APL. “Manchester Siti”da sensatsion mag‘lubiyat, “Chelsi” yirik g‘alabaga erishdi. “Liverpul” esa 2 to‘p farqi bilan oldinda borib, g‘alabani qo‘ldan chiqardi
![image image](https://s.daryo.uz/wp-content/uploads/2021/10/gettyimages-1350238146-2048x2048.jpg)
Futbol bo‘yicha Angliya Premyer Ligasining 10-turidan o‘rin olgan bir qator o‘yinlar 30-oktabr, shanba kuni bo‘lib o‘tdi.
Foto: Getty Images
Amaldagi chempion “Manchester Siti” o‘z maydonida “Kristal Pelas”ni qabul qilib, kutilmaganda 0:2 hisobida imkoniyatni boy berib qo‘ydi. Dastlab, Uilfrid Zaa mehmonlarni hisobda oldinga olib chiqdi. O‘yin yakunlanishi arafasida esa Konor Gallaxer oradagi farqni yana bittaga oshirdi.
Qayd etish kerak, “shaharliklar” birinchi bo‘lim so‘ngidan boshlab, bir kishi kam bo‘lib qoldi. Emerik Lyaport qizil kartochka olib, maydondan chetlatildi.
Foto: Getty Images
“Liverpul” ham bu turda o‘z maydonida o‘yin o‘tkazib, “Brayton” bilan murosa yo‘lini tanladi. Mersisayd klubi birinchi bo‘limda Jordan Henderson va Sadio Manening gollari evaziga hisobda oldinda borayotgandi. Ammo bo‘lim so‘nggi va ikkinchi 45 daqiqalik o‘rtasida mehmonlar ikkita gol urib, muvozanatni tiklashga muvaffaq bo‘ldi.
“Chelsi” “Nyukasl” maydoniga safar qilib, yirik hisobdagi g‘alabani tantana qildi. “Aristokratlar”ning har uchala goli ham ikkinchi bo‘limda kiritildi, Ris Jeyms dubl muallifiga aylandi, Jorjinyo esa 11 metrlik jarima zarbasidan unumli foydalandi.
Uchrashuvlardagi gollar videosini bu yerda tomosha qilish mumkin — havola.
Ushbu g‘alabadan keyin “Chelsi” 25 ochko bilan musobaqa jadvalida peshqadamlik qilmoqda. “Liverpul” (22) 2-o‘rindan joy olgan bo‘lsa, “Manchester Siti” (20) 3-pog‘onani band etgan.
APL
10-tur bahslari
30-oktabr, shanba
“Manchester Siti” – “Kristal Pelas” 0:2
Gollar: 0:1 – 6 Zaa, 0:2 – 88 Gallaxer.
“Manchester Siti” – Ederson, Uoker, Lyaport, Ruben Diash, Joau Kanselu (Mahrez, 78), de Bryuyne (Stounz, 59), Bernardu Silva, Rodri, Grilish (Sterling, 78), Foden, Gabriel Jezus.
“Kristal Pelas” – Guaita, Uord, Andersen, Gexi, Mitchell, Kuyate (Olise, 85), Makartur, Gallaxer, Ayyu (Benteke, 65), Zaa, Eduar (Shlupp, 73).
Ogohlantirishlar: Ayyu (27), Bernardu Silva (45), Ederson (45), Gallaxer (65), Guaita (86).
Chetlatish: Lyaport (45).
“Liverpul” – “Brayton” 2:2
Gollar: 1:0 – 4 Henderson, 2:0 – 24 Mane, 2:1 – 41 Mvepu, 2:2 – 65 Trossard.
“Liverpul” – Alisson, Aleksander-Arnold, van Deyk, Konate, Robertson, Henderson, Keyta (Oksleyd-Chemberlen, 20), Jons (Minamino, 87), Firmino (Diogu Jota, 78), Saloh, Mane.
“Brayton” – Sanches, Veltman, Daffi, Dank, Kukurelya, Lallana (Gross, 77), March, Moder (Lempti, 66), Bissuma (Mak Allister, 60), Mvepu, Trossard.
Ogohlantirishlar: Minamino (88), Lempti (90), Daffi (90), Robertson (90).
“Nyukasl” – “Chelsi” 0:3
Gollar: 0:1 – 65 Jeyms, 0:2 – 77 Jeyms, 0:3 – 81, penalti Jorjinyo.
“Nyukasl” – Darlou, Mankilyo, Klark, Lassels, Kraft, Ritchi, Freyzer (Uillok, 66), Heyden (Almiron, 67), Longstaff (Shelvi, 81), Sen-Maksimen, Uilson.
“Chelsi” – Mendi, Jeyms, Tiago Silva, Ryudiger, Kristensen, Chiluell, Jorjinyo, Kante (Loftus-Chik, 64), Ziyesh (Barkli, 64), Haverts, Hadson-Odoi (Saul, 88).
Ogohlantirishlar: Heyden (17), Ritchi (39), Kante (54), Lassels (55), Ziyesh (57).
“Uotford” – “Sauthempton” 0:1
0:1 – 20 Adams.
“Byornli” – “Brentford” 3:1
Gollar: 1:0 – 4 Vud, 2:0 – 32 Louton, 3:0 – 36 Korne, 3:1 – 79 Goddos.
Murodjon Yoʻldoshev qozogʻistonlik dzyudochini magʻlub etdi. Navbatdagi raqib kim boʻladi?
Unda ishtirok etayotgan dzyudochimiz jahon chempionati sovrindori Murodjon Yoʻldoshev -73 kggacha boʻlgan vaznda qozogʻistonlik Daniyar Shamshayevni magʻlub etdi.Shu tariqa keyingi bosqichga yoʻl olgan sportchimizga AQSHlik taniqli sportchi Jek Yonezuka yoki moldovalik Adil Osmanov raqiblik qiladi.Avvalroq, dzyudochi Shukurjon Aminova afrikalik sportchini magʻlub etib keyingi bosqichga chiqqanligi haqida maʼlum qilingandi.
Makron bilan ko‘rishgan o‘zbekistonlik murabbiy bokschilarning imkoniyatini yuqori baholadi
Boks bo‘yicha O‘zbekiston terma jamoasi Fransiyaning Nansi shahridagi mashg‘ulotlarni yakunlab, hozirda Parijda Olimpiada bahslari uchun adaptatsiya jarayonlarini o‘tkazmoqda. Bu haqda terma jamoa murabbiyi Farrux Qilichev QALAMPIR.UZ'ga ma’lum qildi. “Nansidagi ikki haftalik mashg‘ulotimiz tugadi. Bokschilar bahslarga a’lo darajada tayyorgarlik ko‘rdi. 5 yildan buyon mana shu jamoaga murabbiylik qilyapman. Bungacha hech qachon bolalar bugungidek yaxshi formada bo
Parijga sportchilar uchun O‘zbekistondan maxsus ovqatlar jo‘natildi
Parijda bo‘lib turgan O‘zbekiston delegatsiyasi a’zolariga milliy taomlar jo‘natildi. Bu haqda Milliy Olimpiya qo‘mitasi matbuot xizmati xabar berdi. “Yirik kompleks musobaqalarda sportchilarimiz hech qachon taomlardan qiynalmagan. Davlatimizning qo‘llab-quvvatlashi bilan har bir musobaqalarda atletlarimiz uchun milliy taomlarimiz keltiriladi", deyiladi manba xabarida. Qayd etilishicha, Parijda ham delegatsiya a’zolariga ovqatlanishlari uchun alohida sharoit ya