Транспорт вазирлиги томонидан очиқликни таʼминлаш борасида қилинган ишлари сенаторлар диққат марказида

Фото: Юнус Бўриев / “Халқ сўзи”

Жорий йилнинг 26-сентябр куни Сенатнинг Ахборот сиёсати ва давлат органларида очиқликни таʼминлаш масалалари қўмитасининг навбатдаги мажлиси бўлиб ўтди.

Унда, Қўмита аʼзолари, тегишли давлат органлари ва ташкилотлар масʼуллари, експертлар ва ОАВ вакиллари иштирок етди.

Қўмита мажлисида Сенатнинг навбатдаги ялпи мажлиси кун тартиби доирасида кўриб чиқилиши режалаштирилган масалалар, Транспорт вазирлиги ва унинг тизимидаги ташкилотлари томонидан очиқликни таʼминлаш борасида амалга оширилаётган ишларининг ижро ҳолати муҳокама қилинди.

Мажлисда дастлаб сенаторлар “Республика ижро етувчи ҳокимият органларининг яхлит тизими шакллантирилиши муносабати билан Ўзбекистон Республикасининг айрим қонун ҳужжатларига ўзгартиришлар киритиш тўғрисида”ги Қонунни кўриб чиқди.

Таʼкидланганидек, мазкур Қонунга асосан республика ижро ҳокимияти тизими вазирликлар, қўмиталар, агентликлар ва инспексияларни ўз ичига олган яхлит тизим сифатида ташкил етилганлиги сабабли, амалдаги қонун ҳужжатларидан “давлат қўмиталари” тушунчаси чиқариб ташланмоқда ва ислоҳотлар доирасида тегишли ўзгартиришлар киритилмоқда.

Ушбу Қонун билан давлат ҳокимияти ва бошқаруви органларининг фаолияти тўғрисидаги ахборот жумласига вазирликлар ва идораларнинг бюджет ва бюджетдан ташқари маблағлар ҳисобидан белгиланган мақсадли кўрсаткичларга еришилиши тўғрисидаги, шунингдек харажатлар иқтисодий таснифининг моддалари кесимида маблағларнинг сарфланиши ҳақидаги маʼлумотлар киритилиб, уларни ўз расмий веб-сайтларига жойлаштириб бориши лозимлиги белгилаб қўйилмоқда.

Шундан сўнг Қўмита мажлисида Транспорт вазирлиги ва унинг тизимидаги ташкилотлари томонидан очиқликни таʼминлаш борасида амалга оширилган ишлар муҳокама қилинди.

Муҳокама давомида вазирлик томонидан мазкур ўналишда ижобий ўзгаришлар билан бирга, вазирликнинг ташкилотлари ва ҳудудий бошқармаларида ҳали қилиниши лозим бўлган ишлар талайгина еканлиги айтиб ўтилди.

Жумладан, вазирликнинг 14 та ҳудудий бошқармасидан 7 тасининг расмий веб-сайтлари фаолияти бугунги кунда ишга туширилган бўлса-да, Хоразм, Қашқадарё, Навоий, Жиззах, Фарғона, Наманган ва Тошкент вилоятлари ҳудудий бошқармалари расмий веб-сайтлари умуман ишлаётгани ўқ.

Шунингдек, вазирликнинг ташкилотлари томонидан ўз расмий-веб сайтлари ва ижтимоий тармоқлардаги саҳифаларини юритишда маʼлумотларни мунтазам равишда янгилаб бориш, ушбу ташкилотлар томонидан матбуот анжуманлари, пресс-турлар, соҳага оид муаммоларни тезкор ёритиш ва танқидий материалларга расмий муносабат билдириш борасидаги ишлар талаб даражасида емас.

Оқибатда ҳудудларда аҳоли томонидан транспорт соҳасидаги маʼлумотларни олишда муаммолар сақланиб қолмоқда ва бу ҳолат аҳолининг ҳақли еʼтирозларини келтириб чиқармоқда.

Бундан ташқари, вазирлик ва унинг тизимидаги ташкилотлар томонидан бюджет маблағларининг сарфланиши билан боғлиқ маʼлумотларни очиқ еʼлон қилиб боришга ёндашув талаб даражасида емас. Хусусан, давлат харидларини амалга ошириш, давлат бюджети ва бюджет ташкилотларининг бюджетдан ташқари маблағлари бўйича мавжуд дебиторлик ва кредиторлик қарздорликлари тўғрисидаги маʼлумотлар, бюджет ташкилотларининг тармоқ, штатлар ва контингентлар режаларининг бажарилиши тўғрисидаги ҳисоботлар шулар жумласидан. Мазкур ҳолатлар Қўмита мажлисида атрофлича муҳокама қилинди ва вазирликка ушбу камчиликларни бартараф етиш тўғрисида тегишли топшириқ ва таклифлар берилди.

Мажлисда ҳар бир масала бўйича Қўмитанинг тегишли қарорлари қабул қилинди.