Oʻzbekistondan tashqarida ishlab chiqarilgan tovarlar (xizmatlar) uchun ham moliyaviy isteʼmol kreditlari ajratiladi

AOKAda Markaziy bank hamda Iqtisodiyot va moliya vazirligi mutasaddilari ishtirokida oʻtkazilgan matbuot anjumanida tegishli Qonun mohiyati yuzasidan maʼlumot berildi.

Taʼkidlanishicha, Qonunning 15-moddasi birinchi qismining uchinchi xatboshisi chiqarib tashlandi, chunki isteʼmolchining ishlab chiqaruvchi yoki sotuvchini oldindan xabardor qilish majburiyati bugungi kunda oʻz ahamiyatini yoʻqotdi.

Ushbu oʻzgartirishlar:

— moliyaviy isteʼmol krediti berish tartibini soddalashtirishga;

— isteʼmolchilarning kundalik talablarini qondirilishi darajasini oshirishga va tadbirkorlikni yanada rivojlantirish;

— mahalliy ishlab chiqaruvchilarda oʻz mahsulotlari sifatini va raqobatbardoshligini oshirishga qiziqish uygʻotadi;

— aholiga sifatli mahsulotlarni tanlash va sotib olish imkoniyatini beradi.