Ruslar gripp va koronavirusga qarshi gibrid vaktsina yaratishmoqchi

^{Foto: «Centralasia.news»}
Rossiyalik olimlar bir paytning o'zida gripp va koronavirusdan himoyalovchi vaktsina yaratish ustida izlanishmoqda. «RIA Novosti» bu haqda Almazov nomidagi Milliy tibbiyot tadqiqotlari markazi bosh direktori Evgeniy Shlyaxtoga asoslanib xabar berdi.

Shlyaxtoga ko'ra, loyiha ustida bir nechta guruh ish olib boryapti.
«Bu jamlanma vaktsina bo'ladi. U ham gripp, ham koronavirusdan himoyalovchi komponentlarni o'z ichiga oladi», — dedi Shlyaxto.

Dori hozircha boshlang'ich bosqichda, hali hayvonlarda sinalishi, bir qator klinik sinovlardan o'tishi shart. Biroq muayyan ijobiy natijalar hozirdan ko'zga tashlanmoqda, deyiladi xabarda.