calendar 05 Aug 07:11
eye 24
comments 0
comments Manba: daryo

Fotojamlanma: Jahon yulduzlari hamda ularga tegishli xususiy orollar

image

Mashhurlarning haqiqatan boy ekanliklari ularning 100 ming dollarlik soat, Bentley yoki tennis kortini sotib olishida deb o‘ylaysizmi? Ulardan ayrimlarining puli shunchalik ko‘pki, hatto xususiy orol sotib olishga ham yetadi.

Hech qachon tugamaydigan ta’til, faqatgina sizga tegishli bo‘lgan tropik orolni bir tasavvur qilib ko‘ring-a? Ko‘plab taniqli shaxslar bu orzuni allaqachon ro‘yobga chiqarishga ulgurgan.

Nikolas Keyj

Foto: Getty Images

Nikolas Keyj – isrofgarchiligi bilan tanilgan aktyor. U sakkizoyoq, timsohlardan tortib, dinozavrlarning bosh suyagigacha sotib oladi. 2006-yilda aktyor Bagam orollari arxipelagidagi Leaf Key nomli orolni 3 million dollarga sotib oldi. Ehtimol, aynan shu yerda u o‘zining hayratomuz kolleksiyasidan bahra olayotgandir.

Foto: Getty Images

Eddi Merfi

Foto: Getty Images

2007-yilda dunyoning eng ko‘p haq to‘lanadigan aktyorlaridan biri deya tan olingan Eddi Merfi Bagamadagi Rooster Key orolini 15 million dollarga sotib olgan. Hozirda Merfining boyligi 85 million dollarga baholanmoqda.

Foto: Getty Images

Feyt Hill va Tim MakGrou

Foto: Getty Images

Musiqachilar Feyt Hill va Tim MakGrou nafaqat oilaviy hayotda, balki san’atda ham baxtga erishdi. Er-xotinning umumiy kapitali 165 million dollarga baholangan, shuning uchun ular 2006-yilda Bagam orollarida o‘z shaxsiy oroliga ega bo‘lishda qiyinchilikka uchramagan.

Foto: Getty Images

Riki Martin

Foto: Getty Images

Livin’La Vida Loca qo‘shig‘i bilan butun dunyoga tanilgan Riki 2008-yilda Braziliyaning Angra-dus-Reys kurorti yaqinidagi orolning egasi bo‘lgan. Orol 8 million dollarga sotilgan.

Foto: Getty Images

Mel Gibson

Foto: Getty Images

Mel Gibson Fiji arxipelagidagi Mango orolini Tokio korporatsiyasidan 9 million dollarga sotib olgan. Gibson kurortni rivojlantirish niyatida emas, aksincha orolning bor go‘zalligini saqlab qolmoqchi xolos.

Foto: Getty Images

Selin Dion 

Foto: Getty Images

Selin Dion tropik orolni o‘z mamlakatida topdi. Kvebekdagi Il Ganon orolini sotib olib, unda ajoyib qasr qurdi. Ammo bir muncha vaqt o‘tgach, uni 29,7 million dollarga sotdi.

Foto: Getty Images

Shakira

Foto: Getty Images

Eng muvaffaqiyatli bu qo‘shiqchi allaqachon 220 million dollar egasi bo‘lishga ulgurgan. Uning albomlari dunyo bo‘ylab mashhur. Shakira Bonds Key orolini 6 million dollarga sotib olgan. U negadir kurortni rivojlantirish rejasini hozirga qadar amalga oshirmadi.

Foto: Getty Images

Stiven Spilberg 

Foto: Getty Images

Stiven Spilberg muvaffaqiyatli kinorejissorlardan biri. “Musofir”, “Yo‘qolgan kema reydlari”, “Qo‘lingdan kelsa, meni tut” kabi filmlarni suratga olgan. Spilberg o‘zi va oilasi dam olishi uchun Portugaliyaning Madeyra arxipelagidagi orolni sotib olgan.

Foto: Getty Images

Leonardo Di Kaprio

Foto: Getty Images

“Titanik”, “Qonli olmos”, “Omon qolgan” kabi filmlar yulduzi Leonardo Blekadaro Key oroliga 2,4 million dollar to‘lagan. Kapitali 245 million dollarga teng bo‘lgan kishi uchun bu shunchaki xarajatdir. Aktyor orolda ekologik toza dam olish maskani qurishni rejalashtirmoqda.

Foto: Getty Images

Jay-Z va Beyons 

Foto: Getty Images

Jay-Z va Beyons ko‘pincha bir-birlariga ajoyib sovg‘alar ulashadi. Turmush o‘rtog‘iga Otalar kunida 40 million dollarga samolyot va Bagam orollaridan 3 million dollarlik orol sotib olgan.

Foto: Getty Images

Kim Kardashyan va Nort Uest 

Foto: Getty Images

Kim Kardashyan va Nort Uest – shou-biznesdagi eng ko‘p muhokama qilinadigan shaxslardan biri. 2014-yilda qizi uchun Avstraliyadagi Toshbaqa orolini sotib olgan.

Foto: Getty Images

Jonni Depp

Foto: Getty Images

Jonni Depp Gollivuddagi eng taniqli va ko‘p daromad topadigan aktyorlardan biri. U 400 million dollar evaziga ikkita orol sotib olishga qaror qildi. 2004-yilda 3,6 million dollarga Bagam orollaridagi Little Halls Pond Key egasi bo‘lgan. Oroldagi 6 ta plyajga do‘stlari va farzandlari nomi berilgan. 2015-yilda Depp Egey dengizidagi qarovsiz orolni 4,2 million yevroga sotib olgan.

Foto: Getty Images


Doʻstlaringiz bilan ulashing

03 Feb 15:16
 
43
0
qalampir.uz

Buyuk Britaniya Kaddafiyning rafiqasiga qo‘yilgan taqiqni olib tashladi

Buyuk Britaniya Liviya sobiq rahbari Muammar Kaddafiyning bevasi Safiya Farkashga nisbatan sanksiyalarni yengillashtirdi va uning mamlakatga kirishiga qo‘yilgan taqiqni olib tashladi. Buni Britaniya hukumati saytidagi yangilangan sanksiyalar ro‘yxati tasdiqlaydi. London tomonidan BMT Xavfsizlik Kengashining 2011 yildagi 1970-sonli rezolyutsiyasiga muvofiq, Liviya xalqiga qarshi zo‘ravonliklarda qatnashgani uchun o‘n besh liviyalik mansabdor orasida Kaddafiy va uning yaqinlariga nisbat

02 Feb 13:11
 
45
0
qalampir.uz

Ukraina Moskvadan Il-76 da halok bo‘lgan askarlarining jasadini so‘radi

Ukraina rasmiylari Belgorod viloyatida Il-76 halokati oqibatida halok bo‘lgan harbiy asirlarning jasadini qaytarish bo‘yicha Rossiyaga murojaat qilgan, biroq Rossiya tomoni bunga munosabat bildirmagan. Bu haqda Ukraina Mudofaa vazirligi razvedka boshqarmasi vakili Andrey Yusov ma’lum qildi.  “O‘lim haqidagi ma’lumotlarga kelsak, Ukraina jasadlarni topshirish uchun ariza berdi va ariza berishda davom etmoqda. Hozircha Rossiya tomoni bunga rozi emas. Shu bois davlatimizni

02 Feb 13:11
 
80
0
qalampir.uz

BMTning Falastinliklarga yordam agentligi G‘azodagi faoliyatini to‘xtatishi mumkin

Birlashgan Millatlar Tashkilotining Falastinlik qochqinlarga yordam ko‘rsatish agentligi (UNRWA) agar tashkilotning moliyaviy yordami pasayishda davom etsa, G‘azo sektori hamda ocharchilik va gumanitar inqiroz avj olgan mintaqadagi barcha faoliyatini to‘xtatishga majbur bo‘lishidan ogohlantirdi. Bu haqda UNRWA rasmiy bayonot berdi. U G‘azo sektorida gumanitar inqiroz chuqurlashgan bir paytda tashkilotga moliyaviy yordamning kamayishi falastinliklarga yordamni xavf ostiga qo‘yganin

07 Feb 05:01
 
38
0
xs.uz

Tugʻma karlikni davolash boʻyicha olamshumul natijaga erishildi

Mazkur noyob muolaja usuli mualliflari ' AQSHning Garvard tibbiyot maktabi va Xitoyning Fudan universiteti olimlari. 'Sinxua' agentligi xabariga koʻra, ushbu inqilobiy natijaga shanxaylik tadqiqotchilar tomonidan yaratilgan RRG-003 gen preparati tufayli erishilgan.Klinik sinovlar maktabgacha taʼlim yoshidagi 6 nafar tugʻma karlik nuqsoni bor bolada oʻtkazildi. Buning uchun yangi preparat quloqqa inyeksiya orqali yuborildi. Maʼlum muddat oʻtgach, olti bemordan besh nafarida eshitish hamda n