calendar 19 Aug 14:24
eye 420
comments 0
comments Manba: xs

Istanbul muzeylari nimasi bilan sayyohlarni hayratga solmoqda — Foto

image

Turkiyaning jonli metropolisi boʻlgan Istanbul oʻzining tarixiy diqqatga sazovor joylari, ijtimoiy hayoti, muzeylari, sanʼat va madaniyatga oid tadbirlari hamda oʻziga xos gastronomik turizmi bilan tashrif buyuruvchilarga sayohat zavqini taqdim etadi. Ushbu shaharning boy tabiiy meroslari unga tashrif buyuruvchi sayyohlarning ham sevimli manzili hisoblanadi. Yozning huzurbaxsh kunlarida tarix, madaniyat va sanʼat uygʻunligini koʻrishni xohlovchilar uchun Istanbuldagi eng mashhur muzeylarini birlashtirdik.

“Istanbul Modern” muzeyi

Turkiyaning ilk zamonaviy sanʼat muzeyi “Istanbul Modern” Bosfor boʻgʻozi, Karakoʻy hududida qurilgan yangi binosi bilan shaharning diqqatga sazovor joylaridan biri hisobladi.

Mashhur arxitektor Renzo Piano Galataport “Istanbul Modern” binosini loyihalashtirgan. Uning dizayni Bosfor dengizning mavjlaridan ilhomlangan holda yaratilgan.

“Istanbul Modern” muzeyi xalqaro va mahalliy sanʼatkorlarning turli yoʻnalishlardagi asarlarini namoyish etadi.

Istanbul arxeologiya muzeylari

Topkapi saroyi hududida joylashgan Istanbul arxeologiya muzeylari dunyodagi eng boy eksponatlar majmuiga ega. Majmua uchta asosiy boʻlimdan iborat: “Arxeologiya muzeyi”, “Qadimgi Sharq artefaktlari muzeyi” va “Koshinli saroy muzeyi”.

Unda turli davrlarga tegishli bir milliondan ortiq asarlar mavjud. Majmuaning asosiy binosi boʻlgan Arxeologiya muzeyi dunyodagi sanoqli noyob binolardan biri hisoblanadi. Unda Makedoniyalik Aleksandr portreti, Rim davrining uchta buyuk shaharlari Afroditsias, Efes va Miletda topilgan haykallar ham mavjud. Shuningdek, muzeyda Turkiyada muzeyshunoslikning asoschisi va XIX asrda muzeyning birinchi direktori boʻlgan Usmon Hamdi Bey tomonidan olib borilgan qazishmalar chogʻida topilgan koʻplab asarlar ham oʻrin olgan. Ulardan biri 1887-1888-yillar oraligʻida Sidon Qiroli nekropolida topilgan dunyoga mashhur Aleksandr Sarkofagdir.

Pera muzeyi

Suna va Inan Krach fondi tomonidan asos solingan Pera muzeyi Tepeboshida, Istanbulning yuragi boʻlmish Istiqlol shoh koʻchasi yaqinida joylashgan. Dastlab, meʼmor Axil Manoussos tomonidan Bristol mehmonxonasi sifatida qurilgan bino, hozirda muzeyga aylantirilgan. Pera muzeyining “Sharqona rasmlar” jamlanmasida XVII-XIX asrlargacha Usmonlilar hukmronligidan ilhomlangan suratlar joy olgan boʻlsa, “Onadoʻli vazni va oʻlchovlari” kolleksiyasida Onadoʻlining turli davrlariga oid 10.000 dan ortiq eksponatlar oʻrin olgan.

“Kutahya chinni va kulolchilik jamlanmasi” Turkiyaning Kutahya viloyatidan topilgan yuzlab hunarmandchilik namunalarini oʻz ichiga olgan. Bu yerdagi “Toshbaqa oʻrgatuvchi” nomli beshta ajoyib asar oʻziga xos eksponatlardan biridir.

Maʼlumot oʻrnida, hozir bu yerda Isabel Munozning “Yangi hikoya — Goʻbeklitepa va uning atrofidagi fotosuratlar” nomli koʻrgazmasi boʻlib oʻtmoqda. U 2023-yilning 17-sentyabrigacha davom etadi.

Sakip Sabanji Muzeyi

Sakip Sabanji Muzeyi Bosfor boʻgʻozidagi eng qadimgi aholi punktlaridan biri boʻlgan Emirganda joylashgan. Uning asosiy binosi boʻlgan villa, 1925-yilda italiyalik arxitektor Edoardo De Nari tomonidan qurilgan. “Otliqlar saroyi” nomi bilan tanilgan saroy 2002-yildan beri muzey, shuningdek, sanʼat va madaniyat markazi sifatida faoliyat koʻrsatib kelmoqda. U koʻp qirrali muzey boʻlib, vaqtincha va doimiy koʻrgazmalar, tabiatni muhofaza qilish va tadqiqot boʻlimlari, oʻquv dasturlari, spektakllar, konferensiyalar va seminarlar hamda ajoyib Bosfor manzaralarini taklif etadi.

Bu yerda xattotlik va rang-tasvir asarlarining boy jamlanmasi hamda dunyoga mashhur rassomlarning asarlarini namoyish etuvchi keng koʻlamli koʻrgazmalar mavjud.

Birinchi plastik sanʼat muzeyi

Istanbul rasm va haykaltaroshlik muzeyi Turkiyaning birinchi plastik sanʼat muzeyi boʻlib, XIX asr oxiridan to XX asr oxirigacha boʻlgan turk sanʼati tarixining muhim jihatlarini taqdim etadi. Muzey fondida 10497 ta rangtasvir, 719 ta haykaltaroshlik, 257 ta kulolchilik buyumlari, 182 ta xattotlik asarlari, 10 ta piktogramma mavjud.

Muzey 1937-yil 18-iyulda Dolmabahche saroyidagi valiahdlik idorasida tashkil etilgan va 1937-yil 20-sentyabrda Mustafo Kamol Otaturk tomonidan ochilgan. 2007-yilda Dolmabahche shahzodasi ofisi qayta tiklash uchun yopilgach, jamlanmalar 2011-yilda Tophane mahallasidagi Antrepo 5-binosiga koʻchirildi va Sedad Hakki Eldem tomonidan ishlab chiqilgan bino meʼmor Emre gʻoyasi bilan muzeyga aylantirildi.


Doʻstlaringiz bilan ulashing

09 Oct 12:40
 
18
0
xs.uz

Turkiyada 6 nafar oʻzbekistonlik ayol 18 kg oltin quymalari bilan ushlandi

Maʼlum qilinishicha, joriy yilning 2-oktyabr kuni Izmir shahridagi aeroportdan chiqishda 6 nafar ayol, shuningdek, ularni kutib olishga mashinada kelgan erkak qoʻlga olingan.Avtomobil va ayollarni koʻzdan kechirish chogʻida ularda har biri 110 grammlik 82 dona oltin quymalari, 18 dona oʻyin pristavkalari (Playstation), bundan tashqari, 3 dona smartfon borligi aniqlangan.Sud qarori bilan qoʻshimcha tekshiruv oʻtkazilganida esa ayollar jinsiy aʼzosida 84 dona oltin quymalari yashirilgani a

10 Oct 17:10
 
30
0
xs.uz

AQSH va Fransiya kelishuv yoʻlini qidirmoqda – Livan

Livan Sogʻliqni saqlash vazirligi payshanba kuni Isroilning Eron tomonidan qoʻllab-quvvatlanadigan 'Hizbulloh' guruhiga qarshi yirik hujumini amalga oshirayotgan va janubdagi Livan tinch aholisini uylariga qaytmaslik haqida ogohlantirayotgan bir paytda Isroilning hujumi Livan janubida besh nafar favqulodda xizmat xodimini oʻldirgan.Livan muvaqqat bosh vaziri Najib Mikatining aytishicha, AQSH va Fransiya oʻrtasida oʻt ochishni toʻxtatish kelishuvini tiklash maqsadida aloqalar olib borilmoqd

09 Oct 12:36
 
24
0
postda.uz

KENGURULAR YURTI POLITSIYASI

Kengurular yurti dunyodagi eng xavfsiz davlatlardan biri hisoblanadi. Mamlakatda huquq-tartibotni saqlash uchun politsiya xodimlari, sheriflar, sud ijrochilari va boshqa mutasaddi idoralar xodimlari mas’ul. Avstraliya politsiyasi 1979-yilda bir qator turdosh idoralarning birlashishi natijasida tashkil topgan. Mamlakatda politsiya ikki darajada ishlaydi: federal va shtat politsiyasi. Shunga ko‘ra, birinchisi federal qonunchilikka, ikkinchisi shtatlar va hududlarda tartib hamda qonunchili

09 Oct 12:40
 
17
0
xs.uz

Gʻazodagi inqirozning bir yilligi va Isroil — Livanning oʻzaro toʻqnashuvi

Dushanba kuni ertalab 'Hizbulloh' raketalari Isroilning uchinchi yirik shahri Hayfaga zarba berdi. Bu Gʻazo urushining bir yilligi kuni va Isroil Livan janubiga quruqlikdan bostirib kirishini kengaytirishga tayyorlanayotgan pallaga toʻgʻri keldi.Bundan oldin Gʻazoda Isroilga qarshi kurashayotgan HAMASning ittifoqchisi, Eron tomonidan qoʻllab-quvvatlangan 'Hizbulloh' 'Fadi 1' raketalari bilan Hayfa janubidagi harbiy bazani nishonga olganini va 65 km uzoqlikdagi Tiberiyaga yana hujum uyushtir