Toshkentda daraxtlarni koʻchirish borasida jamoatchilik eshituvi oʻtkaziladi

26-sentabr kuni Ekologiya, atrof-muhitni muhofaza qilish va iqlim oʻzgarishi vazirligi tomonidan jamoatchilik eshituvi oʻtkaziladi.

Unda Toshkent shahri, Yakkasaroy tumani hududidagi Bobur koʻchasini Islom Karimov nomidagi Toshkent xalqaro aeroporti bilan bogʻlaydigan hamda “S.Tolipov” koʻchasiga chiqish va tushuvchi yoʻl oʻtkazgichlar qurilishi loyihasi doirasida daraxtlarni koʻchirish masalasi jamoatchilik bilan muhokama qilinadi.

Tadbir Toshkent shahri, Yakkasaroy tumani kichik halqa yoʻlida joylashgan “Shox Med Center” klinikasi yaqinida soat 16:00 da boshlanadi.