Toshkent shahrining ichimlik suv taʻminotiga 218 mln yevrodan ko'p mablag' yo'naltiriladi. Bu haqda Prezidentning "Toshkent shahri ichimlik suv taʻminoti va oqova suv tizimini transformatsiya qilish" loyihasini amalga oshirish chora-tadbirlari to'g'risida"gi qarorida keltirilgan.

Qayd etilishicha, loyiha qiymati 218 mln yevroni tashkil etadi. Shundan 154,5 mln yevro Frantsiya g'aznachiligi va Evropa banklari, 64,3 mln yevro esa O'zbekiston tomonidan moliyalashtiriladi.

Loyihani amalga oshirishda kutilayotgan ko'rsatkichlar quyidagilar:

•  jismoniy shaxs bo'lgan isteʻmolchilarning barcha toifalari uchun ichimlik suv isteʻmolining nazorati va hisobini yuritish bo'yicha masofadan maʻlumot uzatuvchi 673 mingta "aqlli" suv hisoblagich o'rnatish;

•  ichimlik suv taʻminoti tizimida suv yo'qotishlarini 12 foizga kamaytirish;

•  ichimlik suvi taʻminoti va oqova suv taʻminoti bosh rejalarini ishlab chiqish.

Shuningdek, loyihani amalga oshirish doirasida hosil bo'ladigan qo'shimcha qiymat solig'i summasi xo'jalik yurituvchi subʻyektlar mablag'lari hisobidan to'lanadi.

To'langan qo'shimcha qiymat solig'i summasi xo'jalik yurituvchi subʻyektlarga respublika byudjyeti mablag'lari hisobidan qoplab beriladi.

Maʻlumot uchun, 2020 yilda Uy-joy qurilish vazirligi, shahar hokimiyati,"Toshkent shahar suv taʻminti" MChJ va Frantsiyaning "SUEZ International SAS" kompaniyasi o'rtasida "Toshkent shahri ichimlik suv taʻminoti va oqova suv tizimini transformatsiya qilish"loyihasi bo'yicha 7 yil davomida amal qiladigan birgalikda boshqarish to'g'risida shartnoma tuzilgan.