Rossiyada nomaʻlum erkak ko'chada otishma uyushtirdi (video)

Rossiyaning Krasnodar o'lkasidagi Krimsk shahrida erkak sochiq bilan yashirib kelgan miltig'idan atrofdagilarga qarata o't ochdi. Bu haqda rus matbuoti xabar bermoqda.

Dastlabki, tasdiqlanmagan maʻlumotlarga ko'ra, bir kishi vafot etgan. Shuningdek, otishma boshlagan erkakning o'zi ham o'ldirilgani haqida maʻlumot bor.

Hozircha bu maʻlumotlar rasman tasdiqlanmagan.

"112" kanali xabariga ko'ra, qurollangan shaxs sudda sobiq rafiqasiga yutqazgan va hukm eʻlon qilingandan keyin uni taʻqib qila boshlagan. Ammo ko'chada notanish shaxs ayolning yonini olgan va qurbonga aylangan.

Guvohlarning aytishicha, voqea "Slavyanskiy" savdo markazi yaqinida yuz bergan. Voqea joyida politsiya va tergov qo'mitasi ishlamoqda.