Saida Mirziyoyeva dam olish kunini qanday o'tkazayotgani haqida gapirdi (foto)

Mass-media fondi Vasiylik kengashi raisi o'rinbosari, O'zbekiston Respublikasi Gender tengligini taʻminlash bo'yicha komissiyasi aʻzosi, Prezident Shavkat Mirziyoyevning to'ng'ich qizi Saida Mirziyoyeva dam olish kuni nimalar bilan shug'ullangani haqida gapirdi.

"Yakshanba. Anʻanaga ko'ra bu kuni sevimli taomlarimizni tayyorlaymiz. Ulardan biri — kulchatoy. Oyijonim ertalabdan xamir qoradilar. Dadajonim boshchiligida butun oilamiz  dasturxon atrofiga to'planib,  oyijonim tayyorlagan xamirni taxtakachda kesamiz. Oyijonim esa endigina pishgan masalliqlar - no'xotni uzatib turadilar.

Tayyorlanish usuliga ko'ra kulchatoy kesma lag'monni eslatadi.

Kichkintoyim bizning  eng katta yordamchimiz, milklari bilan suyak chaynashga urinadi. Taom tezroq pishishini hammadan ko'proq shu kutsa kerak 

Dam olish kuningiz xayrli o'tsin, aziz do'stlar!",–deydi Saida Mirziyoyeva.