10 ta hududda 248 kishida koronavirus aniqlandi – SSV

Bugun, 11 sentyabr soat 10:00 holatiga ko'ra, O'zbekistonda koronavirus infektsiyasi qayd etilganlar soni 248 nafarga oshib, 45 927 nafarni tashkil etmoqda.

Yangi kasallanish holatlarining:

147 nafari Toshkent shahrida;

47 nafari Samarqand viloyatida;

14 nafari Andijon viloyatida;

12 nafari Namangan viloyatida;

6 nafardan Qoraqalpog'iston Respublikasi va Qashqadaryo viloyatida;

5 nafardan Farg'ona va Xorazm viloyatlarida;

4 nafari Toshkent viloyatida;

2 nafari Navoiy viloyatida aniqlangan.

Shu bilan birga, qashqadaryolik 54 yoshli A.J. (erkak) hamda poytaxtlik 37 yoshli Sh.G. (ayol), jami 2 nafar koronavirusga chalingan bemor vafot etdi.

Ayni paytda O'zbekistonda 42 555 nafar koronavirus infektsiyasiga chalingan fuqarolar (93 foiz) sog'aygan.

Hozirda mamlakatda 2 997 nafar bemorga shifokorlar tomonidan belgilangan standartlar bo'yicha davo choralari ko'rilmoqda. Ulardan 439 nafari og'ir, 219 nafari esa o'ta og'ir ahvolda.