Tabiatni muhofaza qilishda Ichki ishlar va Milliy gvardiya organlariga zarur vakolatlar berilmoqda


Foto: “Xalq so‘zi”
Senatning qirq birinchi yalpi majlisida “Ekologiya va jamoat tartibini saqlash sohalaridagi qonunchilik takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonun ko‘rib chiqildi.
Senatorlar tomonidan muhokama qilingan ushbu Qonun bilan ekologiya va atrof-muhitni muhofaza qilish sohasida huquqbuzarliklar sodir etgan aybdor shaxslarni maʼmuriy javobgarlikka tortish uchun ichki ishlar va Milliy gvardiya organlariga zarur vakolatlar berilishini nazarda tutuvchi o‘zgartish va qo‘shimchalar kiritilmoqda.
Ichki ishlar va Milliy gvardiya organlariga Maʼmuriy javobgarlik to‘g‘risidagi Kodeksda belgilangan ekologiya va atrof-muhitni muhofaza qilish sohasidagi 7 ta moddada nazarda tutilgan maʼmuriy huquqbuzarliklar to‘g‘risidagi ishlar tegishliligi belgilanmoqda.
Ushbu ishlarni ko‘rib chiqishga hamda jarima tariqasidagi maʼmuriy jazo qo‘llashga haqli bo‘lgan mansabdor shaxslar, shuningdek, Ichki ishlar va Milliy gvardiya organlari nomidan maʼmuriy huquqbuzarlik to‘g‘risidagi bayonnomani tuzishga haqli bo‘lgan ushbu organlar tuzilmalarining mansabdor shaxslari belgilanmoqda.
Shu bilan birga ichki ishlar va milliy gvardiya organlari mansabdor shaxslariga ekologiya va atrof-muhitni muhofaza qilish sohasidagi baʼzi huquqbuzarliklarni sodir etgan shaxslarni maʼmuriy yo‘l bilan ushlab turish vakolati berilmoqda.
Bu borada Senat Raisi quyidagilarga to‘xtaldi.
Xususan, ekologiya, atrof muhitga yetkazilgan zarar uchun javobgarlik kuchaytirildi. Biroq javobgarlikni so‘zsiz taʼminlash uchun aniq mexanizmlarni ham belgilab berish zarur.
Zero, aybdor shaxslarga nisbatan o‘z vaqtida javobgarlik choralarini qatʼiy qo‘llanilmasligi ularda qonun talablariga bepisandlikni va qonunchilikda belgilangan “javobgarlikning muqarrarligi” prinsipi buzilishini ham keltirib chiqaradi.
Qonun bilan aynan shu muammolar hal etilmoqda.
Shu bilan birga, Qonunni kuchga kirishi Ichki ishlar va Milliy gvardiya xodimlaridan ham alohida masʼuliyatni talab etadi. Zero, bu sohada maʼmuriy huquqbuzarliklarni barvaqt aniqlash va mutanosib javobgarlikni belgilash - yangi yo‘nalish. Bunda ham sohaga oid bilimlarni oshirish, ham bu turdagi huquqbuzar shaxslar bilan ishlash ko‘nikmasini rivojlantirish kerak bo‘ladi.
Senatorlar mazkur o‘zgartish va qo‘shimchalar atrof-muhitni muhofaza qilish sohasidagi qonunchilikning so‘zsiz ijro etilishini, shuningdek, ushbu sohadagi huquqbuzarliklarning profilaktikasini samarali tashkil etishda muhim ahamiyat kasb etishini taʼkidladilar.
Ushbu Qonun davlat organlari bilan munosabatlarda fuqarolar va tadbirkorlik subyektlarining ekologik huquqlarining samarali himoya etilishini taʼminlashda, atrof-muhitni muhofaza qilish va undan foydalanish faoliyati ustidan samarali nazoratni o‘rnatishda alohida eʼtiborga molik hisoblanadi.
Shuningdek, Qonunning qabul qilinishi tabiiy resurslarni, yaʼni suv obyektlariga oqova suvlarni oqizish, yer usti suvlarini, atmosfera havosini hamda atrof-muhitni chiqindilar bilan ifloslantirish holatlarini keltirib chiqaruvchi obyekt yoki subyektlarga nisbatan tezkor choralar ko‘rilishini taʼminlashga xizmat qilishi qayd etildi.
Muhokama yakunida Qonun senatorlar tomonidan maʼqullandi.
Oʻzbekiston pasporti xalqaro indeksda past natija qayd etdi
Unda Oʻzbekiston 80-oʻrinni band etgan. Davlatimiz fuqarolari 62 davlatga vizasiz kirishlari mumkin, ammo 167 davlatga kirish uchun viza (yoki onlayn viza ) talab qilinadi.Jadvalda Markaziy Osiyo davlatlari orasidan Qozogʻiston 63-oʻrinni, Qirgʻiziston 79, Tojikiston 84, Turkmaniston 92 va Afgʻoniston 199-oʻrinni qayd etgan.Reytingga 199 ta davlat kiritilgan boʻlib, unda Singapur birinchi oʻrinda, ushbu pasport egalari 194 davlatga vizasiz sayohat qilishlari mumkin, Afgʻoniston esa oxi
AQSh elchisi ushbu mamlakatdagi oʻzbekistonliklarni ogohlantirdi
Elchining bildirishicha, soʻnggi bir necha yil ichida koʻplab oʻzbekistonliklar Markaziy Amerika hududidagi xavfli yoʻllar orqali AQShga kirgan. Buning oqibatida Qoʻshma Shtatlarda noqonuniy boʻlib turgan taxminan minglab oʻzbekistonliklar bor.'Ochigʻini aytganda, men bu shaxslarga Oʻzbekistonga oʻz ixtiyorlari bilan qaytishni maslahat berardim, chunki aks holda ular AQShda qamoqqa olinishi yoki deportatsiya qilinishi mumkin', degan Jonatan Henik.
Istanbul merini hibsga olinishi Turkiyada norozilik namoyishlari boshlanishiga sabab boʻldi
Imomoʻgʻli Turkiya prezidenti Rejep Tayyip Erdogʻanning eng kuchli raqibi va muxolifat Respublika xalq partiyasining mashhur siyosatchisi hisoblanadi. U Turkiya davlati tomonidan terroristik tashkilot sifatida tan olingan Kurdiston ishchi partiyasini qoʻllashda va korrupsiyada ayblanmoqda.Erdogʻan tanqidchilari bu ayblovlarni uydirma, deb baholamoqda. Imomoʻgʻlining hibsga olinishi esa muxolifatga siyosiy zarba sifatida qabul qilingan. Istanbul merining qoʻlga olinishi Turkiyadagi repres
ХУРМОНИНГ ХОСИЯТЛАРИ
• Энергия манбаидир. Хурмо таркибидаги катта миқдордаги глюкоза, фруктоза ва сахароза организмга куч беради. Табиий шароитда етиштирилган хурмо тамадди қилиш кундузги ҳолсизликни бартараф этади.• Мия учун озуқадир. Фенол бирикмалари ва табиий антиоксидантларга э