Temur ESHBOYEV/'Xalq soʻzi'. Mamlakatimizda amalga oshirilayotgan 'Dolzarb 90 kun' loyihasi doirasida Navoiy davlat konchilik va texnologiyalar universitetining qishloq xoʻjaligi fakultetida tomdilik yoshlar uchun bepul oʻquv kurslari tashkil etildi. 30 nafarga yaqin abituriyent jalb qilinib, ularga matematika, fizika, ingliz tili, kimyo, biologiya, huquq, ona tili kabi fanlardan universitetning professor-oʻqituvchilari tayyorlov kurslarini oʻtishmoqda.

' Bundan koʻzlangan asosiy maqsad olis hudud ' Tomdi tumani yoshlarini oliy taʼlimga qamrab olishda qoʻshimcha imkoniyatlar yaratishdir, ' deydi universitet rektori Baxtiyor Mardonov. ' Shuningdek, oʻquv kurslari davomida mazkur yoshlar bilan muloqot oʻtkazib, ularning kelgusi maqsadlari va unga erishishda koʻmaklashishni oʻz oldimizga qoʻyganmiz.



Tomdilik abituriyentlarga istiqomat qilishi uchun universitetning 1-sonli Talabalar turarjoyidan alohida xonalar ajratilgan, ular hafta davomida 3 kun tayyorlov kurslarida qatnashmoqda. Boʻsh vaqtlarida esa universitet boʻylab sayohatlar tashkil etilgan.