MB naqd valyuta defitsiti bilan bog'liq muammolarga izoh berdi

image

Ayni vaqtda O'zbekistondagi barcha tijorat banklari naqd xorijiy valyuta bilan taʻminlangan. Bu haqda Markaziy bank matbuot kotibi maʻlum qildi.

Qayd etilishicha, tijorat banklarida jismoniy va yuridik shaxslar uchun valyuta sotish va sotib olish amaliyotlari hamda xorijdan pul o'tkazmalari uzluksiz ishlamoqda. 

Regulyatorga ko'ra, ayni kunlarda Xalq banki, Ipak ўli bank, Trastbank, Kapitalbank, Hamkorbank, Mikrokreditbank, Agrobank, Infinbank va Ipotekabank’da naqd valyuta va pul o'tkazmalari bilan bog'liq amaliyotlarda cheklovlar va muammolar yo'q.

"Hurmatli yurtdoshlar, savol va murojaatlarni Markaziy bank hamda tijorat banklari ishonch telefonlari orqali bildirish mumkinligi eslatib o'tiladi", deyiladi xabarda.