Tezkor tadbirda 160 mln. soʻmlik tamaki mahsulotlarining noqonuniy aylanmasiga chek qoʻyildi

Toshkent viloyati bojxona boshqarmasi Kontrabandaga qarshi kurashish tezkor tuzilmalari, DXX hamda IIV YPX xodimlari bilan hamkorlikda tezkor tadbir oʻtkazildi.

Tadbir davomida, Toshkent viloyati hududida YPX xodimlari yordamida, Oʻzbekiston Respublikasi fuqarosi boshqaruvidagi “Lasetti” rusumli avtotransport vositasi toʻxtatilib, xolislar ishtirokida koʻzdan kechirilganida, avtoulov salon va yukxonasida xorijda ishlab chiqarilgan, hech qanday hujjatlari boʻlmagan Oʻzbekiston Respublikasi aksiz markalari bilan markalanmagan hamda raqamli markirovka kodlari boʻlmagan umumiy qiymati 160 mln. soʻmlik jami 12 500 quti tamaki mahsulotlari borligi aniqlandi.

Hozirda, holat yuzasidan surishtiruv ishlari olib borilmoqda.