Bu ish bermadi! AQSh demokratiyani deb, dunyodagi rejimlarni ag'darmaydigan bo'ldi

Siyosat
Havola olish
8 0 0

AQSh Davlat kotibining taʻkidiga ko'ra, Vashingtonning demokratiyani kuch bilan tiqishtirish bo'yicha harakatlari hyech qanday kutilgan natijani bermadi

TOShKENT, 4 mar — Sputnik. AQSh maʻmuriyati rejimlarni ag'darish va harbiy interventsiyalarni amalga oshirish orqali boshqa davlatlarga demokratiyani kuch bilan tiqishtirish amaliyotidan voz kechadi. AQSh davlat kotibi Entoni Blinken yaqinda brifing davomida xuddi shunday murojaat bilan chiqish qildi.

Davlat departamenti rahbarining so'zlariga ko'ra, qimmatbaho harbiy interventsiyalar yoki avtoritar rejimlarni ag'darishga urinish orqali demokratiyani ilgari surish istalgan natijalarni olib kelmadi.

"Biz qimmatbaho interventsiyalar yoki avtoritar rejimlarni kuch bilan ag'darishga urinishlar orqali demokratiyani ilgari surishdan voz kechamiz. Biz bu taktikani o'tmishda qo'llashga urindik. Ammo istaklarimiz ezgu bo'lishiga qaramay, bu ish bermadi", - dedi Blinken.

Davlat kotibi bayonotiga ko'ra, endilikda Vashington "bu ishni boshqacha amalga oshiradi".

"Biz demokratiyani boshqa mamlakatlarga shaxsiy namuna ko'rsatgan holda ilgari suramiz, sheriklarimizni demokratik o'zgarishlar uchun rag'batlantirib boramiz", - dedi u.

Financial Times nashrining yozishicha, prezident Jo Bayden administratsiyasi oldingi prezident Donald Trampning "yakkalashuv va millatchilik siyosatidan farq qiladigan yangi tashqi siyosatni" barpo etishga urinmoqda.

Bayden davridagi AQSh mamlakat boshqa davlatlar ishiga aralashib, o'zini "global politsiyachi" sifatida tutyapti, degan ayblovlardan yiroq bo'lishga va dunyodagi yetakchi pozitsiyalarni saqlab qolishga harakat qiladi.

Asosiy mavzular