Feb 10:43
 
29
0
qalampir.uz

Yosh bolaga kuch ishlatib, mashinasiga tiqqan PPX xodimlariga “hayfsan” berildi

Ijtimoiy tarmoqlarda IIB xodimlari bir bolani mashinaga majburan tiqib, olib ketgani aks etgan video tarqaldi. Kecha, 1 fevral kuni tasvirdagi bolaning onasi mazkur holat bo‘yicha Bolalar ombudsmaniga murojaat qilgan. Aniqlanishicha, 2023 yil 22 dekabr kuni Chilonzor tumani Chilonzor-3 mavzesida IIO xodimlari Sh.M. va A.O.lar 2011 yilda tug‘ilgan K.P.da pirotexnika vositalari borligini aniqlab, bolani xizmat mashinasiga kuch ishlatib, majburan o‘tqazishga uringan. Shu bilan birga, xo

02 Jan 09:35
 
39
0
qalampir.uz

Chortoq tumaniga hokim tayinlandi

Namangan viloyati hokimining kecha, 29 dekabrda qabul qilingan qarori bilan Sattorov Ilhomjon Rahimjonovich Chortoq tumani hokimi etib tayinlandi. Bu haqda viloyat hokimligi xabar berdi. Ma’lumot uchun, Ilhomjon Sattorov 1985 yilda Chortoq tumanida tug‘ilgan. Ma’lumoti oliy, 2008 yilda Namangan muhandislik pedagogika instituti, 2020 yilda O‘zbekiston Respublikasi Prezidenti huzuridagi Davlat boshqaruvi akademiyasini tamomlagan.  2008-2014 yillarda Namangan viloyati moliya bosh