«Shu haftaning o'zida kadrlar masalasida katta o'zgarishlar bo'ladi» — Prezident

O'zbekiston Prezidenti Shavkat Mirziyoyev 27 yanvar kuni selektor yig'ilishi o'tkazgani haqida xabar berilgandi. Davlat rahbari hokimlar paxta bilan shug'ullanmasligi kerakligini yana bir bor taʻkidlab o'tdi.

— Paxta hosildorligi 55 tsentnerga chiqmasa, bunday klaster bizga kerak emas. Hokimlar paxta bilan shug'ullanmaydi, barcha masʻuliyat klasterlar zimmasiga yuklanadi.

Shu haftaning o'zida kadrlar masalasida katta o'zgarishlar bo'ladi. Bir nechta «kattakonlar» ishdan olinadi. Ularning sadoqati bor, ammo qo'lidan ish kelmayapti, aravani torta olmayapti.

25 tsentner paxtangiz menga kerak emas. Xalq uchun ishlash kerak. Yoshlar bilan ishlash bo'yicha katta tashabbuslarni amalga oshirish shart.

Agar bitta bo'lsin korxonani barqaror ishlashga o'tkaza olsak, xalqqa qilgan eng katta xizmatimiz shu bo'ladi, — dedi Prezident.