Osiyo o’yinlarida yana ikkita oltin va bitta kumush medal qo’lga kiritildi. Fotoreportaj

Foto: Xasan Paydoyev / «Xalq so‘zi»

Osiyo o’yinlarining bugungi kuni O’zbekiston terma jamoasi uchun muvaffaqiyatli boshlandi. Akademik eshkak eshish bo’yicha ayollar o’rtasida kechgan yakkalik dasturida hamyurtimiz Anna Prakaten delegatsiyamizga ikkinchi oltin medalni taqdim qildi. Kumush va bronza medallari esa Xitoy hamda Yaponiya vakillariga nasib etdi.

Erkaklar oʻrtasida M4- dasturida ishtirok etgan Shehroz Hakimov, Davrjon Davronov, Dilshodjon Xudoyberdiyev va Alisher Turdiyev kvarteti marra chizigʻini birinchi boʻlib kesib oʻtishdi va uchinchi oltin medalni qo'lga kiritishdi.

M4x dasturida startga chiqqan Shahzod Nurmatov, Shahboz Xolmirzayev, Mehrojbek Mamatqulov va Sobirjon Safaraliyev kumush medalni qoʻlga kiritdi. Mazkur startda oltin medal Xitoy, bronza medali Hindiston jamoalariga nasib etdi.