Oʻzbekistonda xorijdan eng koʻp pul oʻtkazmalari qaysi viloyatlarga  yuborilayotgani maʼlum boʻldi

Davlat statistika qoʻmitasi Oʻzbekiston aholisining 2020-yil yanvar—dekabr oylari boʻyicha umumiy daromadlari toʻgʻrisidagi maʼlumotlarni eʼlon qildi. 

Maʼlumotlar ichida Oʻzbekistonga xorijdan yuborilgan pul oʻtkazmalari boʻyicha raqamlar ham keltirilgan.

2020-yilda aholining umumiy daromadlari tarkibida respublika tashqarisidan kelib tushgan pul oʻtkazmalarining eng yuqori ulushi Samarqand 23,1 foiz va Xorazm 22,7 foiz viloyatlarida kuzatilgan. Surxondaryo 20,1 foiz, Andijon 20 foiz, Namangan 16,9 foiz, Qashqadaryoda 16,7 foiz, Fargʻonada 16,3 foiz, Buxoroda 15,8 foiz, Qoraqalpogʻiston Respublikasida esa 18,6 foizga teng.

Pul oʻtkazmalarining eng kam ulushi Navoiy 4,4 foiz, Toshkent 5,7 foiz va Jizzax 7,2 foiz viloyatlarida qayd etilgan.