Hanjou-2022: Dzyudoda yana uchta medal

Foto: «Xalq so‘zi»

Dzyudo bo‘yicha O‘zbekiston terma jamoasi bugun oltin medaldan tashqari yana uchta medalga ega chiqdi.

Shuningdek, -90 kg vazn toifasida Davlat Bobonov finalda qirgʻizistonlik Yerlan Sherovga imkoniyatni boy berib kumush medal bilan cheklangan boʻlsa, eng ogʻir vazn toifasida ishtirok etayotgan Alisher Yusupov bronza medali uchun kechgan bellashuvda yaponiyalik Xyoga Ota ustidan gʻalaba qozonib, delegatsiyamizga navbatdagi medalni taqdim qildi.

Qizlar oʻrtasida esa Irisxon Qurbonboyeva -78 kg vazn toifasining bronza medaliga sazovor boʻldi. Hamyurtimiz uchinchi oʻrin uchun bahsda moʻgʻulistonlik Xuslen Otgonbayarni magʻlub etdi.