Prezidentlar ham xuddi oddiy insonlar kabi yoqtirgan kinoyulduzi bilan tanishish, suratga olish jarayonlarini kuzatish, dastxat olish, suratga tushish va choy ustida suhbat qurishni yoqtirsa kerak.

Bir necha yillar avval Rossiyaning amaldagi prezidenti − Dmitriy Medvedov Bollivudning eng yirik kino sanoati Yash Raj Films’ga ham tashrif buyurgan hamda uning asoschisi Yash Chopra bilan uchrashgan edi.

2011-yilda rejissor Anubxav Singx suratga olgan film “Tasodifiy kirish”, ya’ni “Ra.One” deb nomlangan.

Matbuot anjumanining rasmiy bayonotida Dmitriy Medvedov 1972- yoki 1973-yilda tomosha qilgan birinchi hind filmi “Janob 420” ekanligi, keyin ularning soni ko‘pligidan hammasini ham eslay olmasligini, shuningdek, ular qalbdan chuqur o‘rin egallaganini ma’lum qilgan.

Medvedov Bollivud qiroli – Shohrux Xon bilan va Raj Kapurning nabirasi Karina Kapur bilan ham suhbatlashgan.

Birgalikda o‘tgan 20 daqiqa vaqt mobaynida qahva ichish bilan birga, Karina va Shohrux Xon bir nechta raqslarni namoyish etgan. Xavfsizlik sababli filmni to‘liq suratga olish jarayoni ko‘rsatilmagan.

“Ra.One” “Robot” filmining hindcha variant bo‘lib, Rossiyada ushbu film internet orqali keng tarqalgan edi. Kartinaning Bollivud versiyasida esa bir qancha cheklovlar mavjud.

Filmda dunyo go‘zali – nafaqat Bollivud, balki Gollivud aktrisasi hisoblangan Priyanka Chopra ham ishtirok etgan.

“Tasodifiy kirish” kartinasi Rossiyada namoyish etilgan bo‘lsa-da, kutilgan natijaga erishmagan. Ammo Shohrux Xon hanuzgacha eng ko‘p muxlisga ega aktyor sifatida e’tirof etiladi.