3 kun davomida Toshkent metropolitenidan foydalanish bepul bo'ladi

«Toshkent metropoliteni» UK bayram kunlari yo'lovchilar uchun tuhfa hozirlaganini maʻlum qildi.

Transport vazirligi axborot xizmati xabariga ko'ra, bayram kunlari, yaʻni 31 avgust hamda 1,2 sentyabr kunlari yurtdoshlarimiz metrodan bepul foydalanishlari mumkin.

«Bu ulug' kunlar nashidasi hamisha yurtimiz va har bir xonadonda hukmron bo'lsin. Vatan istiqlol va u bergan imkoniyatlar hyech ham bizni tark etmasin. Mustaqillik bayrami muborak bo'lsin» - deyiladi vazirlik tabriknomasida.