calendar 16 Aug 18:40
eye 168
comments 0
comments Manba: sof

To'dako'l sohilida yangi plyaj-kurort ochildi. Narxlari qanday? (foto)

image

16 avgust kuni buxorolik tadbikorlar tomonidan To'dako'l suv havzasi qirg'og'ida barpo etilgan "Silk Road Family Resort" sayyohlik kurortining rasmiy ochilish marosimi o'tkazildi.

Tadbirni O'zbekiston Respublikasi Turizmni rivojlantirish davlat qo'mitasi raisi o'rinbosari Ulug'bek Azamov ochib berdi.

Ochilish marosimida Buxoro viloyati hokimi o'rinbosari Botir Shaxriyorov, Navoiy viloyati hokimi o'rinbosari Kamoliddin Hasanov, Qiziltepa tumani hokimi Shabon Nabiyev va boshqa mutasaddi rahbarlar qatnashdi.

Jahon andozalariga mos keluvchi ushbu dam olish maskani loyihasiga ko'ra, qurilish jarayonlari 2022 yilda yakunlashi rejalashtirilgan. To'dako'l sohili bo'yida barpo etilayotgan plyaj, dam olish va sog'lomlashtirish maskani hamda akvaparkning umumiy loyiha qiymati 6 mln AQSh dollarini tashkil etadi.

Avvalroq Bosh vazir o'rinbosari, Turizmni rivojlantirish davlat qo'mitasi raisi Aziz Abduhakimov Buxoro va Navoiy viloyatlari hokimliklari bilan birgalikda joylarga chiqqan holda turizmni jadal rivojlantirishga qaratilgan islohotlarni muhokama qilib, To'dako'l sohilida sayyohlik dam olish maskanlarini tashkil qilishga doir tegishli tavsiyalari bilan bo'lishgan edi.

To'dako'l qirg'og'iga tutash bo'lgan 15,0 gektar maydonda mazkur obʻyektning birinchi bosqichida - 500 nafar, ikkinchi bosqichida esa 1500 nafardan ortiq sayyohni qabul qilish imkoniyati yaratiladi. Bu sayyohlik dam olish maskani ishga tushgach 150 dan ziyod yangi ish o'rinlari yaratilishi ko'zda tutilgan.

Loyiha to'liq quvvatda faoliyat yuritishi bilan dastlabki davrda bir oyda kamida 4,5 mlrd. so'm, keyinchalik esa 40 mlrd. so'mgacha daromad bo'lishi kutilmoqda. Obʻyekt hududini obodonlashtirish va ko'kalamzorlashtirish maqsadida 7 ming tup manzarali daraxtlar ekish mo'ljallangan bo'lib, ayni paytgacha 3 ming tupdan ortiq ko'chatlar o'tkazilgan va plyaj hududi bo'ylab tabiiy chim yotqizilgan.

Shuningdek, ushbu sayyohlik obʻyekti plyaj, basseyn, quyosh nurida toblanish, akvapark, kichik "Disneyland", 50 o'ringa mo'ljallangan mehmonxona, dam olish tapchanlari, korabl timsolidagi restoran, yozgi terassa, SPA-salon, tabiat qo'ynidagi o'yingoh, tibbiyot burchagi, sog'lomlashtirish maskani, sport o'yingohi, ot sporti maydoni, avtoturargoh va maxsus suv transportlari kabi turli qo'shimcha xizmatlarni ham o'z ichiga oladi. Bu maskanga tashrif buyuruvchilar uchun ochiq osmon ostida bir-biridan qiziqarli kontsert va shou dasturlari ham namoyish etiladi.

Buxoro viloyati hokimi o'rinbosari Botir Shaxriyorovning aytishicha, kurortga kirish bir kunga kishi boshiga 100 000 so'mdir. Bunga majmuadagi basseyn va boshqa xizmatlardan foydalanish, sochiq va sohil shezlongi ijarasi kiradi. 6 kishilik ayvonni ijaraga olish 1 million so'm (ovqatlari bilan). 5 yoshgacha kirish tekin. Narxlar bo'yicha batafsil maʻlumot yaqinda eʻlon qilinadi.


Doʻstlaringiz bilan ulashing

01 Jun 17:30
 
81
0
postda.uz

HALOLLIKKA AHD QILISHDI

Yaqinda IIV Qorovul qo‘shinlari qo‘mondonining shaxsiy tarkib bo‘yicha navbatdagi buyrug‘i bilan xizmatga yangi qabul qilingan 21 nafar nomzodga harbiy qismlarga yo‘llanmalar berildi. Shuningdek, kontrakt bo‘yicha harbiy xizmatga qabul qilingan osoyishtalik posbonlari tantanali ravishda Halollik qasamyodini qabul qilishdi.  Tadbir avvalida so‘zga chiqqan Qorovul qo‘shinlari qo‘mondonining o‘rinbosari, polkovnik D. Ashurov ona Vatanimiz himoyachilarining kelgusi

11 Jul 16:09
 
54
0
xs.uz

Dollar va yevro kursi koʻtarildi, rubl esa pastladi

Unga koʻra, dollarning rasmiy kursi 22,14 soʻmga oshdi va 12 655,02 soʻmni tashkil qildi.Yevro kursi 58,12 soʻmga koʻtarilib, 13 725,63 soʻm etib belgilandi.Rossiya rubli 0,24 soʻmga pastlab, 144,28 soʻmni tashkil qildi.

04 Jul 13:04
 
27
0
postda.uz

ФАОЛ ИНСПЕКТОР

Кун қаҳрамони Шофиркон тумани ИИБ ходимлари айни кунларда ўтказлаётган “Қорадори–2024” тезкор профилактик тадбирида фаол қатнашмоқда. Тадбирлар давомида гиёҳванд моддалар билан қонунга хилоф равишда муомала қилишга доир бир қатор жиноий ҳолатларга чек қўйилди. Я

11 Jul 15:13
 
61
0
xs.uz

Toshkentdagi barcha mozaikali turar-joy binolari reklama bannerlaridan tozalanadi

Toshkent shahridagi turar joy binolarida tasvirlangan barcha mozaikalar reklama bannerlaridan tozalandi. Bu haqda Madaniyat va sanʼatni rivojlantirish jamgʻarmasi hamda poytaxt hokimligi axborot xizmati xabar berdi.Unga koʻra, Oʻzbekiston Madaniyat va sanʼatni rivojlantirish jamgʻarmasi, Toshkent shahar hokimligining Raqamli rivojlanish departamenti hamda Madaniy meros agentligi hamkorligida Toshkent shahridagi turar-joy binolarida tasvirlangan barcha mozaikalar reklama qurilmalaridan ozod