31 Jan 19:11

Manba: daryo

“Ana” tropik bo‘roni Afrika sharqiy sohillarini vayron qildi. O‘nlab odamlar halok bo‘ldi, 100 minglab insonlar o‘z uylarini tark etdi. Malavi, Mozambik va Madagaskardagi tabiiy ofat talafotlari (foto)

Hind okeanining janubi-g‘arbida boshlangan “Ana” tropik bo‘roni 2022-yil 22-yanvarda Afrika sohillariga yetib kelgan. Kuchli shamol va suv toshqinlari Madagaskar, Mozambik va Malavida minglab uylarni vayron qildi, kamida 86 nafar odam halok bo‘ldim 100 minglab kishilar tabiiy ofatdan qochib, xonadonlarini tark etdi va elektr ta’minoti yo‘q yerlarga ketdi. Meteorologiya xizmatlari Hind okeanida yana bo‘ron kuzatilishi haqida ogohlantirgan.

Madagaskardagi Antananarivu shahri, Ankasinu hududi. 2022-yil 28-yanvar.

Foto: AFP

“Ana” sikloni tufayli Madagaskarda kamida 48 nafar odam halok bo‘lgan. Yana 110 mingga yaqin aholi suv toshqinlari sabab o‘z uylarini tark etgan.

Ankasina hududidagi toshqindan talafot ko‘rgan aholi davlat poytaxti Antananarivuga o‘zlari yasagan qayiqlarda suzib bordi. 2022-yil 28-yanvar.

Foto: AFP

Madagaskar poytaxti Antananarivudagi suv toshqinlari. Shahar dengiz sathidan 1240 – 1470 metr balandlikda joylashgan. 2022-yil 23-yanvar.

Foto: Reuters

Antananarivuda suv ostida qolgan hududdagi odamlar. 2022-yil 24-yanvar.

Foto: AFP

“Ana” bo‘roni oqibatida Malavida kamida 20 nafar odam halok bo‘lgan. Hukumat tabiiy ofat tartibini joriy qilgan. Mamlakatning asosiy qismi elektr ta’minotisiz qolgan. Qutqaruvchilar o‘zanidan toshgan daryolar yo‘llarni va ko‘priklarni vayron qilgani uchun ko‘plab qishloqlarga yetib bora olmagan.

Malavidagi Chikuava qishlog‘ida suv toshqinlari oqibatida vayron bo‘lgan uyi derazasidan qarab turgan ayol. 2022-yil 26-yanvar.

Foto: Reuters

Ag‘darilgan avtomobilga chiqib olgan odamlar suv toshqinlaridan qochishga intilmoqda. Malavi, Chikuava. 2022-yil 25-yanvar.

Foto: AP Photo

Suv toshgan yo‘ldagi Chikuava aholisi, 2022-yil 25-yanvar.

Foto: AP Photo

Antananarivudagi Ankorondrano hududidagi ayrim uylarda suv sathi bir metrgacha ko‘tarilgan.

Madagaskar poytaxtidagi yana bir hudud Ankorondranoda boshpanasiz qolgan, Saramasaydagi gimnaziya sport zaliga joylashgan odamlar. Hukumat hisob-kitoblariga ko‘ra Antananarivuda 8400 nafar odam uy-joyini yo‘qotgan, ular 18 ta maxsus binolarga joylashtirilgan. 2022-yil 20-yanvar.

Foto: AFP

Kuchli sel oqibatida uylar tomiga chiqib qolgan avtomobillari. Antananarivudagi Ankadifotsi hududi, 2022-yil 24-yanvar.

Foto: AFP

So‘nggi ma’lumotlarga ko‘ra Mozambikda “Ana” bo‘roni oqibatida kamida 18 nafar kishi halok bo‘lgan, 500 ming aholiga talafot yetgan. Shuningdek, siklon 10 mingga yaqin xonadonni vayron qilgan.

Tet hududidagi vayronalar, 2022-yil 27-yanvar.

Foto: EPA

“Ana” tropik bo‘roni tufayli yuz bergan kuchli yomg‘irlar 28-yanvarda to‘xtagan. Biroq meteorologiya xizmatlari Hind okeanida yana yangi bo‘ron boshlanishi mumkinligidan ogohlantirgan.

Foto: AFP

Doʻstlaringiz bilan ulashing

Jahon yangiliklari

20 Mar 12:55

xs.uz

Istanbul merini hibsga olinishi Turkiyada norozilik namoyishlari boshlanishiga sabab boʻldi

Imomoʻgʻli Turkiya prezidenti Rejep Tayyip Erdogʻanning eng kuchli raqibi va muxolifat Respublika xalq partiyasining mashhur siyosatchisi hisoblanadi. U Turkiya davlati tomonidan terroristik tashkilot sifatida tan olingan Kurdiston ishchi partiyasini qoʻllashda va korrupsiyada ayblanmoqda.Erdogʻan tanqidchilari bu ayblovlarni uydirma, deb baholamoqda. Imomoʻgʻlining hibsga olinishi esa muxolifatga siyosiy zarba sifatida qabul qilingan. Istanbul merining qoʻlga olinishi Turkiyadagi repres

Jahon yangiliklari

16 Apr 09:12

xs.uz

Oʻzbekiston pasporti xalqaro indeksda past natija qayd etdi

Unda Oʻzbekiston 80-oʻrinni band etgan. Davlatimiz fuqarolari 62 davlatga vizasiz kirishlari mumkin, ammo 167 davlatga kirish uchun viza (yoki onlayn viza ) talab qilinadi.Jadvalda Markaziy Osiyo davlatlari orasidan Qozogʻiston 63-oʻrinni, Qirgʻiziston 79, Tojikiston 84, Turkmaniston 92 va Afgʻoniston 199-oʻrinni qayd etgan.Reytingga 199 ta davlat kiritilgan boʻlib, unda Singapur birinchi oʻrinda, ushbu pasport egalari 194 davlatga vizasiz sayohat qilishlari mumkin, Afgʻoniston esa oxi

Jahon yangiliklari

04 Apr 16:20

xs.uz

AQSh elchisi ushbu mamlakatdagi oʻzbekistonliklarni ogohlantirdi

Elchining bildirishicha, soʻnggi bir necha yil ichida koʻplab oʻzbekistonliklar Markaziy Amerika hududidagi xavfli yoʻllar orqali AQShga kirgan. Buning oqibatida Qoʻshma Shtatlarda noqonuniy boʻlib turgan taxminan minglab oʻzbekistonliklar bor.'Ochigʻini aytganda, men bu shaxslarga Oʻzbekistonga oʻz ixtiyorlari bilan qaytishni maslahat berardim, chunki aks holda ular AQShda qamoqqa olinishi yoki deportatsiya qilinishi mumkin', degan Jonatan Henik.

Jahon yangiliklari

20 Mar 12:55

xs.uz