Koronavirus O'zbekistonda: 6 sentyabr tafsilotlari

6 sentyabr soat 23:30 holatiga ko'ra, O'zbekistonda koronavirus infektsiyasi qayd etilganlar soni yana 76 nafarga ortib, 43 663 kishini tashkil etdi. Shu kuni mamlakatning jami 7 ta hududida 293 holatda kasallik qayd etildi.

Yangi kasallanish holatlari: 

•    70 nafari Toshkent viloyatida hamda

•    6 nafari Toshkent shahrida tana harorati ko'tarilganligi bois profilaktika maqsadida hamda koronavirusga chalingan bemorlar bilan muloqotda bo'lganligi sababli namuna olingan fuqarolar orasida aniqlangan.

Shu bilan birga, 1 nafar koronavirusga chalingan bemor, Yunusobod tumanida yashagan 68 yoshli A.R. (erkak) vafot etdi. 6 sentyabr kuni umumiy hisobda 5 ta o'lim holati qayd etildi. 

Bugun Toshkent shahrida 279 nafar, Toshkent viloyatida 91 nafar, Qashqadaryo viloyatida 10 nafar, Samarqand viloyatida 8 nafar, Surxondaryo viloyatida 7 nafar hamda Namangan viloyatida 2 nafar bemor tuzaldi. 

Shunday qilib, mamlakatda 41 277 (+397) nafar koronavirus infektsiyasiga chalingan fuqarolar (94 foiz) sog'aygan. 

Ayni paytda tibbiyot muassasalarida davolanayotgan 2 038 nafar bemordan 375 nafari og'ir, 219 nafari esa o'ta og'ir ahvolda.

Hozirda mamlakatda 2 038 nafar bemorga shifokorlar tomonidan belgilangan standartlar bo'yicha davo choralari ko'rilmoqda.