16 Oct 03:10

Manba: daryo

Jahon chempionatida 7 ta medal qo‘lga kiritgan yosh sambochilar, “PSJ”da qolmaydigan Mbappe va Golden Boy’ga da’vogarlarning yakuniy ro‘yxati. Eng so‘nggi sport yangiliklari

Dunyo va o‘zbek sportiga oid 15-oktabr kunining eng muhim xabarlari dayjesti bilan tanishing.

O‘zbekiston

Superliganing 22-turiga start berildi

Foto: “Mash’al”

Tur doirasida “OKMK” o‘z maydonida “Mash’al”ni qabul qildi va 3:2 hisobida g‘alaba qozondi. “Nasaf” Qarshida Umar Eshmurodovning yagona goli evaziga zafar quchdi.

Turning qolgan o‘yinlari 16—17-oktabr kunlari bo‘lib o‘tadi.

Sambochi yoshlar Jahon chempionatida 7 ta medal qo‘lga kiritdi

Gretsiyaning Saloniki shahrida 15-oktabr kuni sambo bo‘yicha yoshlar va o‘smirlar o‘rtasida Jahon chempionatiga start berildi.

Foto: Turizm va sport vazirligi matbuot xizmati

Musobaqaning dastlabki kungi bellashuvlarida jami 7 nafar o‘zbekistonlik sportchi g‘oliblik uchun gilamga chiqdi va yakunda ularning barchasi shohsupaga ko‘tarildi. O‘smirlardan Egambergan Iskandarov (-53 kg) hamda Gulhayo Jo‘rayeva (-50 kg) oltin medalga sazovor bo‘ldi. E’zoza Abdumo‘minova esa (-47 kg) vazn toifasida kumush medal sohibasiga aylandi.

Yana to‘rt nafar sambochi esa bronza medaliga ega chiqdi. Bular:

-64 kg: Behruz Omonov (o‘smirlar),

-54 kg: Shaxzoda Azatova (qizlar),

-98 kg: Murod Erkinov (yoshlar),

+98 kg: Dilrux Asliddinov (yoshlar).

Jahon

Golden Boy—2021 sovriniga da’vogarlarning 20 talik ro‘yxati e’lon qilindi

Tuttosport nashri Yevropaning 21 yoshgacha bo‘lgan eng yaxshi futbolchisiga beriladigan Golden Boy sovrini uchun yakuniy ro‘yxatni e’lon qildi.

Sovringa 20 nafar futbolchi da’vogarlik qilmoqda:

Eduardu Kamavinga (“Real”);

Bukayo Saka (“Arsenal”);

Jud Bellinghem (“Borussiya D”);

Meyson Grinvud (“Man Yunayted”);

Jamal Musiala (“Bavariya”);

Jovanni Reyna (“Borussiya D”);

Gavi (“Barselona”);

Brayan Hil (“Tottenhem ”);

Karim David Adeyemi (“Zalsburg”);

Rayan Gravenberx (“Ayaks”);

Daniel Maldini (“Milan”);

Florian Virs (“Bayer”);

Vilyam Saliba (“Marsel”);

Rodrigo (“Real”);

Roberto Pikkoli (“Atalanta”);

Pedri (“Barselona”);

Nunu Mendesh (“PSJ”);

Yeremi Xesus Pino (“Vilyarreal”);

Yurriyen Timber (“Ayaks”);

Sharl De Ketelare (“Bryugge”).

Saloh ketma-ket ikkinchi oy “Liverpul”ning eng yaxshi o‘yinchisi deb topildi

Foto: “Liverpul”

“Liverpul” hujumchisi Muhammad Saloh ketma-ket ikkinchi marta jamoaning oydagi eng yaxshi o‘yinchisi deb topildi.

29 yoshli misrlik futbolchi klub muxlislari o‘rtasida o‘tkazilgan so‘rovnomada sentabr oyi yakunlariga ko‘ra eng yaxshi futbolchi deb topilgan. Saloh o‘tgan oydagi 5 ta o‘yinda 6 ta gol urgan.

Qayd etish kerak, Muhammad avgustda ham eng yaxshi o‘yinchi deb topilgandi.

Mbappe “PSJ”dan ketadi va “Real”ga o‘tadi

Foto: Getty Images

“PSJ” hujumchisi Kilian Mbapppe Parij klubi unga har qancha yuqori maosh taklif qilmasin, shartnomasini uzaytirmaydi. Bu haqda As xabar bermoqda.

Ta’kidlanishicha, Mbappe allaqachon “Real”ga o‘tish borasida qaror qabul qilib bo‘lgan va qancha pul taklif qilinishidan qat’i nazar qarorini o‘zgartirmaydi.

Avvalroq parijliklar Kilianga yiliga 50 million yevro maoshga ega yangi shartnoma taklif qilmoqchi ekani haqidagi xabarlar tarqalgandi. Ushbu holatda u dunyoning eng yuqori maosh oluvchi o‘yinchisiga aylanardi.

“PSJ” Holandni Mbappega o‘rinbosar sifatida ko‘rmoqda

Foto: Twitter

“PSJ” agar Kilian Mbappe jamoani tark etsa, uning o‘rniga “Borussiya D” hujumchisi Erling Holandni jamoaga olib kelmoqchi, deb yozmoqda Foot Mercato.

Parijliklar futbolchining agenti Mino Rayola bilan muzokaralarni boshlab yuborgan. Klub Holandga “2+1” ko‘rinishidagi shartnoma va bonuslardan tashqari yiliga 38—42 million yevro maosh taklif qilishni rejalashtirgan.

Shuningdek, 21 yoshli futbolchiga “Manchester Siti” va “Bavariya” klublari ham jiddiy qiziqish bildirmoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Doʻstlaringiz bilan ulashing

Sport

20 Mar 12:50

postda.uz

TAJRIBA VA MAHORAT USTUNLIGI

Yaqinda sportning mini futbol turi bo‘yicha “IIV Malaka oshirish instituti boshlig‘i kubogi” uchun musobaqa tashkil etildi. Unda Toshkent davlat texnika universiteti talabalari, Olmaliq shahridagi bir qator ta'lim muassasalari yoshlari hamda mazkur institut tinglovchilaridan iborat jamoalar ishtirok etishdi. Qiziqarli bahslarga boy tarzda o‘tgan bellashuvlarning yakuniy natijalariga ko‘ra, tajriba va mahorat bobida raqiblaridan ustun kelgan IIV Malaka oshirish institutining

Sport

22 Mar 08:55

xs.uz

Samarqandda “Womenʼs Chess Championship” uchinchi xalqaro turniri yakunlandi

Abdulaziz YOʻLDOSHEV/'Xalq soʻzi'. Mukofot jamgʻarmasi 50 ming dollar boʻlgan turnirda 14 davlatdan 150 nafarga yaqin shaxmatchi xotin-qizlar bosh sovrin uchun kurashdi. Unda FIDE reytingida 1800 dan yuqori boʻlganlar 'A' guruhida, reytingi 2000 va undan past darajadagilar 'B' guruhida dona surdi.Musobaqada polshalik Alisya Slivichka 7,5 ochko toʻplab 1-oʻrinni qoʻlga kiritdi. Sovrinli oʻrinlar 7 ochkoli Anna Shuxman, 6,5 ochkoli Polina Shuvalovaga nasib etdi.Hamyurtimiz Umida Omonova 5

Sport

22 Mar 08:55

xs.uz

O‘zbekiston terma jamoasi veloshosse bo‘yicha “Tailand tur”da qatnashadi

Boisi, 24-mart sanasidan boshlab, bu yurt veloshosse bo'yicha 'Tour of Thailand' ko'p kunlik poygasi start oladi.Besh kun davom etadigan mu terma jamoamiz a'zolari ham ishtirok etadi.Tarkibimiz quyidagicha:Alimardon JamoliddinovDiyor ToxirovDmitriy BocharovFarrux BobosherovVladislav TromanNikita Svetkov.

Sport

22 Mar 08:55

xs.uz

“Shov-shuvli transfer”: Erling Holand “Manchester Siti”dan ispan grandiga oʻtmoqchi

Norvegiyalik hujumchi Erling Holand agar 'Manchester Siti' joriy mavsumda UYEFA Chempionlar Ligasi yoʻllanmasini qoʻlga kirita olmasa, klubni tark etishga tayyor. 'Caughtoffside' nashrining xabariga koʻra, ayni damda 'Siti' Angliya Premer Ligasi (APL) jadvalida beshinchi oʻrinda bormoqda. Agar klub mavsum yakunida kuchli toʻrtlikka kira olmasa, Holand boshqa jamoaga oʻtishi mumkin.Manbaning maʼlum qilishicha, 'Manchester Siti' bosh murabbiyi Pep Gvardiola hujumchining jamoadan ketishiga q